Театр менен кинонун Толгонайлары. Курбулардын таберик сүрөтү

188
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
СССРдин эл артисти, белгилүү актриса Даркүл Күйүкова менен театр жылдызы Бакен Кыдыкееванын сүрөтү 1979-жылы Фрунзе шаарында
© Sputnik / А. Абдыгулов

СССРдин эл артисти, белгилүү актриса Даркүл Күйүкова менен театр жылдызы Бакен Кыдыкееванын сүрөтү 1979-жылы Фрунзе (азыркы Бишкек) шаарында тартылган.

Таланттуу инсандар ал жылдары Кыргыз улуттук академиялык драма театрында иштеп, сахнада залкар жазуучу Чыңгыз Айтматовтун чыгармасынын негизинде коюлган "Саманчынын жолу" спектаклинде роль жаратчу.

Ошол кезеңди Даркүл Күйүкованын уулу, КРдин эмгек сиңирген артисти Рыспек Абдубачаев мындайча эскерет:

"Апам менен Бакен эже жакын курбулардан болчу. Экөө тең Төкөлдөш айылында туулуп-өскөн. Бир туугандай болуп, эже биздин үйгө келип акылдашып, сырдашып отуруп калышчу. Театрда көп жыл чогуу иштеп, чыгармачылыкта бирге жүрүштү. Апам "Саманчынын жолу" спектакли театрда коюла баштагандан тарта эле Толгонайдын ролун узак убакыт аткарып жүрдү. Анын аркасы менен далай ийгиликтерди багындырган. Бир күнү Москвадан жогорку окуу жайды жаңы эле бүтүп келген Геннадий Базаров апама "Саманчынын жолу" тасмасынын сценарийин көтөрүп келип, кинодо Толгонайдын ролун аткарып бериңиз деп калды. Апам "менин ал образды сахнада ойногонум эле жетишет. Ушуну Бакенге берип койгула" деп айткан. Мындай жоопту уккан кинорежиссер аябай таң калып, "кандай кең пейил, айкөл адамсыз" дегени эсимде", — деди Абдубачаев.

Эске сала кетсек, Даркүл Күйүкова "Саманчынын жолундагы" Толгонайды театрда ойноп жүрүп, 1967-жылы СССРдин эл артисти наамына татыган. Аталган спектакль Кыргыз улуттук академиялык драма театрында эле 30 жылдай коюлуп, бир катар сынактардан байгелүү кайткан.

Ал эми Бакен Кыдыкеева кинодо Толгонайдын образын жаратып СССРдин эл артисти наамына ээ болуп, ошол ролу үчүн Бүткүл Союздук фестивалда "Аялзаттын эң мыкты образы" номинациясында жеңишке жеткен.

188
Белгилер:
Кыргызстан, Даркүл Күйүкова, Бакен Кыдыкеева, театр, таберик сүрөт
Тема:
"Таберик сүрөт" — сейрек кездешкен ирмемдер (161)
Тема боюнча
Легендарлуу министрди жандаган таланттар. Залкарлардын таберик сүрөтү
Жапжаш кездери экен! Мамакеев жана Океевдин "Алтын күздөгү" таберик сүрөтү
Жумакматовдун ордуна оркестр башкарган Байжиев. Залкарлардын таберик сүрөтү
Баланын тилин таап, талантын ачкан Океев. "Көк серектеги" таберик сүрөт

Бишкекте "Кыргыз көчү" аймагы түзүлүп, дүйнө эпосторунун фестивалы өтөт

14
Борбор калаада 22-25-сентябрь күндөрү Дүйнө элинин эпосторунун VI Эл аралык фестивалы өтөт. Учурда ага 20дан ашык өлкөнүн өкүлдөрү катышары күтүлүүдө.

Фестивалдын программасында эпос таануучулар жана окумуштуулар арасында эл аралык илимий-практикалык симпозиум, тегерек столдор өтөт. Ошондой эле Улуттук филармониянын алдына "Кыргыз көчү" этнографиялык аймагы түзүлүп "Мыкты Боз үй", "Мыкты Семетейчи" жана "Саркеч көчмөн" сынактары уюштурулат.

Үстүбүздөгү жылдын 26-27-сентябрында Ош шаарынын борбордук аянты туризм индустриясына жаңы эшигин ачат.
© Видео / Facebook/ Мэрия города Ош - официальная страница
Аталган маданий иш-чара Кыргызстандын Эгемендүүлүгүнүн 30 жылдыгына жана улуу акын Тоголок Молдонун 160 жылдыгына арналат. Маданият, маалымат, спорт жана жаштар саясаты министрлиги "Манас" жана Чыңгыз Айтматов Улуттук академиясы, "Арт Араба" коомдук фонду менен биргеликте уюштурууда.

Максаты — дүйнө элдеринин эпикалык мурастарын элге жеткирүү, адамзаттын маданий баалуулуктарын сактоо жана жайылтуу, эл аралык маданий кызматташтыкты бекемдөө. Ошондой эле президенттин "Инсандын руханий адеп-ахлактык өнүгүүсү жана дене тарбиясы жөнүндө" жарлыгын ишке ашыруу экени айтылды.

14
Белгилер:
Бишкек, фестиваль, эпос, маданият
Тема боюнча
Залкардын элесине арналат. Бишкекте "Үмүт" эл аралык кинофоруму башталды
 Бишкек шаарында жаш киночулардын Үмүт эл аралык XIX кинофоруму башталды

Залкардын элесине арналат. Бишкекте "Үмүт" эл аралык кинофоруму башталды

19
(жаңыланган 11:08 21.09.2021)
Бул маданий иш-чара СССРдин эл артисти, кыргыз кино өнөрүнүн алптарынын бири, режиссёр Болот Шамшиевдин 80 жылдыгына арналган.

БИШКЕК, 21-сен. — Sputnik. Бишкек шаарында жаш киночулардын "Үмүт" эл аралык XIX кинофоруму башталды. Бул тууралуу уюштуруучулар кабарлады.

  • Фотовыставка в честь Народного артиста СССР Болота Шамшиева у кинотеатра Ала-Тоо, где проходит XIX международный кинофорум Умут
    Бишкек шаарында жаш киночулардын "Үмүт" эл аралык XIX кинофоруму башталды
    © Sputnik / Жоомарт Ураимов
  • Фотовыставка в честь Народного артиста СССР Болота Шамшиева у кинотеатра Ала-Тоо, где проходит XIX международный кинофорум Умут
    Аталган маданий иш-чара СССРдин эл артисти, кыргыз кино өнөрүнүн корифейлеринин бири, гениалдуу режиссёр Болот Шамшиевдин 80 жылдыгына арналган.
    © Sputnik / Жоомарт Ураимов
1 / 2
© Sputnik / Жоомарт Ураимов
Бишкек шаарында жаш киночулардын "Үмүт" эл аралык XIX кинофоруму башталды

Аталган маданий иш-чара СССРдин эл артисти, кыргыз кино өнөрүнүн корифейлеринин бири, гениалдуу режиссёр Болот Шамшиевдин 80 жылдыгына арналган.

Бул ирет көрүүчүлөр "Адам. Тагдыр. Жашоо" темасы тууралуу тасмаларга күбө боло алат.

Толук метраждуу тасмалар "Ала-Тоо" кинотеатрында, ал эми сынакка катыша турчу кыска метраждуу фильмдер Кино үйүндө тартууланмакчы.

19
Белгилер:
Кыргызстан, Болот Шамшиев, 'Үмүт' кинофоруму
Тема боюнча
Ошондой сырдашууга жетпей өксүйм го деп ойлой берем. Чыңгыз Шамшиевдин маеги
Татарстанда Шамшиевдин "Ысык-Көлдүн кызгалдактары" тасмасы көрсөтүлдү. Сүрөт
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

0
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

0
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды