Ак илбирс улуттук кино сыйлыгы. Архив

1-октябрда кинематограф мыктыларына "Ак илбирс" сыйлыгы тапшырылат

35
(жаңыланган 15:40 06.09.2021)
Ак илбирс" улуттук сыйлыгы 2012-жылы өлкөнүн алдыңкы кинематографисттери тарабынан негизделген. Мыктылар 18 номинация боюнча аныкталат.

БИШКЕК, 6-сен. — Sputnik. Бишкекте "Ак илбирс" улуттук кино сыйлыгын тапшыруу аземи 1-октябрь күнү болот. Бул тууралуу уюштуруучулар билдирди.

Сыйлык 2012-жылы өлкөнүн алдыңкы кинематографисттери тарабынан негизделген. Иш-чара Кинематографисттер бирикмесинин, "Айтыш" коомдук фондунун, Кинематография департаментинин жана Маданият, маалымат, спорт жана жаштар саясаты министрлигинин колдоосу менен өткөрүлүп келет.

"2019-жылкы сыйлык тапшыруу аземи ошол жылдын 25-апрелине белгиленип, бирок пандемиядан улам кийинкиге жылдырылган. Анда 40 эмгек көрсөтүлүп, 61 кишиден турган калыстар тобу жабык добуш берүү жолу менен мыктыларды тандашкан", — деп айтылат билдирүүдө.

Сыйлык 18 номинация боюнча тапшырылат:

  • Мыкты тасма;
  • Мыкты режиссёр;
  • Мыкты сценарий;
  • Мыкты оператор;
  • Мыкты сүрөтчү;
  • Мыкты композитор;
  • Мыкты үн режиссёру;
  • Мыкты монтаж;
  • Эркектин мыкты ролу;
  • Аялдын мыкты ролу;
  • Мыкты даректүү тасма;
  • Мыкты кыска метраждуу тасма;
  • Көрүүчүлөр жактырган мыкты тасма;
  • Улуттук кинематографияга кошкон салым;
  • Дүйнөлүк кинематографияга кошкон салым;
  • Борбор Азиядагы мыкты тасма;
  • Борбор Азиянын мыкты актёру;
  • Борбор Азиянын мыкты актрисасы.

Sputnik Кыргызстан маалымат агенттиги жана радиосу "Ак илбирс" улуттук кино сыйлыгынын эл аралык өнөктөшү болуп эсептелет.

35
Белгилер:
'Ак Илбирс' улуттук киносыйлыгы, Бишкек, маданият
Тема боюнча
"Шамбала" тасмасы Москвада өткөн кинофестивалда эки сыйлык утту
Жылаңач сулуу, талкаланган тагдырлар. "Аномалия" фильминдеги ирмемдер

Бишкекте "Кыргыз көчү" аймагы түзүлүп, дүйнө эпосторунун фестивалы өтөт

15
Борбор калаада 22-25-сентябрь күндөрү Дүйнө элинин эпосторунун VI Эл аралык фестивалы өтөт. Учурда ага 20дан ашык өлкөнүн өкүлдөрү катышары күтүлүүдө.

Фестивалдын программасында эпос таануучулар жана окумуштуулар арасында эл аралык илимий-практикалык симпозиум, тегерек столдор өтөт. Ошондой эле Улуттук филармониянын алдына "Кыргыз көчү" этнографиялык аймагы түзүлүп "Мыкты Боз үй", "Мыкты Семетейчи" жана "Саркеч көчмөн" сынактары уюштурулат.

Үстүбүздөгү жылдын 26-27-сентябрында Ош шаарынын борбордук аянты туризм индустриясына жаңы эшигин ачат.
© Видео / Facebook/ Мэрия города Ош - официальная страница
Аталган маданий иш-чара Кыргызстандын Эгемендүүлүгүнүн 30 жылдыгына жана улуу акын Тоголок Молдонун 160 жылдыгына арналат. Маданият, маалымат, спорт жана жаштар саясаты министрлиги "Манас" жана Чыңгыз Айтматов Улуттук академиясы, "Арт Араба" коомдук фонду менен биргеликте уюштурууда.

Максаты — дүйнө элдеринин эпикалык мурастарын элге жеткирүү, адамзаттын маданий баалуулуктарын сактоо жана жайылтуу, эл аралык маданий кызматташтыкты бекемдөө. Ошондой эле президенттин "Инсандын руханий адеп-ахлактык өнүгүүсү жана дене тарбиясы жөнүндө" жарлыгын ишке ашыруу экени айтылды.

15
Белгилер:
Бишкек, фестиваль, эпос, маданият
Тема боюнча
Залкардын элесине арналат. Бишкекте "Үмүт" эл аралык кинофоруму башталды
 Бишкек шаарында жаш киночулардын Үмүт эл аралык XIX кинофоруму башталды

Залкардын элесине арналат. Бишкекте "Үмүт" эл аралык кинофоруму башталды

19
(жаңыланган 11:08 21.09.2021)
Бул маданий иш-чара СССРдин эл артисти, кыргыз кино өнөрүнүн алптарынын бири, режиссёр Болот Шамшиевдин 80 жылдыгына арналган.

БИШКЕК, 21-сен. — Sputnik. Бишкек шаарында жаш киночулардын "Үмүт" эл аралык XIX кинофоруму башталды. Бул тууралуу уюштуруучулар кабарлады.

  • Фотовыставка в честь Народного артиста СССР Болота Шамшиева у кинотеатра Ала-Тоо, где проходит XIX международный кинофорум Умут
    Бишкек шаарында жаш киночулардын "Үмүт" эл аралык XIX кинофоруму башталды
    © Sputnik / Жоомарт Ураимов
  • Фотовыставка в честь Народного артиста СССР Болота Шамшиева у кинотеатра Ала-Тоо, где проходит XIX международный кинофорум Умут
    Аталган маданий иш-чара СССРдин эл артисти, кыргыз кино өнөрүнүн корифейлеринин бири, гениалдуу режиссёр Болот Шамшиевдин 80 жылдыгына арналган.
    © Sputnik / Жоомарт Ураимов
1 / 2
© Sputnik / Жоомарт Ураимов
Бишкек шаарында жаш киночулардын "Үмүт" эл аралык XIX кинофоруму башталды

Аталган маданий иш-чара СССРдин эл артисти, кыргыз кино өнөрүнүн корифейлеринин бири, гениалдуу режиссёр Болот Шамшиевдин 80 жылдыгына арналган.

Бул ирет көрүүчүлөр "Адам. Тагдыр. Жашоо" темасы тууралуу тасмаларга күбө боло алат.

Толук метраждуу тасмалар "Ала-Тоо" кинотеатрында, ал эми сынакка катыша турчу кыска метраждуу фильмдер Кино үйүндө тартууланмакчы.

19
Белгилер:
Кыргызстан, Болот Шамшиев, 'Үмүт' кинофоруму
Тема боюнча
Ошондой сырдашууга жетпей өксүйм го деп ойлой берем. Чыңгыз Шамшиевдин маеги
Татарстанда Шамшиевдин "Ысык-Көлдүн кызгалдактары" тасмасы көрсөтүлдү. Сүрөт
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

0
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

0
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды