Кыргызстандык модель Салидат Хамилова. Архивдик сүрөт

Хайди Клум алып барган шоуга кыргызстандык модель катышууда. Сүрөт, видео

512
(жаңыланган 16:41 20.07.2021)
Долбоорго дүйнөнүн чар тарабынан келген 12 жаш дизайнер катышууда. Алар миллион долларлык байге жана өз брендин чыгаруу мүмкүнчүлүгү үчүн жан үрөйт.

БИШКЕК, 20-июл. — Sputnik. Кыргызстандык модель Салидат Хамилова Amazon Original уюштурган Америкадагы фэшн-шоуга катышууда. Бул тууралуу өзү Instagram баракчасы аркылуу кабарлады. 

Посмотреть эту публикацию в Instagram

Публикация от SALIDAT (@salidatkh)

Долбоордун алып баруучусу белгилүү модель Хайди Клум менен мода тармагындагы консультант Тим Ганн болгон. Шоу Making the Cut деп аталып, быйыл экинчи сезону башталды. Долбоорго дүйнөнүн чар тарабынан келген 12 жаш дизайнер катышууда. Алар миллион долларлык байге жана өз брендин чыгаруу мүмкүнчүлүгү үчүн жан үрөйт.

"Мен бул шоуга катышып жатканыма өтө кубанычтамын. Хайди менен Тимди көрүп чоңойдум. Моданын дөө-шаалары менен иштешип, белгилүү подиумдарда басам деп ойлогон эмесмин", — деп жазган Салидат Хамилова.

Шоунун катышуучуларынын максаты — өзгөчө жана авангарддык дизайнерлик эмгектерди тартуулоо. Долбоордун уюштуруучулары жаңы сезондо калыстар тобунун катарын супермодель Наоми Кэмпбелл, актриса Николь Ричи, Vogue журналынын мурдагы баш редактору Карин Ройтфельд жана дизайнер Жозеф Альтузарра толуктарын убадалаган.

512
Белгилер:
шоу, модель, АКШ, Кыргызстан
Тема боюнча
Кыргызстандык Ангелина ТНТ каналынын моделдер тууралуу долбооруна тартылды
Садыр Жапаровго окшош жигит модель болуп иштей баштады. Сүрөттөр

Жапжаш кездери экен! Мамакеев жана Океевдин "Алтын күздөгү" таберик сүрөтү

115
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Таланттуу режиссёр Төлөмүш Океев менен белгилүү хирург Мамбет Мамакеевдин сүрөтү 1980-жылы Фрунзе (азыркы Бишкек) шаарында тартылган
© Sputnik / Александр Федоров

Таланттуу режиссёр Төлөмүш Океев менен белгилүү хирург Мамбет Мамакеевдин сүрөтү 1980-жылы Фрунзе (азыркы Бишкек) шаарында тартылган.

Ал жылы СССРдин эл артисти Океев драматург Мар Байжиевдин сценарийинин негизинде "Алтын күз" тасмасын тартып, ага кыргыз интеллигенциясынын өкүлдөрү катышкан.

Бул ирмемди кинофотограф Александр Федоров борбор калаадагы ооруканалардын биринде фотоаппаратына тартып алган.

Ошол кезеңди Кыргыз эл баатыры Мамбет Мамакеев мындайча эскерет:

"Мени Төлөмүш "Алтын күзгө" чакырганда 53 жашта болчумун. Ал менин биринчи жолу тартылган фильмим. Хирург болуп иштеп эл арасында таанылып калгам. Ага жазуучу Түгөлбай Сыдыкбеков, опера ырчысы Болот Миңжылкыев да катышкан. Убагында Төлөмүш экөөбүз ага-инидей, жердештей жакшы мамиледе болуп жүрдүк. Борбор калаадагы Фрунзе көчөсүндө кошуна жашап, бир туугандай катышып калдык. Андай таланттуу режиссёр чанда эле жаралат. Иште, көчөдө, тоо-ташта жүргөндө элдин баарын күлдүрүп чукугандай сөз тапчу. Кийин Түркияга элчи болуп кеткенде аялы катуу ооруду. Ошондо Төлөмүш келинчегине катуу сарсана болуп, жандалбастап чуркап жүрүп өзү эрте кетип калды. Кудай дагы өмүр бергенде кыргыз элине далай мыкты эмгектерин тартууламак. Анын адамгерчилик сапатын, киночу катары мыкты чеберчилиги эч качан унутулбайт", — деди Мамакеев.

Аталган кинокартинага Аида Юнусова, Димаш Ахимов, Хамар Адамбаева, Жамал Сейдакматова, Лидия Ашрапова, Макиль Куланбаев, Алмаз Кыргызбаев, Асек Жумабаев, Орозбек Кутманалиев, Советбек Жумадылов, Жамал Сейдакматова, Шайлообек Алыкулов, Орозбек Кутманалиев, Жумаш Сыдыкбекова өңдүү кыргыз, казак элинин таланттуу актёрлору роль жараткан. Ошондой эле хирург Мамбет Мамакеев, залкар опера ырчысы Болот Миңжылкыев, жазуучу Аалы Токомбаев, Түгөлбай Сыдыкбеков да тартылган.

Учурда 93 жаштагы Мамбет Мамакеев бейтаптарды кабыл алып операция жасап келет. КРдин баатыры 68 жылдан ашык эмгек жолунда 30 миңден ашык адамдын өмүрүн сактап, 1000ге чукул шакирттерди тарбиялап, 200дөй илимий эмгекти жаратууга жетишкен.

115
Белгилер:
таберик сүрөт, 'Алтын күз' тасмасы, Мамбет Мамакеев, Төлөмүш Океев
Тема:
"Таберик сүрөт" — сейрек кездешкен ирмемдер
Тема боюнча
Бала-чакасы менен айлап гастролдогон актёрлор. Нарында тартылган таберик сүрөт
Баланын тилин таап, талантын ачкан Океев. "Көк серектеги" таберик сүрөт
27 жаштагы Таттыбүбү... "Отко таазим" тасмасындагы таберик сүрөт
Көөнө сөз рубрикасы

Талантбеков: "дара" деген сөздү бир нече мааниде колдонсо болот

61
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздү чечмелеп берди.

Өрөөн, капчыгай, өзөн же коктуга синоним катары "дара" деген сөз колдонулат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: "дара" деген сөздү бир нече мааниде колдонсо болот

Анын айтымында, эпосто аталган сөз кезиккен бир нече саптар бар.

Манасчи, член общественного объединения Көйкашка Нурбек Талантбеков
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Эпосто төрт тамгадан, эки муундан турган "дара" деген сөз айтылат. Аны эки мааниде колдонсо болот. Биринчиси - капчыгай, өрөөн, өзөн, же болбосо эки тоонун ортосундагы аралык катары түшүндүрүлөт. Экинчи маанисинде "өзүнчө" же "айрым" деген мааниде колдонулуп келет. Бул сөздү күнүмдүк турмушта пайдалана бербейбиз. Бирок жогорудагы сөздөргө синоним катары пайдаланып, тилди байытууга мүмкүндүк түзсөк деген пикирдемин", — деди Талантбеков.

Манасчы көөнө сөздөрдү күнүмдүк турмушта колдонуу зарылдыгын кошумчалады.

61
Белгилер:
Кыргызстан, эне тил, Манас эпосу, Нурбек Талантбеков
Тема боюнча
Талантбеков: куураган катуу жыгачты же абдан арыктарды "сейин" десе болот
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео