Ысык-Көл. Архивдик сүрөт

Ысык-Көлдө Улуттук музей форуму өткөрүлөт

137
(жаңыланган 10:54 07.09.2021)
Иш-чара көз карандысыз коомдук жана маданий мекемелер катары музейлердин ролун күчтөндүрүү максатын көздөйт.

БИШКЕК, 7-сен. — Sputnik. Ысык-Көлдө 8-11-сентябрь күндөрү Кыргызстандын эгемендүүлүгүнүн 30 жылдыгын белгилөөнүн алкагында "Туруктуу музей: аймактарды өнүктүрүүнүн кыймылдаткыч күчү" аттуу биринчи Улуттук музей форуму өткөрүлөт. Бул тууралуу Маданият, маалымат, спорт жана жаштар саясаты министрлиги билдирди.

Көрүнүктүү мамлекеттик ишмер Исхак Раззаковдун архивдик сүрөтү
© Фото / Центральный Государственный архив Кинофотофонодокументов КР
Форум Курманжан датка атындагы Көчмөндөр цивилизациясы борборунда башталып, Борбордук Азия университетинин Маданий мурастар жана гуманитардык илимдер бөлүмү тарабынан түзүлгөн "Эсте калган элестер" аттуу Үркүн элдик боштондук кыймылынын интерактивдүү көргөзмөсүнүн ачылышы менен Каракол шаарында уланат.

Иш-чара көз карандысыз коомдук жана маданий мекемелер катары музейлердин ролун күчөтүү максатын көздөйт.

"Музейлерибизди жана алардын уникалдуу коллекцияларын сактоо жана өнүктүрүү боюнча аракеттерибизди бириктире турган масштабдуу музей форуму уюштурулат. Тармактын көйгөйлөрүнө жана ийгиликтерине көңүл бурулуп, бул жаатта иштер жандандырылат. Музей иштеринде, албетте, ийгиликтер бар, бирок облустук музейлердин ишмердүүлүгү тууралуу толук маалымат жок", — деп белгиленет билдирүүдө.

Форумга Кыргызстандын бардык аймактарынан келген музей адистери катышат. Учурда өлкөдө 58 мамлекеттик жана ар кандай профилдеги 100дөн кем эмес музей бар.

Министрлик форумга катышуу үчүн музейлердин алдыңкы эксперттери чакырыларын, алар кийинчерээк өз аймактарында музей ишин өнүктүрүү жана илгерилетүү үчүн ресурстук методикалык борборлорго айланарын белгиледи.

137
Белгилер:
маданият, министрлик, форум, музей, иш-чара
Тема боюнча
Нарында б.з.ч. III-II кылымга таандык археологиялык буюмдар табылды. Сүрөт
Президент Садыр Жапаров ЮНЕСКОнун Кыргызстан, Тажикстан, Өзбекстандагы өкүлү Криста Пиккатты кабыл алуу учурунда

Жапаров ЮНЕСКО өкүлү менен КРдин атынан мурастар тизмесине кирчү жайларды сүйлөштү

104
(жаңыланган 23:54 20.09.2021)
Жапаров Кыргызстан учурда "Ысык-Көлдүн түштүк жээги" номинациясын ЮНЕСКОнун Геопарктар глобалдык түйүнүнө киргизүү үчүн даярдык көрүп жатканын билдирген. Ал ЮНЕСКОнун КРдеги эле эмес, Борбор Азиядагы биринчи геопаркы болуп калышы мүмкүн.

БИШКЕК, 20-сен. — Sputnik. ЮНЕСКОнун дүйнөлүк мурастарынын тизмесине жана адамзаттын материалдык эмес мурастары тизмесине Кыргызстандан бир нече объектилерди киргизүүгө даярдык жүрүүдө. Бул тууралуу президент Садыр Жапаров ЮНЕСКОнун Кыргызстан, Тажикстан, Өзбекстандагы өкүлү Криста Пиккатты кабыл алып жатканда айтты.

Мамлекет башчынын маалымат кызматынын билдиргенине караганда, жолугушууда Кыргызстан менен ЮНЕСКО ортосундагы билим берүү, илим, маданий мурас жаатында кызматташууну мындан ары өнүктүрүү маселелери талкууланган.

Президент Кыргызстана Садыр Жапаров во время встречи с представителем Организации Объединенных Наций по вопросам образования, науки и культуры (ЮНЕСКО) в Кыргызстане, Казахстане и Таджикистане Кристой Пиккат
© Пресс-служба президента КР / Султан Досалиев
ЮНЕСКОнун дүйнөлүк мурастарынын тизмесине жана адамзаттын материалдык эмес мурастары тизмесине Кыргызстандан бир нече объектилерди киргизүүгө даярдык жүрүүдө. Бул тууралуу президент Садыр Жапаров ЮНЕСКОнун Кыргызстан, Тажикстан, Өзбекстандагы өкүлү Криста Пиккатты кабыл алып жатканда айтты.

Жапаров маданий мурастарды эл аралык деңгээлде сактоо жаатында активдүү кызматташып,  колдогону үчүн Криста Пиккатка ыраазычылык билдирген.

Президент кыргыздын салттуу "Көк бөрү" оюнун, "Тогуз коргоол" же "Тогуз кумалак" жана "Мангала" интеллектуалдык-стратегиялык оюндарын ЮНЕСКОнун адамзаттын материалдык эмес маданий мурастарынын репрезентативдүү тизмесине киргизүүдө Криста Пиккаттын кошкон салымын маанилүү деген.

"Учурда ЮНЕСКОнун дүйнөлүк мурастарынын тизмесине жана ЮНЕСКОнун адамзаттын материалдык эмес мурастары тизмесине Кыргызстандын бир элементи – Өзгөн археологиялык-архитектуралык комплекси болгон "Жибек жолу": Фергана-Сырдарыя коридору" объектиси трансулуттук номинацияда, ошондой эле "Саймалуу-Таш" аскадагы сүрөттөрүн" улуттук номинацияда киргизүүгө даярдык жүрүүдө. Кыргызстан үчүн бул иш-чаралар өтө маанилүү жана алар ЮНЕСКОнун колдоосуна, анын ичинде усулдук жана гранттык жардамга муктаж", — деп жазылган маалыматта.

Мындан сырткары, Жапаров Кыргызстан учурда "Ысык-Көлдүн түштүк жээги" номинациясын ЮНЕСКОнун Геопарктар глобалдык түйүнүнө киргизүү үчүн даярдык көрүп жатканына көңүл бурган. Аталган аймак эл аралык маанидеги геологиялык мураска ээ. Ал бул геопарк ЮНЕСКОнун Кыргызстандагы эле эмес, Борбордук Азиядагы биринчи геопаркы болоруна үмүт арткан.

Президенттин белгилешинче, Кыргызстан материалдык жана материалдык эмес маданий мурастарды коргоо боюнча Конвенцияны кабыл алып, аны дүйнөлүк коомчулукта сактоо жана өркүндөтүү үчүн бардык күч-аракеттерди жумшап жатат.

Мамлекет башчынын маалымат кызматы Кыргызстанда өлкөнүн улуттук тарыхы үчүн өзгөчө мааниге ээ эки миңдей кыймылсыз эстеликтер бар экенин билдирди. Бүгүнкү күндө алардын төртөө ЮНЕСКОнун дүйнөлүк маданий мурастарынын тизмесине кирген.

Ал эми Криста Пиккат Ош облусунун Өзгөн шаарында өткөн "Өзгөн-Мунара-2021" этнофольклордук фестивалына катышкандыгын канааттануу менен белгилеген.

"ЮНЕСКОнун өкүлү Жапаровдун мурастарга Кыргызстандын маданий өзгөчөлүгүнүн бир бөлүгү катары чоң маани берип, баалагандыгын кубануу менен белгиледи", — деп билдирди маалымат кызматы.

Мындан сырткары, ал Кыргызстан демилгелеген "Кыргыз жараны" программасын колдоого уюм кызыкдар экенин кошумчалаган.

"Бизде ата-бабалардын сиздерге өткөрүп берген маданиятты кийинки муунга жеткирүү үчүн, жаштар арасында бул боюнча маалымдуулукту жогорулатуу максатында даярдап жаткан долбоордук сунушубуз бар. Ошону менен бирге Кыргызстандын ЮНЕСКОнун тизмесине жаңы объектилерди кошуу ниети ЮНЕСКОну кубандырат", — деп кошумчалаган ал.

Кыргызстандын ЮНЕСКО тизмесине кирген маданий мурастары тууралуу маалыматты Sputnik Кыргызстандын инфографикасынан тааныша аласыз.

104
Белгилер:
Кыргызстан, ЮНЕСКО, Садыр Жапаров, тизме
Тема боюнча
Кыргызстандын ЮНЕСКО тизмесине кирген маданий мурастары
Манасчы Дөөлөт Сыдыков

Манасчы: соңку убакта "Семетей", "Сейтек" көп айтылбай калууда

24
Манасчы Дөөлөт Сыдыков семетейчилердин алгачкы сынагынын "Манас" эпосун жайылтуу үчүн мааниси чоң экендигин белгиледи.

Семетейчилердин сынагынын өтүшү жаңы "Семетей", "Сейтек" айтуучулардын чыгышына себепкер болушу ыктымал. Анткени соңку убакта көбүнчө "Манас" айтылып, "Семетей", "Сейтек" көп айтылбай калууда. Бул тууралуу Дөөлөт Сыдыков Sputnik Кыргызстан радиосунда маек куруп жатып билдирди.

Манасчы: соңку убакта "Семетей", "Сейтек" көп айтылбай калууда

Анын айтымында, 22-25-сентябрь күндөрү Дүйнө элдеринин эпосторунун эл аралык VI фестивалынын алкагында өтүп жаткан семетейчилердин алгачкы сынагынын мааниси чоң.

"Фестивалга келген окумуштуулар "Манас" дастаны тууралуу маалымат алып, жок дегенде бир макала жазса дагы пайда. Учурда "Манас" эпосу кайсы бир деңгээлде изилденүүдө. Бирок эми гана изилденип баштагандай түр калтырууда. Мисалы, классикалык деп саналган Саякбай Каралаев менен Сагынбай Орозбаковдун варианттары дагы толук кандуу изилденип бүтө элек. Анан фестивалдын алкагында өткөн сынак атайын семетейчилер үчүн болгону дагы жакшы жөрөлгө. Чоң манасчыларыбыз өзүн семетейчи катары эсептеген. Анын үстүнө соңку убакта "Семетей", "Сейтек" көп айтылбай калды. Ошондуктан сынак манасчылыкта жаңы айтып келе жаткандарга шык берет, анткени манасчы айткан сайын такшалат эмеспи", — деди Сыдыков.

Ошондой эле ал дүйнөдөгү эпостордун ичинен "Манас" ооздон-оозго айтылып келе жаткан жалгыз жандуу дастан экенин кошумчалады.

24
Белгилер:
Дөөлөт Сыдыков, Манас, фестиваль, илим
Тема боюнча
Кыргызстанда алгачкы жолу семетейчилердин республикалык сынагы өтөт
Алматы шаарында ок атуу болгон жердеги полиция кызматкерлери

Алматыда үй ээси атып салган 5 киши: өлгөндөрдүн бири жаңы кожоюн болгон

0
(жаңыланган 10:08 21.09.2021)
Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургун беш адамды атып салган.

БИШКЕК, 21-сен. – Sputnik. Алматы шаарында ок атуудан каза болгондордун бири турак жайдын жаңы кожоюну болгон. Бул тууралуу Алматынын акими Бакытжан Сагинтаевге шилтеме берип Sputnik Казакстан агенттиги жазды.

Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургунду соттун чечимин аткаруу үчүн үйүнөн чыгарганы келген сот аткаруучуларды үй ээси атып салган. Жеринде эки полиция кызматкери, бир сот аткаруучу жана эки жөнөкөй жаран каза болгон.

Маалыматка караганда, үй ээси банкка карызын төлөй албай, тамынан кол жууган. Турак жай үчүнчү тарапка сатылган. Кийин ал үйдү бошотпой жүргөндө жаңы кожоюн сотко кайрылган. Сот анын өтүнүчүн канааттандырган.

"Кечээ аны үйдөн чыгаруу үчүн сот аткаруучу, эки полиция кызматкери жана үйдүн жаңы ээси келген. Ошол учурда 54 жаштагы жаран ок чыгарып, беш киши каза болду. Алардын бири үйдү сатып алган адам болгон", — деп айтылат билдирүүдө.

Ок чыгарган киши ошол замат колго түшүрүлгөн. Казакстандын мыйзамдарына ылайык, ал 20 жылга чейин эркинен ажырашы мүмкүн экени айтылууда.

Шаар жетекчиси каза болгондордун жакындарына көңүл айтып, аларга жардам берилерин кошумчалады.

 

0
Белгилер:
Казакстан, Алматы, сот, чечим, үй, полиция, атышуу
Тема боюнча
5 киши өлдү. Алматыда бүлөнү үйүнөн чыгарууга келген сот аткаруучуларга ок атылды