Алайда Тоо театрларынын I фестивалы

Алайда тарыхый инсандардын урматына "Тоо театрларынын I фестивалы" өтүүдө. Сүрөт

81
(жаңыланган 11:41 30.09.2021)
Фестиваль Капар Медетбеков атындагы Талас облустук музыкалык-драма театры  койгон Төлөгөн Касымбековдун "Кел-Кел" спектакли менен башталды.

БИШКЕК, 30-сен. — Sputnik. Алайда Алымбек датканын 220, Курманжан датканын 210 жана Алай музыкалык-драма театрынын 75 жылдыгына карата уюштурган республикалык "Тоо театрларынын I фестивалы" өз ишин баштады. Бул тууралуу Маданият, маалымат, спорт жана жаштар саясаты министрлигинин маалымат кызматы билдирди.

Фестиваль Ош облусунун Алай районундагы Гүлчө айылындагы Ажибаев атындагы музыкалык-драма театрынын базасында тарыхый инсандардын жана тоолуу жердеги профессионал театрдын мааракесине арналып өтүүдө. 

  • Первый республиканский фестиваль горных театров, посвященный 220-летию Алымбека Датки, 210-летию Курманжан Датки и 75-летию Алайского музыкально-драматического театра в Алайском районе
    Алайда Алымбек датканын 220, Курманжан датканын 210 жана Алай музыкалык-драма театрынын 75 жылдыгына карата уюштурган республикалык "Тоо театрларынын I фестивалы" өз ишин баштады
    © Фото / пресс служба МКИСиМП КР
  • Первый республиканский фестиваль горных театров, посвященный 220-летию Алымбека Датки, 210-летию Курманжан Датки и 75-летию Алайского музыкально-драматического театра в Алайском районе
    Фестиваль Ош облусунун Алай районундагы Гүлчө айылындагы Ажибаев атындагы музыкалык-драма театрынын базасында тарыхый инсандардын жана тоолуу жердеги профессионал театрдын мааракесине арналып өтүүдө
    © Фото / пресс служба МКИСиМП КР
  • Первый республиканский фестиваль горных театров, посвященный 220-летию Алымбека Датки, 210-летию Курманжан Датки и 75-летию Алайского музыкально-драматического театра в Алайском районе
    Салтанатка катышкан министрдин орун басары Салтанат Аманова аталган иш-чара өз ара тажрыйба алмашуу багытын көздөп жаткандыгын белгиледи
    © Фото / пресс служба МКИСиМП КР
1 / 3
© Фото / пресс служба МКИСиМП КР
Алайда Алымбек датканын 220, Курманжан датканын 210 жана Алай музыкалык-драма театрынын 75 жылдыгына карата уюштурган республикалык "Тоо театрларынын I фестивалы" өз ишин баштады

Салтанатка катышкан министрдин орун басары Салтанат Аманова аталган иш-чара өз ара тажрыйба алмашуу багытын көздөп жаткандыгын белгиледи. Анын айтымында, аны салт катары мындан ары башка аймактарда да өткөрүү пландары каралган. 

"Мындай достук мамилени бекемдөө жана профессионалдык театр искусствосун аймактарга жеткирүү учурдагы Маданият министрлигинин бирден-бир приоритеттүү багыты", — деген ал.

Алгач фестиваль Өзбекстандын Наманган облустук музыкалык-драма театры, Султан Ибраимов атындагы Ош улуттук драма театры, Калык Акиев атындагы Жумгал музыкалык драма театры, Токтогул Ажибаев атындагы Алай музыкалык драма театры, Капар Медетбеков атындагы Талас облустук музыкалык драма театры, Муратбек Рыскулов атындагы Нарын облустук академиялык музыкалык драма театры жана Касымалы Жантөшев атындагы Ысык-Көл облустук музыкалык драма театрларынын жүрүшү менен башталып, концерттик программа көрсөтүлдү.

Иш-чаранын программасы:

  • 2021-жыл, 30-сентябрь
  • 9:00 – 10:00 Капар Медетбеков атындагы Талас облустук музыкалык-драма театры Төлөгөн Касымбековдун "Кел-Кел" спектакли;
  • 11:00 – 12:30 Муратбек Рыскулов атындагы Нарын облустук академиялык музыкалык драма театры драматург Иманалиевдин "Актриса" спектакли;
  • 14:00 – 15:00 Өзбекстандын Наманган облустук музыкалык драма театры Өзбек эл жазуучусу Саид Ахматтын "Хасан Хусан" чыгармасынын негизинде "Таниш нусхалар" спектакли;
  • 16:00 – 17:00 Касымалы Жантөшев атындагы Ысык-Көл облустук музыкалык драма театры драматург Касымбековдун "Кел-Кел" романынын негизинде инсценировкаланган "Кара көлөкө" спектакли;
  • 19:00 – 21:00 Фестивалдын салтанаттуу жабылышы.

Иш-чара Алай райондук жергиликтүү мамлекеттик администрациясы жана Токтогул Ажибаев атындагы Алай музыкалык драма театры менен биргеликте уюштурулууда.

81
Белгилер:
Алай району, иш-чара, маданият, фестиваль
Тема боюнча
Кыргыз эл сүрөтчүсү Муса Абдиевге "Ак илбирс" сыйлыгы тапшырылат
Бишкекте академик Кусеин Карасаевдин эстелиги ачылды. Сүрөт
Өлкөдөгү эстелик жана тарыхый объектилерге QR-код койгон долбоор ачылат

Устаттарын ээрчип жетилген Актан Арым Кубат. 32 жыл мурунку таберик сүрөт

70
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.
КРдин эл артисттери Геннадий Базаров, Актан Арым Кубат жана Манас Мусаев Каракол шаарында. 1989-жылы
© Sputnik / Александр Федоров

КРдин эл артисттери Геннадий Базаров, Актан Арым Кубат жана Манас Мусаевдин сүрөтү 1989-жылы Каракол шаарында тартылган.

Ал жылы сүрөттөгү инсандар "Айың" көркөм фильмин тартып, Базаров режиссер, Арым Кубат сүрөтчү, Мусаев операторлукту аркалаган.

Режиссер, сценарист Актан Арым Кубат ошол мезгилди мындайча эскерет:

"Эки таланттуу инсан менен "Приют для совершеннолетних", "Айың" кинокартинасында сүрөтчү болуп иштешкем. Геннадий Садыровичти мен өзүмдүн мастерим деп койчумун. Кино өндүрүшүн мыкты билет, күчтүү уюштуруучу. Мен режиссерлук боюнча жогорку билим албагандыктан жана жаш болгондуктан көп нерсени ошол кишиден үйрөндүм. "Кыргызфильмде" сүрөтчү-декоратор, костюмдар боюнча сүрөтчү, режиссердун ассистенти болуп, кино аянтчасынан тажрыйба топтоп жүрүп такшалдым. Ошол жактан режиссерлукка кадам таштап, өзүмдүн биринчи даректүү "Жолбун ит" кинокартинасын тарткам. Чыгармачылыкта Манас Мусаев менен да иштештим. Негизи тасма тартууда сүрөтчү менен оператор тыгыз иш алып барат. Сүрөтчү катары эскиздерди, костюмдарды жасап, керектүү сүрөттөрдү тартып, чоң декорацияларды тургузчубуз. Керек болсо кино тарта турчу үйдүн ичи-сыртын сырдап, оңдоп жиберчүбүз. Ал кезде Базаров, Мусаев келе жатат дегенде аябай күтчүбүз. Мен сыяктуу жаштар үчүн алар кол жеткис жылдыздар болчу, режиссер, операторлордун кадыр-баркы жогору эле. Экөө тең менин күчтүү устаттарым", — деди режиссер.

Анда Геннадий Базаров менен Манас Мусаев 47, Актан Арым Кубат 32 жашта эле.

70
Белгилер:
Кыргызстан, Геннадий Базаров, Актан Арым Кубат, сүрөт
Тема боюнча
15 жаштагы Мурат Мамбетовду ээрчиткен Сабира Күмүшалиева. Таберик сүрөт
Кызгалдак талаасындагы Касымалиева менен Одуракаев. 30 жыл мурунку таберик сүрөт
Чалагыз Исабаев жубайы Самара Токтакунова, уулу Актан менен. Таберик сүрөт
Жапжаш Базаровду курчаган сулуу кыздар. "Көчөдөгү" таберик сүрөт
Кыргыз эл жазуучусу, белгилүү драматург Бексултан Жакиев. Архив

Бишкекте Бексултан Жакиевдин 85 жылдыгына арналган китеп көргөзмө өтөт

97
(жаңыланган 19:50 26.10.2021)
Белгилүү драматургдун 85 жылдыгына арналган иш-чара 27-октябрда саат 10:30да Алыкул Осмонов атындагы улуттук китепканада уюштурулат.

БИШКЕК, 26-окт. — Sputnik. Ордо калаада кыргыз эл жазуучусу, белгилүү драматург Бексултан Жакиевдин 85 жылдыгына арналган "Залкар талант, кыргыз драматургиясынын корифейи" аттуу китеп көргөзмөсү өтөт. Бул тууралуу Улуттук китепкананын маалымат кызматы билдирди.

Ага ылайык, иш-чара 27-октябрда саат 10:30да Алыкул Осмонов атындагы улуттук китепканада уюштурулат.

Мындан сырткары, Жакиевдин "Өмүр өтөт билинбей" аттуу жаңы повесть-эссе китебинин бет ачары боло турганы айтылды.

Белгилүү драматург, Кыргыз Республикасынын Баатыры Бексултан Жакиев. Архивдик сүрөт
© Пресс-служба правительства / Сабыр Аильчиев
Бексултан Жакиев 1936-жылы 16-январда Ысык-Көл облусуна караштуу Тоң районунун Бөкөнбаев айылында туулган. Ал коомчулукка "Атанын тагдыры" аттуу драмасы менен таанылган. Анда драматург кайраттуу карыянын согуш кесепетинен башына түшкөн оор кайгысы аркылуу бүткүл элдин муңун чагылдырган. Бул чыгарма Кыргыз драма театрында 500дөн ашык жолу коюлган.

Жакиевдин "Миң кыял", "Алтын аяк", "Өкүм", "Эртең – жаңы жыл", "Жолугушуу", "Күттүргөн жаз да келер", "Саадак какты", "Жүрөлүчү жүрөк оорутпай", "Жаза" жана башка драмалары бар. Мындан тышкары, бир катар новелла, аңгеме, очерк, киносценарийлердин автору. Жакиевдин айрым чыгармалары орус, якут, казак жана башка тилдерге которулган.

Кыргыз ССРинин искусствосуна эмгек сиңирген ишмер, Токтогул атындагы мамлекеттик сыйлыктын ээси, Кыргыз эл жазуучусу, III даражадагы Манас ордени жана Даңк медалынын ээси болгон.

Драматург 2021-жылдын 25-апрелинде 85 жаш курагында дүйнө салган.

97
Белгилер:
Бексултан Жакиев, иш-чара, бет ачар, китеп, көргөзмө
Тема боюнча
Бексултан Жакиев — өмүр баяны
Жусуп Мамай, Айтматов, Баекова, Жакиев. "Манас" мааракесинен таберик сүрөт
Көмүр саткан жайларга рейд жүргүзүлүүдө

Чүйдө көмүр саткан жайларга рейд жүргүзүлүүдө. Сүрөт

12
(жаңыланган 16:57 28.10.2021)
Текшерүүгө Монополияга каршы жөнгө салуу мамлекеттик агенттиги менен Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

БИШКЕК, 28-окт. — Sputnik. Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө. Бул тууралуу Монополияга каршы жөнгө салуу мамлекеттик агенттиги кабарлады.

Рейды по урегулированию цен на уголь на топливных базах и стационарных точках объездной дороги Бишкека и в Сокулукском районе. 28 октября 2021 года
© Фото / пресс-служба ГААР при ПКР
Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө

Текшерүүгө аталган агенттиктен, Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

"Сатуучуларга көмүрдүн баасы көтөрүлбөшү керектиги тууралуу түшүндүрүү иштери жүргүзүлдү", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса жоопко тартылары боюнча эскертүү берилди.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон.

Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

12
Белгилер:
Чүй облусу, Бишкек, көмүр, баа, рейд
Тема боюнча
Бийлик Бишкек менен аймактарда көмүрдүн баасын бекитти. Канчадан ашпаш керек?