Ырчы Анара Шаимкулова. Архив

Кыргыз-казак өнөрпоздору эки күн бою "Сармерденде" күч сынашат

224
(жаңыланган 13:13 24.08.2021)
Кыргызстандын эгемендүүлүгүнүн 30 жылдыгына жана кыргыз-казак достугуна арналган "Сармерден" долбоору 24-25-август күндөрү Бишкек шаарында өтөт. Иш-чара өкмөттөр аралык деңгээлде уюштурулуп, ага эки мамлекеттин тең маданият министрлеринин катышуусу күтүлүп жатат.

БИШКЕК, 24-авг. — Sputnik. Бүгүн жана эртең Бишкек шаарында Кыргызстан менен Казакстандын өнөрпоздору "Сармерден" долбооруна катышат. Маалыматты Sputnik Кыргызстан агенттигине долбоордун продюсери Сагын Ниязалиева тастыктады.

Анын айтымында, иш-чара Кыргызстандын эгемендүүлүгүнүн 30 жылдыгына жана кыргыз-казак достугуна арналууда.

"Бүгүн кечки саат 18.00дө Токтогул Сатылганов атындагы Кыргыз улуттук филармониясында кыргыздын таланттуу кыздары менен казактын таланттуу жигиттери сахнага чыгышат. Эртең биздин жигиттер казактын кыздары менен таймашат", — деди Ниязалиева.

Маалыматка караганда, иш-чара өкмөттөр аралык деңгээлде уюштурулуп, ага эки мамлекеттин тең маданият министрлеринин катышуусу күтүлүп жатат.

"Кыргыз тараптан кыз-келиндерден Анара Шаимкулова, Алтынай Нарбаева, Кундуз Таштаналиева, Ширин Сарыгулова, Кенже Көбөкова сыяктуу өнөрпоздор катышат. Ал эми жигиттер тобун Токтобек Асаналиев, Аскат Мусабеков, Бакыт Шатеновдой мыктыларыбыз баштайт", — деди продюсер.

Иш-чарага маданий, саясий ишмерлерден турган 800дөй конок чакырылган.

224
Белгилер:
Кыргызстан, Бишкек, Казакстан, сармерден, достук
Тема боюнча
Бишкекте кыргыз-казак эл аралык айтышы өтөт
Ооруган Чокморовду Фрунзеге тик учак менен жеткирип... "Жалаң эркектердеги" ирмемдер

Чалагыз Исабаев жубайы Самара Токтакунова, уулу Актан менен. Таберик сүрөт

82
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Төрдө отурган Камбаркан фольклордук-этнографиялык ансамблинин негиздөөчүсү, белгилүү музыкант Чалагыз Исабаев, анын сол жагында жубайы, СССРдин эл артисти Самара Токтакунова жана уулу Актан Исабаевдин сүрөтү 1987-жылы Фрунзе (азыркы Бишкек) шаарында тартылган
© Фото / из семейного архива Исабаевых

Төрдө отурган "Камбаркан" фольклордук-этнографиялык ансамблинин негиздөөчүсү, белгилүү музыкант Чалагыз Исабаев, анын сол жагында жубайы, СССРдин эл артисти Самара Токтакунова жана уулу Актан Исабаевдин сүрөтү 1987-жылы Фрунзе (азыркы Бишкек) шаарында тартылган.

Ал кезеңди Актан Исабаев мындайча эскерет:

"Бул сүрөт жакында эле колума тийди. Мен үчүн атам менен түшкөн ар бир сүрөтүм өтө баалуу, менин жашоомдогу эң кадыр-барктуу, сүйүктүү адамым болуп кала берет. Ал кезде мен 15 жашта болчумун. Атам менен апам көп гастролдогондуктан аларды чыдамсыздык менен күтчүмүн, чет мамлекетке кеткенде айылдагы тайларымдыкына же шаарда өкүл балдарыныкына калтырып кетишчү эле. Дайыма жалгызсырап, ата-энемди сагынып жашачумун. "Эмне үчүн башка балдардай дайыма ата-энем менен бирге жашай албайм" деп ойлоно берер элем. Арадан жети-сегиз күн өтүп келип калышат. Сүйүнүп отурсак экөө кайра эле бир айга башка мамлекетке гастролго кетчү. Ал эми алардын ортодогу мамилесине, эки ак куудай өмүр сүргөнүнө көптөр суктанчу. Экөөнүн ортосу сегиз жаш айырма да. Атабыз каза болгондон кийин апам деле кусалыктан, кайгыдан артынан кетип калышы ыктымал эле. Сезими ушунчалык күчтүү болгон. Бирок үй-бүлөсүн, балдарын ойлоп, белин бекем бууп, жашоого бел байлады өңдөнөт", — деди Исабаев.

Эске сала кетсек, "Камбаркан" фольклордук тобунун түптөөчүсү Чалагыз Исабаев 1991-жылы Ысык-Көлдө жол кырсыгынан 53 жашында көз жумган. Жубайлар 26 жыл бирге өмүр сүрүп, чыгармачылыкта бири-бирине жөлөк болуп, эки уулду татыктуу тарбиялаган. Улуу баласы Аслан АКШда скрипка боюнча сабак берип эмгектенсе, экинчи баласы Актан Исабаев Кыргызстанда төбөсү көрүнгөн ырчы-аткаруучу.

82
Белгилер:
Актан Исабаев, Чалагыз Исабаев, Самара Токтакунова, таберик сүрөт
Тема:
"Таберик сүрөт" — сейрек кездешкен ирмемдер
Тема боюнча
Легендарлуу министрди жандаган таланттар. Залкарлардын таберик сүрөтү
Театр менен кинонун Толгонайлары. Курбулардын таберик сүрөтү
Жапжаш Базаровду курчаган сулуу кыздар. "Көчөдөгү" таберик сүрөт

Түрү укмуштарынан жылмайткандарына чейин. Met Gala-2021деги костюмдардын сүрөтү

78
Met Gala Американын Нью-Йорк шаарындагы шаан-шөкөттүү жашоону жакшы көргөндөрдүн сүйүктүү иш-чарасы. Жыл сайын ага ким кандай кааласа кийинип келет. Кээде алардын костюмдары таңгалдырса, кээде кишини чочутат.

Иш-чаранын максаты — Нью-Йорктогу Метрополитен-музейинин Костюмдар институтуна акча чогултуу. Биринчи ирет ал ойду 1948-жылы ишке ашырышкан. Ошондон бери бул салт катары калыптанып, уланып келе жатат. Анткен менен 2020-жылы эл чогулган эмес.

Бул сапар "Америкада: модалуу лексикон" деп аталды, бирок чакырууга "Америкадагы эркиндик" деп жазып таратышкан.

Бул сүрөт түрмөктөн бир укмуш костюмдарды көрүүгө болот. Сырттан караган сыпайы жүргөн адамды бул кийимдер чочутушу, уялтышы, таңгалдырышы же күлдүрүшү мүмкүн.

78
  • © AP Photo / Evan Agostini

    Модель жана актриса Валентина Сампайо

  • © AFP 2021 / Angela Weiss

    Рэпер Lil Nas X

  • © REUTERS / Mario Anzuoni

    Модель Кендалл Женнер

  • © AFP 2021 / Dimitrios Kambouris / Getty Images

    Аткаруучулар Роки жана Рианна

  • © AFP 2021 / Cindy Ord / MG21 / Getty Images

    Рэпер кыз Saweetie

  • © AFP 2021 / Dimitrios Kambouris / Getty Images

    Модель Иман

  • © REUTERS / Mario Anzuoni

    Ырчы Ким Петрас

  • © REUTERS / Mario Anzuoni

    Модель Ким Кардашьян

  • © REUTERS / Mario Anzuoni

    Модель жана актриса Хантер Шефер

  • © REUTERS / Mario Anzuoni

    Модельер Зак Позен жана ырчы, актриса Дебора Харри

  • © AFP 2021 / Dimitrios Kambouris

    Ырчы жана актриса Синтия Эриво

  • © AP Photo / Evan Agostini

    Ырчы Жей Бальвин жана трансвестит модель Саймон

  • © REUTERS / Mario Anzuoni

    Баскетболчу Коби Брайанттын кызы Наталья Брайант

  • © REUTERS / Mario Anzuoni

    Модельер Жереми Скотт жана модель Ирина Шейк

  • © AFP 2021 / Mike Coppola / Getty Images

    Модель жана актёр Эван Мок

  • © AP Photo / Evan Agostini / Invision

    Актриса, ырчы жана модель Зои Кравиц

  • © AFP 2021 / Mike Coppola / Getty Images

    Актриса Эмили Блант жана Vogue редактору Хэмиш Боулз

  • © AP Photo / Evan Agostini

    Теннисчи Серена Уильямс

  • © REUTERS / Mario Anzuoni

    Актёр Дэн Леви

  • © AP Photo / Evan Agostini

    Ырчы жана актриса Хлоя Бэйли сиңдиси жана кесиптеши Халла Бэйли менен

  • © REUTERS / Mario Anzuoni

    Музыкант жана фотограф Фрэнк Оушен

  • © REUTERS / Mario Anzuoni

    Ырчы жана актриса Женнифер Лопес

  • © AFP 2021 / Angela Weiss

    Ырчы Граймс

  • © REUTERS / Andrew Kelly

    Теннисчи Наоми Осака

Белгилер:
АКШ, Нью-Йорк, костюм, сүрөт
Тема боюнча
Толук кыз-келиндердин ажарын ачкан купальниктер. Мода жумалыгынан 12 сүрөт
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

0
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

0
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди