Бишкекте Кыргызстан — кыска метраждуу тасмалардын өлкөсү аталышындагы X эл аралык кинофестиваль башталды

Кыргызстанда кыска метраждуу тасмалардын фестивалы башталды. Сүрөт

38
(жаңыланган 17:18 14.09.2021)
Сынакка катышуу үчүн чет өлкөлүк жана ата мекендик режиссерлордон 500дөн ашык арыз түшкөн. Тасмаларды КМШ, Балтика жана Грузиянын калыстары бааламакчы.

БИШКЕК, 14-сен. — Sputnik. Бишкекте "Кыргызстан — кыска метраждуу тасмалардын өлкөсү" аталышындагы X эл аралык кинофестиваль башталды. Бул тууралуу Маданият, маалымат, спорт жана жаштар саясаты министрлиги кабарлады.

  • В Бишкеке стартовал X международный кинофестиваль Кыргызстан — страна короткометражных фильмов
    Бишкекте "Кыргызстан — кыска метраждуу тасмалардын өлкөсү" аталышындагы X эл аралык кинофестиваль башталды
    © Фото / пресс-служба Министерства культуры, информации, спорта и молодежной политики
  • В Бишкеке стартовал X международный кинофестиваль Кыргызстан — страна короткометражных фильмов
    Иш-чаранын ачылыш салтанаты "Манас" кинотеатрында өтүп, кызыл килем төшөлгөн. Ага Кинематография департаментинин директору Мукталы Бектеналиев,  "Кыргызстан — кыска метраждуу тасмалардын өлкөсү" эл аралык кинофестивалынын директору Фархад Бекманбетов жана башка маданият өкүлдөрү катышты
    © Фото / пресс-служба Министерства культуры, информации, спорта и молодежной политики
  • В Бишкеке стартовал X международный кинофестиваль Кыргызстан — страна короткометражных фильмов
    Фестиваль Маданият министрлиги, КМШга мүчө-мамлекеттердин өлкөлөр аралык гуманитардык кызматташтык фонду жана "Айтыш" коомдук фонду тарабынан ишке ашууда.
    © Фото / пресс-служба Министерства культуры, информации, спорта и молодежной политики
1 / 3
© Фото / пресс-служба Министерства культуры, информации, спорта и молодежной политики
Бишкекте "Кыргызстан — кыска метраждуу тасмалардын өлкөсү" аталышындагы X эл аралык кинофестиваль башталды

Иш-чаранын ачылыш салтанаты "Манас" кинотеатрында өтүп, кызыл килем төшөлгөн. Ага Кинематография департаментинин директору Мукталы Бектеналиев,  "Кыргызстан — кыска метраждуу тасмалардын өлкөсү" эл аралык кинофестивалынын директору Фархад Бекманбетов жана башка маданият өкүлдөрү катышты.

Фестиваль Маданият министрлиги, КМШга мүчө-мамлекеттердин өлкөлөр аралык гуманитардык кызматташтык фонду жана "Айтыш" коомдук фонду тарабынан ишке ашууда.

Быйылкы иш-чара Кыргызстандын эгемендүүлүгүнүн 30 жылдыгына карата уюштурулган. Ал эл аралык жана улуттук конкурстарды камтыйт. Анда фантастикалык, даректүү, анимациялык жана эксперименталдык тасмалар көрсөтүлмөкчү.

Быйыл кинофестивалга чет өлкөлүк жана ата мекендик режиссерлордон 500дөн ашык арыз түшкөн. Тасмаларды калыстар тобу бааламакчы, анын курамына КМШ, Балтика жана Грузиянын белгилүү кино өкүлдөрү кирген.

14-сентябрда башталган иш-чара 17-сентябрда бүтөт.

38
Белгилер:
Кыргызстан, Маданият, маалымат, спорт жана жаштар саясаты министрлиги, кино, тасма, фестиваль, иш-чара
Тема боюнча
1-октябрда кинематограф мыктыларына "Ак илбирс" сыйлыгы тапшырылат
Күү укканды сагындыңызбы? Эртең Бишкекте "Таңшы комуз" иш-чарасы өтөт
Манасчы Дөөлөт Сыдыков

Манасчы: соңку убакта "Семетей", "Сейтек" көп айтылбай калууда

13
Манасчы Дөөлөт Сыдыков семетейчилердин алгачкы сынагынын "Манас" эпосун жайылтуу үчүн мааниси чоң экендигин белгиледи.

Семетейчилердин сынагынын өтүшү жаңы "Семетей", "Сейтек" айтуучулардын чыгышына себепкер болушу ыктымал. Анткени соңку убакта көбүнчө "Манас" айтылып, "Семетей", "Сейтек" көп айтылбай калууда. Бул тууралуу Дөөлөт Сыдыков Sputnik Кыргызстан радиосунда маек куруп жатып билдирди.

Манасчы: соңку убакта "Семетей", "Сейтек" көп айтылбай калууда

Анын айтымында, 22-25-сентябрь күндөрү Дүйнө элдеринин эпосторунун эл аралык VI фестивалынын алкагында өтүп жаткан семетейчилердин алгачкы сынагынын мааниси чоң.

"Фестивалга келген окумуштуулар "Манас" дастаны тууралуу маалымат алып, жок дегенде бир макала жазса дагы пайда. Учурда "Манас" эпосу кайсы бир деңгээлде изилденүүдө. Бирок эми гана изилденип баштагандай түр калтырууда. Мисалы, классикалык деп саналган Саякбай Каралаев менен Сагынбай Орозбаковдун варианттары дагы толук кандуу изилденип бүтө элек. Анан фестивалдын алкагында өткөн сынак атайын семетейчилер үчүн болгону дагы жакшы жөрөлгө. Чоң манасчыларыбыз өзүн семетейчи катары эсептеген. Анын үстүнө соңку убакта "Семетей", "Сейтек" көп айтылбай калды. Ошондуктан сынак манасчылыкта жаңы айтып келе жаткандарга шык берет, анткени манасчы айткан сайын такшалат эмеспи", — деди Сыдыков.

Ошондой эле ал дүйнөдөгү эпостордун ичинен "Манас" ооздон-оозго айтылып келе жаткан жалгыз жандуу дастан экенин кошумчалады.

13
Белгилер:
Дөөлөт Сыдыков, Манас, фестиваль, илим
Тема боюнча
Кыргызстанда алгачкы жолу семетейчилердин республикалык сынагы өтөт
Комуз. Архивдик сүрөт

Ош шаарында төкмө акындардын айтышы өтөт

188
Мэрия шаардыктарды жана анын конокторун акындарды колдоп жана айтыштан эргүү алып кетүүгө чакырды.

БИШКЕК, 20-сен. — Sputnik. Ош шаарында 23-сентябрда республикалык төкмө акындардын "Ак таңдай-2021" деп аталган айтышы башталат. Бул тууралуу Ош мэриясынын маалымат кызматы социалдык тармактагы баракчасына чыгарды.

Бул сынак "Алтын комуз" байгесине арналганы айтылды.

"22-сентябрда "Санжыра" эс алуу жайында тандоо туру, ал эми 23-сентябрда Султан Ибраимов атындагы улуттук драма театрында "Ак таңдай-2021" республикалык төкмө акындардын айтышы башталат", — деп жазылган маалыматта.

Мэрия шаардыктарды жана анын конокторун акындарды колдоп жана айтыштан эргүү алып кетүүгө чакырды.

Ага тиркелген жарнама видеодо Мамлекеттик тил күнү жана Ош шаарынын күнүн утурлай уюштурулган бул иш-чараны "Ак таңдай" коомдук фонду, Ош шаардык мэриясы жана ЭлТР каналы биргелешип уюштургандыгы кабарланган.

188
Белгилер:
Кыргызстан, Ош шаары
Тема боюнча
Кыргыз-казак эл аралык айтыш жыйынтыкталып, жеңүүчүлөр аныкталды
Электр кубаты счётчиги. Архив

Эртең Бишкектин кайсы жеринде электр кубаты өчүрүлөт. Тизме

11
(жаңыланган 16:25 20.09.2021)
Шейшемби күнү "Түндүк электр" ишканасынын бригадасы Бишкектин чекесинде жайгашкан айылдагы подстанциянын жана калаадагы үйлөрдүн ичиндеги электр тармактардын абалын текшерип чыгат.

БИШКЕК, 20-сен. — Sputnik. Электр кубаты 21-сентябрь күнү Бишкектин 13 көчөсүнүн тилкелеринде болбой тургандыгы "Түндүк электр" ишканасынын сайтында жазылган.

Бул күнү адистерден турган бригадалар үйлөрдүн ичиндеги электр тармактардын абалын көздөн кечирип, оңдой турчуларын кайрадан карап, түздөп чыгат. Андан сырткары, Күнтуу айылындагы подстанцияны текшерет.

Электр кубаты өчүрүлө турган аймактар:

  • 09:00-18:00 — Манас проспектисинин тилкеси (№61 үй), Тынчтык, Касым, Ынтымак, Арча-Бешик (Безымянная, Кара-Кужур, Абдрахманов, Бердибаев, Алтын-Түтүн, Эртайлак, Шербет, Садыбакасов, Он-Арча көчөлөрү), Ак-Босого конуштары, Жал-29 кичи району.
  • 09:30-18:30 — Ахунбаев (№106 А үй) көчөсүнүн тилкеси, Кара-Жыгач (Субан-Ата көчөсү) конушу.
11
Белгилер:
Кыргызстан, Бишкек, электр кубаты, Күнтуу айылы
Тема боюнча
Эртең Бишкектин айрым жерлеринде таза суу өчүрүлөт. Тизме
Жаан-чачындуу күндөр башталабы? Бир жумага карата аба ырайы
Бишкектин айрым райондорунда 11 күн бою газ менен ысык суу болбойт