ТҮРКСОЙ мамлекеттеринин желеткери. Архив

2022-жыл Түрк дүйнөсүндө "Токтоболот Абдымомунов жылы" деп жарыяланды

81
Мындай сунуш белгилүү драматургдун 100 жылдыгына байланыштуу өлкөнүн министри тарабынан демилгеленген.

БИШКЕК, 24-сен. — Sputnik. Түрк дүйнөсү 2022-жылды кыргыздын белгилүү драматург-жазуучусу, коомдук ишмери Токтоболот Абдымомуновго арнайт. Бул тууралуу Маданият, маалымат, спорт жана жаштар саясаты министрлигинин маалымат кызматы билдирди.

Мындай сунуш Абдымомуновдун 100 жылдыгына байланыштуу өлкөнүн министри тарабынан демилгеленген.

ТҮРКСОЙ эл аралык түрк маданияты уюмунун тартибине ылайык ар жыл сайын мүчө өлкөлөрдүн маданият министрлеринин отурумунда түрк дүйнөсүнө таанымал тарыхый инсандар тандалып, анын чыгармачылыгын жаңы муунга таанытуу максатында ар тараптуу иш-чараларынын планы бекитилип, ишке ашырылат. Анда ал инсандын тарыхый жолу кылымдан ашып, ар чейрек кылымга туш келүүсү шарт.

"2021-жылдын 16-сентябрында Өзбекстандын Хива шаарында маданият министрлеринин XXXVIII отуруму өткөн. Анда өлкөнүн маданият, маалымат, спорт жана жаштар саясаты министри Кайрат Иманалиев жогоруда белгиленген инсандардын катарында Кыргызстандан белгилүү жазуучу, драматург Токтоболот Абдымомуновду сунуштаган. Бул сунуш катышуучулар тарабынан колдоо тапкан", — деп айтылат билдирүүдө.

Буга ылайык жыл бою аталган инсанга байланыштуу масштабдуу маданий иш-чаралар уюштурулуп, илимий конференциялар менен коштолот. Эске салсак, буга чейин казак акыны Абай Кунанбаевдин 175 жылдыгы, түрк элинин маданий ишмери, акын Юнус Эмренин дүйнөдөн өткөндүгүнүн 700 жылдыгы белгиленген.

Белгилүү драматург, жазуучу, коомдук ишмер, кыргыздын улуттук драматургиясына негиз салгандардын бири Токтоболот Абдымомунов 1922-жылы Чүй облусунун Кемин районундагы Атаке айылында туулган.

1938-жылы Фрунзедеги медициналык окуу жайга кирип, кийин Жошолу айылдык советинде фельдшер, пункт башчысы болуп эмгектенген.

1939-жылы өлкөнүн Медициналык институтуна өткөн. Ден соолугуна байланыштуу 3-курстан окуусун таштоого мажбур болгон.

Чыгармачылыгы "Кумдуу чап", "Курман" пьесалары менен башталган.

Абдымомунов өмүрүнүн акырына чейин 30га чукул драмалык чыгарма жаратып, пьесалары кыргыз театрларынын сахналарынан түшпөй байма-бай коюлуп турган.

Ал чыгармачылык менен катар эле коомдук иштерди да активдүү жүргүзгөн инсан. Ал 1959-1971-жылдары Кыргызстан жазуучулар союзунун 1-катчысы, 1974-1987-жылдары Кыргызстандын театрлар коомунун төрагасы болуп эмгектенген.

Көзү өткөндөн кийин, 1991-жылы, улуттук драматургия жаатында эң мыкты пьесаларга бериле турган Кыргыз Республикасынын Токтоболот Абдымомунов атындагы адабий сыйлыгы уюшулган.

Маданият жана искусство тармагынын өнүгүп-өсүшүнө кошкон салымы жогору байланып, Кыргыз ССРинин искусствого эмгек сиңирген ишмери, Кыргыз эл жазуучусу, Кыргыз ССРинин Токтогул Сатылганов атындагы мамлекеттик сыйлыктары ыйгарылган.

Ал 1989-жылы 67 жашында дүйнөдөн кайткан.

81
Белгилер:
Токтоболот Абдымомунов, ТҮРКСОЙ
Тема боюнча
ТҮРКСОЙ Миңжылкыев, Шамшиев, Абдыкадыровдун 80 жылдыгын өткөрүүгө көмөктөшөт
Залкардын элесине арналат. Бишкекте "Үмүт" эл аралык кинофоруму башталды
Кыргызстандык Разия Мансурова дүйнөдөгү эң кадыр-барктуу беш сынактын бири болуп саналган Miss Interсontinental 2021 кароосуна катышат

Кыргызстандык модель Египетте өтүп жаткан сулуулар сынагына катышууда. Сүрөттөр

8968
(жаңыланган 22:28 20.10.2021)
Конкурс 14-октябрда Шарм-эль-Шейхте (Египет) башталган. Финалы 29-октябрга белгиленди. 24 жаштагы модель эл аралык сынакка алгачкы ирет катышууда.

БИШКЕК, 20-окт. — Sputnik. Кыргызстандык Разия Мансурова дүйнөдөгү эң кадыр-барктуу беш сынактын бири болуп саналган Miss Interсontinental 2021 кароосуна катышат. Бул тууралуу сынактын Кыргызстандагы өкүлчүлүгүнөн билдиришти.

Участница международного конкурса красоты Miss Interсontinental — 2021 от Кыргызстана Разия Мансурова
© Фото / предоставлено Разией Мансуровой
Кыргызстандык Разия Мансурова дүйнөдөгү эң кадыр-барктуу беш сынактын бири болуп саналган Miss Interсontinental 2021 кароосуна катышат

Конкурс 14-октябрда Шарм-эль-Шейхте (Египет) башталган. Финалы 29-октябрга белгиленди.

24 жаштагы модель мындай эл аралык сынакка алгачкы ирет катышууда. Аны жай айларында “Кыргызстан сулуусу” улуттук сынагынын расмий сайтына жарыяланган кастинг аркылуу тандап алышкан.

Участница международного конкурса красоты Miss Interсontinental — 2021 от Кыргызстана Разия Мансурова
© Фото / предоставлено Разией Мансуровой
24 жаштагы модель бул сыяктуу эл аралык сынакка алгачкы ирет катышууда
“Учурда сулуу кыздар фотосессияларга катышууда. Эмки жумада подиумга чыгып маек беришет”, — деп айтылат билдирүүдө.

Miss Interсontinental 2021 сынагынын жеңүүчүсү бриллиант таштуу таажы жана 50 миң долларга ээ болот.

Участница международного конкурса красоты Miss Interсontinental — 2021 от Кыргызстана Разия Мансурова
© Фото / предоставлено Разией Мансуровой
Miss Interсontinental 2021 сынагынын жеңүүчүсү бриллиант таштуу таажы жана 50 миң долларга ээ болот.

Сынакты 1971-жылдан бери Дүйнөлүк сулуулук агенттиги өткөрүп келет. 2016-жылы Кыргызстандын атынан Бегимай Карыбекова катышкан.

8968
Белгилер:
Кыргызстан, сынак, сулуулук сынагы, Египет
Тема боюнча
Кыргызстандагы эң сулуу бийкечти аныкташты. Сүрөт, видео

Театр менен кинонун ханышасы. Бакен Кыдыкееванын сүрөттө калган ирмемдери

229
(жаңыланган 18:01 20.10.2021)
  • Кыргыздын алгачкы толук метраждуу көркөм фильми Салтанатта актриса Салтанаттын ролун ойногон
  • Кыргыз ССРинин эл артисти Советбек Жумадылов менен СССРдин эл артисти Бакен Кыдыкеева 1972-жылы Көчө фильминде
  • Уулдарынан, жолдошунан айрылган кайраттуу Толгонай эне
  • Геннадий Базаровдун Көздүн кареги тасмасында СССРдин эл артисти Бакен Кыдыкеева менен Кыргыз Республикасынын эл артисти Болот Бейшеналиев эне-баланын образында, 1975-жыл
  • СССРдин эл артисти Бакен Кыдыкеева, Кыргыз улуттук академиялык драма театрынын актрисасы Раушан Сармурзина менен болочоктогу саясат таануучу Токтогул Какчекеев тасма тартуу маалында
  • Искусство жөнүндө жомок кинотасмасында режиссер Геннадий Базаров менен залкар актриса
  • Мелис Убукеевдин Тайгак кечүү тасмасын тартуу учуру: Бакен Кыдыкеева Уулжандын энесинин, Калича Рысмендеева байбиченин образында
  • Кыргыздын каймактары: солдон оңго актер Аманкул Куттубаев, опера ырчысы Сайра Кийизбаева, актерлор Ашыралы Боталиев, Муратбек Рыскулов, актриса Бакен Кыдыкеева жана төкмө акын Токтоналы Шабданбаев, Москвадагы Казань вокзалы, 1958-жыл
  • СССРдин эл артисти 30га жакын фильмге катышкан
  • Токтогул атындагы мамлекеттик сыйлыктын лауреаты жүз жаштагы элеттик карыя менен. Чоң-Кемин, 1978-жыл.
  • Болот Шамшиевдин Караш-Караш окуясы фильми: КРдин Баатыры Сабира Күмүшалиева менен СССРдин эл артисти Бакен Кыдыкеева, 1967-жыл
  • Бакен Кыдыкеева 1993-жылы 30-декабрда жол кырсыгынан каза болуп, сөөгү Бишкектеги Ала-Арча көрүстөнүнө коюлган
Бүгүн – белгилүү актриса, СССРдин эл артисти Бакен Кыдыкееванын туулган күнү. Sputnik Кыргызстан агенттиги залкар талантты эскерип, сүрөттөгү ирмемдерин сунуштайт.

Бакен Кыдыкеева 1923-жылы 20-октябрда Чүй облусундагы Төкөлдөш айылында мугалимдин үй-бүлөсүндө төрөлгөн. Мектепте 7-классты аяктагандан кийин ата-энесине билгизбей театрга кирип алат. Бирок анын мындай аракетине атасы каршы чыгат. Ошондо Кыдыкеева театрдан чыгуу үчүн арыз жазганы барса, өспүрүмгө жаңы роль сунушташат. Бир күнү атасы кызынын таланты тууралуу гезит бетинен окуп, ага чыгармачылык менен алектенүүгө макулдук берет. Ошондон тарта ал кызынын туруктуу күйөрманы болуп, өмүрүнүн аягына чейин ар бир жаңы спектаклине гүл көтөрүп барууну адат кылып алган.

Токтогул атындагы мамлекеттик сыйлыктын лауреаты Ысык-Көл, Нарын облусундагы театрларда эмгектенип, узак убакыт Кыргыз драма театрынын сахнасында ойногон. Ошол эле маалда Мираида Далбаева, Таттыбүбү Турсунбаева жана Жамал Сейдакматова өңдүү бир топ чыгармачыл инсандарга устат болуп жол көрсөткөн.

Ал эми кинодо ондогон роль аткарып, "Саманчынын жолунда" Толгонайдын, "Биринчи мугалимде" Кара катындын, "Караш-Караш окуясында" Хадичанын образын жараткан.

Сахна жылдызы жашоосунда ар кандай бут тосууларга дуушар болуп эки жолу театрдан чыгырылган. Кыдыкеева орто жолдо калып, убагында эмгегине тиешелүү баа берилген эмес. Бирок ага карабай өмүрүнүн акыркы күндөрүн дагы театрда өткөргөн. Кыргыздын карлыгач актрисасы 70 жаш курагында жол кырсыгынан көз жумган.

229
  • Бакен Кыдыкеева 13 жашында Лопе де Веганын Койлуу булак драмасында Лауренсиянын ролун аткарган
    © Фото / Александр Федоров

    Бакен Кыдыкеева 13 жашында Лопе де Веганын "Койлуу булак" драмасында Лауренсиянын ролун аткарган

  • Кыргыздын алгачкы толук метраждуу көркөм фильми Салтанатта актриса Салтанаттын ролун ойногон
    © Sputnik / Филоненко

    Кыргыздын алгачкы толук метраждуу көркөм фильми "Салтанатта" актриса Салтанаттын ролун ойногон

  • Кыргыз ССРинин эл артисти Советбек Жумадылов менен СССРдин эл артисти Бакен Кыдыкеева 1972-жылы Көчө фильминде
    © Фото / Александр Федоров

    Кыргыз ССРинин эл артисти Советбек Жумадылов менен СССРдин эл артисти Бакен Кыдыкеева 1972-жылы "Көчө" фильминде

  • Кинокартиналарда энелердин ролун көп аткарган актриса уулу менен үйүндө
    Александр Федоров

    Кинокартиналарда энелердин ролун көп аткарган актриса уулу менен үйүндө

  • Уулдарынан, жолдошунан айрылган кайраттуу Толгонай эне
    © Фото / Александр Федоров

    Уулдарынан, жолдошунан айрылган кайраттуу Толгонай эне

  • Бакен Кыдыкеева трагедия менен комедияны бирдей ойноп кеткен көп кырдуу таланты жогору бааланган
    Александр Федоров

    Бакен Кыдыкеева трагедия менен комедияны бирдей ойноп кеткен көп кырдуу таланты жогору бааланган

  • Геннадий Базаровдун Көздүн кареги тасмасында СССРдин эл артисти Бакен Кыдыкеева менен Кыргыз Республикасынын эл артисти Болот Бейшеналиев эне-баланын образында, 1975-жыл
    © Sputnik / Александр Федоров

    Геннадий Базаровдун "Көздүн кареги" тасмасында СССРдин эл артисти Бакен Кыдыкеева менен Кыргыз Республикасынын эл артисти Болот Бейшеналиев эне-баланын образында, 1975-жыл

  • СССРдин эл артисти Бакен Кыдыкеева, Кыргыз улуттук академиялык драма театрынын актрисасы Раушан Сармурзина менен болочоктогу саясат таануучу Токтогул Какчекеев тасма тартуу маалында
    © Фото / Александр Федоров

    СССРдин эл артисти Бакен Кыдыкеева, Кыргыз улуттук академиялык драма театрынын актрисасы Раушан Сармурзина менен болочоктогу саясат таануучу Токтогул Какчекеев тасма тартуу маалында

  • Искусство жөнүндө жомок кинотасмасында режиссер Геннадий Базаров менен залкар актриса
    © Sputnik / Александр Федоров

    "Искусство жөнүндө жомок" кинотасмасында режиссер Геннадий Базаров менен залкар актриса

  • Мелис Убукеевдин Тайгак кечүү тасмасын тартуу учуру: Бакен Кыдыкеева Уулжандын энесинин, Калича Рысмендеева байбиченин образында
    © Sputnik / Александр Федоров

    Мелис Убукеевдин "Тайгак кечүү" тасмасын тартуу учуру: Бакен Кыдыкеева Уулжандын энесинин, Калича Рысмендеева байбиченин образында

  • Кыргыздын каймактары: солдон оңго актер Аманкул Куттубаев, опера ырчысы Сайра Кийизбаева, актерлор Ашыралы Боталиев, Муратбек Рыскулов, актриса Бакен Кыдыкеева жана төкмө акын Токтоналы Шабданбаев, Москвадагы Казань вокзалы, 1958-жыл
    © Фото / семейный архив Кийизбаевых

    Кыргыздын каймактары: солдон оңго актер Аманкул Куттубаев, опера ырчысы Сайра Кийизбаева, актерлор Ашыралы Боталиев, Муратбек Рыскулов, актриса Бакен Кыдыкеева жана төкмө акын Токтоналы Шабданбаев, Москвадагы Казань вокзалы, 1958-жыл

  • Таланттуу актрисага грим коюп жаткан гример-художник Белякова
    Александр Федоров

    Таланттуу актрисага грим коюп жаткан гример-художник Белякова

  • СССРдин эл артисти 30га жакын фильмге катышкан
    © Sputnik / Александр Федоров

    СССРдин эл артисти 30га жакын фильмге катышкан

  • Токтогул атындагы мамлекеттик сыйлыктын лауреаты жүз жаштагы элеттик карыя менен. Чоң-Кемин, 1978-жыл.
    © Фото / Александр Федоров

    Токтогул атындагы мамлекеттик сыйлыктын лауреаты жүз жаштагы элеттик карыя менен. Чоң-Кемин, 1978-жыл.

  • Болот Шамшиевдин Караш-Караш окуясы фильми: КРдин Баатыры Сабира Күмүшалиева менен СССРдин эл артисти Бакен Кыдыкеева, 1967-жыл
    © Sputnik / Александр Федоров

    Болот Шамшиевдин "Караш-Караш окуясы" фильми: КРдин Баатыры Сабира Күмүшалиева менен СССРдин эл артисти Бакен Кыдыкеева, 1967-жыл

  • Бакен Кыдыкеева 1993-жылы 30-декабрда жол кырсыгынан каза болуп, сөөгү Бишкектеги Ала-Арча көрүстөнүнө коюлган
    © Sputnik / Александр Федоров

    Бакен Кыдыкеева 1993-жылы 30-декабрда жол кырсыгынан каза болуп, сөөгү Бишкектеги "Ала-Арча" көрүстөнүнө коюлган

Белгилер:
Кыргызстан, Бакен Кыдыкеева, кино, театр, сүрөт
Тема боюнча
Балет дүйнөсүнө 11 жашында аралашкан. Кайталангыс Айсулуу Токомбаева
Академиянын алгачкы президенти болгон. Иса Ахунбаевдин сүрөттө калган ирмемдери
Композ, Жаздык 66 жашта. Актер, режиссер Мурат Мамбетов жараткан образдар
Кыргызстандык гимнаст Айша Изабекова

Гимнаст Айша Изабекова Япониядагы дүйнө чемпионатына катышат

0
Учурда Айша Москвадагы Ирина Винер-Усманованын гимнастика борборунда даярдык көрүүдө. Мелдеш 27-30-октябрь күндөрү Китакюсю шаарында өтөт.

БИШКЕК, 22-окт. — Sputnik. Кыргызстандык гимнаст Айша Изабекова Японияда өтө турчу дүйнө чемпионатына катышат. Бул тууралуу КРдин Көркөм гимнастика федерациясынын президенти Назира Айдарова билдирди.

Мелдеш 27-30-октябрь күндөрү Китакюсю шаарында өтөт.

Федерациянын башчысы дүйнө чемпионатынын жаңы эрежеси боюнча бир өлкөдөн бирден гана спортчу катыша аларын белгиледи.

Учурда Айша Москвадагы Ирина Винер-Усманованын гимнастика борборунда даярдык көрүүдө. Японияга спортчуну машыктыруучусу Аделина Шаяхметова жана калыс Злата Тулубаева коштоп барат.

Айша Изабекова 18 жашта. Көркөм гимнастика боюнча спорт чебери, Кыргызстандын абсолюттук чемпиону, Азия кубогунан күмүш жан коло медалдарды алган. Азия жана дүйнө чемпионаттарына катышкан.

Айша — ардагерлер арасында дүйнө чемпиону Чынарбек Изабеков менен Көркөм гимнастика федерациясынын президенти Назира Айдарованын кызы.

0
Белгилер:
Япония, Чынарбек Изабеков, гимнастика, мелдеш, Айша Изабекова
Тема боюнча
U23: дүйнө чемпионатына Кыргызстандан эки балбан кыз барат