Залкар акын Эстебес Турсуналиев. Архив

Байге фонду миллион сомдук республикалык айтыш сынагы өтөт

146
Өнөр ээлерин тандоо туру 19-июнда Коомдук телерадио корпорациясынын залында болот. Мелдеш эртеси күнү кечинде улуттук филармонияда өтөт.

БИШКЕК, 1-июн. — Sputnik. Борбор калаада 20-июнда республикалык айтыш сынагы өтөт. Бул тууралуу "Айтыш" коомдук фонду кабарлады.

Мелдеш аталган фонддун 20 жылдыгына карата жана залкар акын Эстебес Турсуналиевдин 90 жылдыгына арналып уюштурулуп жатканы белгиленди.

Тандоо туру 19-июнда саат 10:00дө КТРКнын залында башталат. Айтыш эртеси, 20-июнда, саат 18:00дө улуттук филармонияда өтөт. Байге фонду бир миллион сом.

Ушул жылдын 28-мартында "Айтыш" коомдук фондунун 20 жылдыгына жана акын Тоголок Молдонун 160 жылдыгына арналган айтышта баш байгени Идрис Айитбаев, ал эми биринчи орунду Баян Акматов алган эле.

146
Белгилер:
сынак, айтыш, Эстебес Турсуналиев, Кыргызстан
Тема боюнча
Санкт-Петербургдагы окуу жайга Төлөмүш Океевдин бюсту орнотулду. Сүрөт
Бишкек мэриясы "Наристе манасчы" сынагын жарыялады. Шарты
Кыргыз Республикасынын эл артисти, театр жана кино актеру, белгилүү куудул Күмөндөр Абылов

Абылов: кыргыз күлкүсүнүн 45 түрү бар

34
(жаңыланган 12:39 24.06.2021)
Кыргыз Республикасынын эл артисти, театр жана кино актеру, белгилүү куудул Күмөндөр Абылов кыргызда күлкүнүн 45 түрү бар экенин айтты.

Кыргызды күлдүрүш кыйын дешет. Чынында ушундай, анткени биздин эл ишенген нерсесине гана күлөт. Бирок бул кыргызда күлкү жанры өнүкпөй калган дегенди түшүндүрбөйт. Мындай пикирин Күмөндөр Абылов Sputnik Кыргызстан радиосунун эфиринде маек куруп жатып билдирди.

Абылов: кыргыз күлкүсүнүн 45 түрү бар

Анын айтымында, аталган жанрды өнүктүрүү иштери колго алынбай жатат.

"Кыргыз элинде күлкү жанры абдан өнүккөн. Мунун далили катары аталган жанрдын 45 түрү бар экенин айтсак болот. Күлкү, күйдүргү, жанытма, кыйытма, апыртма, такмаза, кер какшык, какшык, каяша жана башка, мунун бардыгы ушул жанрга кирет. Керек болсо күлкүнү кыргыздын комузу, манасчылык, төкмөлүк өнөрү сыяктуу деңгээлде алып карасак болот. Ал үчүн бардык мүмкүнчүлүктөр бар. Бирок азыр жакшы көңүл бурулбай жатат. Сатира жазгандар жок, болсо да бекер бергиси келбей кийинки муун үзүрүн көрөр деп үйүнө катып койгон. Ал эми куудулдарыбыздын көпчүлүгү театралдык билими, сахна маданияты жок эле эл алдына чыгып алып, чампалап номерлерди коюшууда. Пикеттин деңгээлинен жогору, көрүүчүгө руханий байлык тартуулай турган сатиралар жаралбай калды. Андыктан күлкү жанрына илимий, мамлекеттик деңгээлде карап, иштер жасалуусу керек. Ар бир түрүн иликтеген илимий иштер жазылса, өнүктүрүү коому түзүлүп, куудулдардын билими жогорулатылса кандай жакшы болор эле. Элге мамлекеттик идеологиянын негизинде талаптар коюлуп, дасыккан режиссерлер менен ийине жеткире иштелип чыккан гана номерлер тартууланышы керек", — деди Абылов.

Ал сатирик жазуучулар менен куудулдардын башын бириктирип иш алып баруу маселесин тез арада ишке ашыруу зарылдыгы турганын кошумчалады.

34
Белгилер:
сатира, көйгөй, күлкү, Күмөндөр Абылов
Тема боюнча
Ниязов: Асанкул Шаршеновдун 16 улуттун өкүлүн жалгыз ойногон спектакли бар
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев

Чокиев: убакыттын өтүшү менен залкарлардын заманы кайтып келет

19
(жаңыланган 12:17 24.06.2021)
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев классикалык музыкага болгон муктаждык убактылуу эместигин белгиледи.

Шоу-бизнес күнүмдүк, негизги максаты — элдин көңүлүн тартып каражат чогултуу. Ал эми классикалык музыкалар түбөлүктүү. Мындай пикирин Турдубек Чокиев Sputnik Кыргызстан радиосунда маек куруп жатып билдирди.

Чокиев: убакыттын өтүшү менен залкарлардын заманы кайтып келет

Анын айтымында, убакыт өткөн сайын классикалык музыканы угууга зарылчылык жаралышы ыктымал.

"Классика деген сөздүн өзү түбөлүктүү деген маанини берет. Жөнөкөй эле мисал келтирейин. Классикалык костюм-шым, галстук эбактан бери актуалдуулугун жоготпой келе жатат. Музыка дагы ошондой эле. Мода кубалагандар бүгүн жылтырак, эртең ич кийимчен чыгып калышы мүмкүн. Бирок ал утурумдук, жаңы мода менен кайра өзгөрүүлөр болот. Шоу-бизнес деле ошол сыяктуу, түбөлүктүү эмес. Ошондон улам анын негизги максаты — элдин көңүлүн буруп каражат табуу. Ал эми классикалык музыка түбөлүктүү. Белгилей кетчү жагдай, заман ушундай болот экен, залкарлар топ-тобу менен келип, кетишет. Мисалы, Калый Молдобасанов, Чыңгыз Айтматов сыяктуу залкарлар замандаш болушкан. Андан кийин ортодо кандайдыр бир боштук пайда болуп, классикалык чыгармалар экинчи планга түшүп калды. Кийин убакыттын өтүшү менен карлыгачтай болуп залкарлардын заманы кайтып келет. Ошол учурда классикалык чыгармаларды угууга зарылчылык жаралып, ошол нерсе модага айланып калышы ыктымал", — деди Чокиев.

Композитор учурда маалыматтын көптүгүнөн кыска, кичирээк чыгармаларга муктаждык күч болуп калганын белгилеп, ошого ыңгайлашуу зарылдыгын кошумчалады.

19
Белгилер:
мода, шоу-бизнес, музыка, Турдубек Чокиев
Тема боюнча
Интернет жылдызы Атамбаев: мурда ырдап көргөн эмесмин, үнүм кийин ачылды
Кыргызстандын президенти Садыр Жапаров. Архив

Садыр Жапаров Түркмөнстанга барып, Тажикстанга да тие келери кабарланды

0
(жаңыланган 14:17 24.06.2021)
Мамлекет башчы 27-28-июнь күндөрү Түркмөнстанга барып, 28-29-июнда Тажикстанда кыргыз-тажик чек арасына байланыштуу маселелерди талкуулайт.

БИШКЕК, 24-июн. – Sputnik. Кыргызстандын президенти Садыр Жапаров 27-28-июнь күндөрү Түркмөнстанга расмий сапары менен барат. Бул тууралуу мамлекет башчынын аппаратынан билдиришти.

Маалыматка караганда, Жапаров Түркмөнстандын башчысы Гурбангулы Бердымухамедов менен тар жана кеңейтилген форматта жолугушуу өткөрөт.

“Эки өлкөнүн жетекчилери эки жана көп тарапттуу кызматташууну, аймактык жана эл аларык уюмдардын алкагында иштешүүнү талкуулашат”, - деп айтылат маалыматта.

Ал эми 28-29-июнь күндөрү Садыр Жапаров Тажикстанга расмий сапары менен барып, Эмомали Рахмон менен жолугары кабарланды. Тараптар кырыгыз-тажик чек арасына байланыштуу маселелерди талкуулашат.

0
Белгилер:
чек ара, расмий сапар, Тажикстан, Түркмөнстан, Кыргызстан
Тема боюнча
Садыр Жапаров июндун соңу менен Тажикстанга барат
Путиндин өкүлү Козак Бишкекке келип, Жапаровдун кабыл алуусунда болду