Анкара шаарында Кыргыз АССРинин Эл Комиссарлар Кеңешинин биринчи төрагасы Жусуп Абдрахмановдун эстелиги ачылды.

Түркияда Жусуп Абдрахмановдун эстелиги ачылды. Сүрөт

299
(жаңыланган 15:49 02.10.2021)
Түрк тарыхый паркына Ататүрктүн, Расулзаденин, Назарбаевдин, Каримовдун, Бердимухамедовдун да эстеликтери коюлган.

БИШКЕК, 2-окт. — Sputnik. Анкара шаарынын Этимесгут муниципалитетиндеги Түрк тарыхый паркында Кыргыз АССРинин Эл Комиссарлар Кеңешинин биринчи төрагасы Жусуп Абдрахмановдун эстелиги ачылды. Бул тууралуу Тышкы иштер министрлигинин маалымат кызматынан кабарлады. 

Состоялось торжественное открытие памятника первому Председателю Совета народных комиссаров Киргизской АССР Жусупу Абдрахманову в Анкаре. 1 октября 2021 года
© Фото / пресс-служба МИД КР
Кыргыз АССРинин Эл Комиссарлар Кеңешинин биринчи төрагасы Жусуп Абдрахмановдун эстелиги

Айкелдин ачылышына карата уюштурулган салтанатка КРдин Түркиядагы элчиси Кубанычбек Өмүралиев, Этимесгут муниципалитетинин мэри Энвер Демирел катышкан. Маалыматта алардын эстеликке гүл коюп, кыргыз мамлекеттүүлүгүнүн негиздөөчүсүнүн жаркын элесине таазим кылганы айтылган.

Аталган паркта Жусуп Абдрахмановдун эстелиги менен катар түрк тилдүү мамлекеттердин негиздөөчүлөрү – Кемал Ататүрктүн, Мамед Эмин Расулзаденин, Нурсултан Назарбаевдин, Ислам Каримовдун, Гурбанголы Бердимухамедовдун айкелдери бар экени айтылды.

  • Состоялось торжественное открытие памятника первому Председателю Совета народных комиссаров Киргизской АССР Жусупу Абдрахманову в Анкаре. 1 октября 2021 года
    Анкара шаарынын Этимесгут муниципалитетиндеги Түрк тарыхы паркында Кыргыз АССРинин Эл Комиссарлар Кеңешинин биринчи төрагасы Жусуп Абдрахмановдун эстелиги ачылды.
    © Фото / пресс-служба МИД КР
  • Состоялось торжественное открытие памятника первому Председателю Совета народных комиссаров Киргизской АССР Жусупу Абдрахманову в Анкаре. 1 октября 2021 года
    Айкелдин ачылышына карата уюштурулган салтанатка КРдин Түркиядагы элчиси Кубанычбек Өмүралиев, Этимесгут муниципалитетинин мэри Энвер Демирел катышкан.
    © Фото / пресс-служба МИД КР
1 / 2
© Фото / пресс-служба МИД КР
Анкара шаарынын Этимесгут муниципалитетиндеги Түрк тарыхы паркында Кыргыз АССРинин Эл Комиссарлар Кеңешинин биринчи төрагасы Жусуп Абдрахмановдун эстелиги ачылды.

Түрк тарых паркы 2021-жылдын 29-августунда ачылып, анда түрк тилдүү мамлекеттердин негиздөөчүлөрүнүн, ошондой эле түрк дүйнөсүнүн атактуу өкүлдөрү - Айтматовдун, Махтумкулинин, Кунанбаевдин жана түрк кагандарынын эстеликтери тургузулган. Жалпысынан паркта 206 айкел бар.

299
Белгилер:
Түркия, Кыргызстан, Жусуп Абдрахманов, түрк, тарых, парк, эстелик
Тема боюнча
Репрессиялангандар атылып кетүүгө эмнеге ашыккан. Болот Абдрахмановдун маеги
Sputnik Кыргызстан маалымат агенттиги жана радиосунун жетекчилиги менен жамааты салттуу кийимдер боюнча долбоордун катышуучуларына ыраазычылык билдирди

Sputnik салттуу кийимдер долбоорунун катышуучуларына ыраазычылык билдирди. Сүрөт

32
Иш-чарада фотомодель, продюсер жана долбоордун жаратуучуларына салттуу кийимдер боюнча материалдын негизинде даярдалган 2022-жылдын календары берилди.

БИШКЕК, 28-окт. — Sputnik. Sputnik Кыргызстан маалымат агенттиги жана радиосунун жетекчилиги менен жамааты салттуу кийимдер боюнча долбоордун катышуучуларына ыраазычылык билдирди.

Белгилей кетсек, Sputnik Кыргызстан маалымат агенттиги "Кийиз дүйнө" коомдук фонду менен биргеликте "Салттуу баш кийим", "Аялдардын салттуу кийими", "Эркектердин салттуу кийими" аттуу лонгрид, фотодолбоорлорун чыгарган.

  • Международное информационное агентство и радио Sputnik Кыргызстан и общественный фонд Кийиз дуйно выразили благодарность участникам фотопроектов Национальные головные уборы, Национальная женская и мужская одежда
    Sputnik Кыргызстан маалымат агенттиги жана радиосунун жетекчилиги менен жамааты салттуу кийимдер боюнча долбоордун катышуучуларына ыраазычылык билдирди
    © Sputnik / Табылды Кадырбеков
  • Международное информационное агентство и радио Sputnik Кыргызстан и общественный фонд Кийиз дуйно выразили благодарность участникам фотопроектов Национальные головные уборы, Национальная женская и мужская одежда
    Иш-чарада фотомоделдерге, продюсерлерге жана долбоордун жаратуучуларына өздөрүнүн сүрөтү менен даярдалган 2022-жылдын календары берилди
    © Sputnik / Табылды Кадырбеков
  • Международное информационное агентство и радио Sputnik Кыргызстан и общественный фонд Кийиз дуйно выразили благодарность участникам фотопроектов Национальные головные уборы, Национальная женская и мужская одежда
    Аталган долбоорго ар кайсы тармактын өкүлдөрү тартылган
    © Sputnik / Табылды Кадырбеков
  • Международное информационное агентство и радио Sputnik Кыргызстан и общественный фонд Кийиз дуйно выразили благодарность участникам фотопроектов Национальные головные уборы, Национальная женская и мужская одежда
    Алардын арасында актер, ырчы, кол өнөрчү, окуучу, блогер, фермер, ишкерлер дагы бар
    © Sputnik / Табылды Кадырбеков
  • Международное информационное агентство и радио Sputnik Кыргызстан и общественный фонд Кийиз дуйно выразили благодарность участникам фотопроектов Национальные головные уборы, Национальная женская и мужская одежда
    Салттуу кийимдердин бардыгы дал ушул долбоордун катышуучуларынын колунан жаралган.
    © Sputnik / Табылды Кадырбеков
1 / 5
© Sputnik / Табылды Кадырбеков
Sputnik Кыргызстан маалымат агенттиги жана радиосунун жетекчилиги менен жамааты салттуу кийимдер боюнча долбоордун катышуучуларына ыраазычылык билдирди

Иш-чарада фотомоделдерге, продюсерлерге жана долбоордун жаратуучуларына өздөрүнүн сүрөтү менен даярдалган 2022-жылдын календары берилди. Аталган долбоорго ар кайсы тармактын өкүлдөрү тартылган. Алардын арасында актер, ырчы, кол өнөрчү, окуучу, блогер, фермер, ишкерлер дагы бар. Салттуу кийимдердин бардыгы дал ушул долбоордун катышуучуларынын колунан жаралган.

Sputnik Кыргызстан маалымат агенттиги жана радиосунун жетекчиси Елена Череменина катышуучуларга ыраазычылык билдирип, кыргыз элинин каада-салт, үрп-адатын жайылтууга салым кошуп жатканын белгилеген.

Международное информационное агентство и радио Sputnik Кыргызстан и общественный фонд Кийиз дуйно выразили благодарность участникам фотопроектов Национальные головные уборы, Национальная женская и мужская одежда
© Sputnik / Табылды Кадырбеков
Sputnik Кыргызстан маалымат агенттиги жана радиосунун жетекчиси Елена Череменина катышуучуларга ыраазычылык билдирип, кыргыз элинин каада-салт, үрп-адатын жайылтууга салым кошуп жатканын белгилеген
"Биздин долбоор кыргыздын маданиятын, үрп-адатын кийинки муунга сактап, жеткирүүдө жардам берет деген үмүттөмүн. Ал окурмандарга sputnik.kg сайтында кыргыз жана орус тилдеринде жеткиликтүү. Мындан сырткары, социалдык баракчалардан да тапса болот. Булар бир гана сайтка эмес өлкөнүн башкы аянтына коюлуп, кийин фотоплакаттар улуттук музейге тапшырылган. Мындан тышкары, улуттук баалуулуктар тууралуу долбоор Дубай шаарында ачылган Expo-2020 жарманкесинде көрсөтүлүүдө", — деди Череменина.

Өз кезегинде долбоорго катышуучу болгон моделдер да тартуу маалындагы кызыктуу учурларга токтолуп, ыраазычылык билдиришкен.

"Sputnik Кыргызстан агенттигинин жалпы жамаатына ыраазычылык билдиребиз. Бул долбоор келечек муунга өтө керек жана маанилүү. Балким, биз азыр анын канчалык маанилүү экенин билбей жаткан чыгарбыз, бирок кийин алар өтө баалуу болуп калат", — деди актриса Таалайкан Абазова.

Sputnik Кыргызстан — ондогон мамлекетке жайылган эл аралык маалымат агенттиги жана радиосунун бир бөлүгү. Sputnik дүйнө жүзү боюнча 30дан ашык тилде маалыматтарды жеткирет. Өзүнө аналогдук жана санариптик радиоберүүлөрдү, мобилдик тиркемелерди, социалдык тармактардагы баракчаларды камтыйт. Колдонуучулар үчүн Sputnik күнү-түнү англис, араб, испан жана кытай тилдеринде маалымат берет.

32
Белгилер:
улуттук кийимдер, долбоор, ыраазычылык, сүрөт, календарь
Тема боюнча
Кыргыз аялынын ич кийиминен сырт кийимине чейин. Көчмөн модасынын сырлары
Кеп такыячан эл алдына чыгуу уят болот. Салттуу баш кийимдердин сырлары

Устаттарын ээрчип жетилген Актан Арым Кубат. 32 жыл мурунку таберик сүрөт

73
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.
КРдин эл артисттери Геннадий Базаров, Актан Арым Кубат жана Манас Мусаев Каракол шаарында. 1989-жылы
© Sputnik / Александр Федоров

КРдин эл артисттери Геннадий Базаров, Актан Арым Кубат жана Манас Мусаевдин сүрөтү 1989-жылы Каракол шаарында тартылган.

Ал жылы сүрөттөгү инсандар "Айың" көркөм фильмин тартып, Базаров режиссер, Арым Кубат сүрөтчү, Мусаев операторлукту аркалаган.

Режиссер, сценарист Актан Арым Кубат ошол мезгилди мындайча эскерет:

"Эки таланттуу инсан менен "Приют для совершеннолетних", "Айың" кинокартинасында сүрөтчү болуп иштешкем. Геннадий Садыровичти мен өзүмдүн мастерим деп койчумун. Кино өндүрүшүн мыкты билет, күчтүү уюштуруучу. Мен режиссерлук боюнча жогорку билим албагандыктан жана жаш болгондуктан көп нерсени ошол кишиден үйрөндүм. "Кыргызфильмде" сүрөтчү-декоратор, костюмдар боюнча сүрөтчү, режиссердун ассистенти болуп, кино аянтчасынан тажрыйба топтоп жүрүп такшалдым. Ошол жактан режиссерлукка кадам таштап, өзүмдүн биринчи даректүү "Жолбун ит" кинокартинасын тарткам. Чыгармачылыкта Манас Мусаев менен да иштештим. Негизи тасма тартууда сүрөтчү менен оператор тыгыз иш алып барат. Сүрөтчү катары эскиздерди, костюмдарды жасап, керектүү сүрөттөрдү тартып, чоң декорацияларды тургузчубуз. Керек болсо кино тарта турчу үйдүн ичи-сыртын сырдап, оңдоп жиберчүбүз. Ал кезде Базаров, Мусаев келе жатат дегенде аябай күтчүбүз. Мен сыяктуу жаштар үчүн алар кол жеткис жылдыздар болчу, режиссер, операторлордун кадыр-баркы жогору эле. Экөө тең менин күчтүү устаттарым", — деди режиссер.

Анда Геннадий Базаров менен Манас Мусаев 47, Актан Арым Кубат 32 жашта эле.

73
Белгилер:
Кыргызстан, Геннадий Базаров, Актан Арым Кубат, сүрөт
Тема боюнча
15 жаштагы Мурат Мамбетовду ээрчиткен Сабира Күмүшалиева. Таберик сүрөт
Кызгалдак талаасындагы Касымалиева менен Одуракаев. 30 жыл мурунку таберик сүрөт
Чалагыз Исабаев жубайы Самара Токтакунова, уулу Актан менен. Таберик сүрөт
Жапжаш Базаровду курчаган сулуу кыздар. "Көчөдөгү" таберик сүрөт
Кол чатыр көтөрүп көчөдө бараткан кыз. Архив

Жумага карата аба ырайы

0
29-октябрга караган түнү өлкөнүн айрым райондорунда жаан, тоо этектеринде жамгыр, тоолуу райондордо кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-окт. — Sputnik. Жума күнү эртең менен жана күндүз көпчүлүк аймактарда жаан, тоо этектеринде жамгыр, кар жана тоолуу жерлерде кар жаайт. Таластын кээ бир аймактарында жаан-чачын катуу жаашы күтүлөт. Бул тууралуу Кыргызгидромет маалымдады.

Абанын температурасы Чүйдө +7...+12, Талас чөлкөмүндө +8...+13, Ош, Жалал-Абад жана Баткен облустарында +12...+17, Ысык-Көлдө +10...+15, Нарын жергесинде +9...+14 градус болот.

Бишкек менен Ош шаарында мезгил-мезгили менен жамгыр жаайт. Күндүн табы борбор калаада +10...+12, Ошто +15...+17 градуска көтөрүлөт.

0
Белгилер:
аба ырайы, Кыргызстан
Тема боюнча
Жаан жаайбы? Дем алышка карата аба ырайы