Кыргызстандын Франциядагы элчиси, ЮНЕСКОдогу туруктуу өкүл Садык Шер-Нияз. Архив

Элчи Шер-Нияз жаш жазуучулар үчүн ЮНЕСКО сыйлыгын уюштурууну сунуштады

70
Шер-Нияз уюмдун россиялык жазуучу Фёдор Достоевскийдин 200 жылдыгына карата өткөргөн иш-чарасында сүйлөгөн.

БИШКЕК, 4-окт. — Sputnik. Кыргызстандын Франциядагы элчиси, ЮНЕСКОдогу туруктуу өкүл Садык Шер-Нияз жаш жазуучулар үчүн ЮНЕСКО тарабынан эл аралык сыйлык уюштурууну сунуштады. Бул тууралуу элчи Facebook баракчасына жазды.

Шер-Нияз аталган уюмдун башкы конференциялык залында россиялык жазуучу Фёдор Достоевскийдин 200 жылдыгына арналган иш-чарада сүйлөгөн.

"Улуу ойчулдун Орто Азия жазуучуларына тийгизген таасири, албетте, Чыңгыз агабыз, Олжас агабыз жөнүндө кыстарып кетпесек болбос. Улуу ойчулдардын атынан жаш жазуучуларга эл аралык ЮНЕСКО тарабынан сыйлык уюштуруш керектигин айттым. Жакшы кабыл алышты", — деди Шер-Нияз.

Иш-чарага ЮНЕСКОнун башкы директору Одри Азуле катышкан. Элчи аны менен да баарлашып, идеяларын айтканын кошумчалады.

70
Белгилер:
элчи, Садык Шер-Нияз, Кыргызстан, сыйлык, ЮНЕСКО
Тема боюнча
FIFA президенти финалдык оюнду тейлеген Нурдин Букуевди сыйлады. Видео
Жапаров ишинде өзгөчөлөнгөн кыргызстандыктарды сыйлады
Кыргыз эл жазуучусу, белгилүү драматург Бексултан Жакиев. Архив

Бишкекте Бексултан Жакиевдин 85 жылдыгына арналган китеп көргөзмө өтөт

83
(жаңыланган 19:50 26.10.2021)
Белгилүү драматургдун 85 жылдыгына арналган иш-чара 27-октябрда саат 10:30да Алыкул Осмонов атындагы улуттук китепканада уюштурулат.

БИШКЕК, 26-окт. — Sputnik. Ордо калаада кыргыз эл жазуучусу, белгилүү драматург Бексултан Жакиевдин 85 жылдыгына арналган "Залкар талант, кыргыз драматургиясынын корифейи" аттуу китеп көргөзмөсү өтөт. Бул тууралуу Улуттук китепкананын маалымат кызматы билдирди.

Ага ылайык, иш-чара 27-октябрда саат 10:30да Алыкул Осмонов атындагы улуттук китепканада уюштурулат.

Мындан сырткары, Жакиевдин "Өмүр өтөт билинбей" аттуу жаңы повесть-эссе китебинин бет ачары боло турганы айтылды.

Белгилүү драматург, Кыргыз Республикасынын Баатыры Бексултан Жакиев. Архивдик сүрөт
© Пресс-служба правительства / Сабыр Аильчиев
Бексултан Жакиев 1936-жылы 16-январда Ысык-Көл облусуна караштуу Тоң районунун Бөкөнбаев айылында туулган. Ал коомчулукка "Атанын тагдыры" аттуу драмасы менен таанылган. Анда драматург кайраттуу карыянын согуш кесепетинен башына түшкөн оор кайгысы аркылуу бүткүл элдин муңун чагылдырган. Бул чыгарма Кыргыз драма театрында 500дөн ашык жолу коюлган.

Жакиевдин "Миң кыял", "Алтын аяк", "Өкүм", "Эртең – жаңы жыл", "Жолугушуу", "Күттүргөн жаз да келер", "Саадак какты", "Жүрөлүчү жүрөк оорутпай", "Жаза" жана башка драмалары бар. Мындан тышкары, бир катар новелла, аңгеме, очерк, киносценарийлердин автору. Жакиевдин айрым чыгармалары орус, якут, казак жана башка тилдерге которулган.

Кыргыз ССРинин искусствосуна эмгек сиңирген ишмер, Токтогул атындагы мамлекеттик сыйлыктын ээси, Кыргыз эл жазуучусу, III даражадагы Манас ордени жана Даңк медалынын ээси болгон.

Драматург 2021-жылдын 25-апрелинде 85 жаш курагында дүйнө салган.

83
Белгилер:
Бексултан Жакиев, иш-чара, бет ачар, китеп, көргөзмө
Тема боюнча
Бексултан Жакиев — өмүр баяны
Жусуп Мамай, Айтматов, Баекова, Жакиев. "Манас" мааракесинен таберик сүрөт
Лос-Анджелес шаарындагы Брюс Линин эстелиги. Архив

Лос-Анжелесте Азия кинолорунун фестивалы өтүп, Брюс Ли сыйлыгы тапшырылат

34
(жаңыланган 13:27 26.10.2021)
Иш-чарага көптөгөн ардактуу коноктор, кино жылдыздары келери күтүлүүдө. Брюс Линин кызы атасынын атындагы сыйлыкты алгачкы лауреатына тапшырат.

БИШКЕК, 26-окт. — Sputnik. АКШнын Лос-Анжелес шаарында 1-ноябрь күнү Азия кинолорунун бүткүл дүйнөлүк фестивалы (AWFF) башталат. Бул туурасында фестивалдын уюштуруучулары билдирди.

Маалыматка ылайык, саат 17:30да кызыл килемден өтүп, саат 19:00 кинолор көрсөтүлө баштайт. Алгач "Оскар" сыйлыгын алган режиссёр Хлои Чжаонун Marvel Studios Eternals фильми тартууланат. Ага Жемма Чан, Ричард Мэдден, Кумейл Нанджиани, Лия МакХью, Брайан Тайри Генри, Лорен Ридлофф, Барри Кеоган, Дон Ли, Кит Харингтон, Сальма Хайек жана Анжелина Жоли сыяктуу белгилүү актёрлор катышкан. Бул жылы Брюс Ли атындагы сыйлыктын биринчи лауреаты аныкталат.

"21-октябрь күнү Лос-Анжелесте фестивалдын алдындагы иш-чара өтүп, Голливуд индустриясынын, Азия кино коомчулугунун чеберлери, Брюс Линин кызы Шеннон Ли катышты. Анда ал согуштук өнөр кинотармагын өнүктүрүүгө салым кошкон адамга берилүүчү Брюс Ли сыйлыгын негиздегенин жар салды", — деп айтылат маалыматта.

Уюштуруучулар иш-чарага көптөгөн ардактуу коноктор, кино жылдыздары келери күтүлүп жатканын айтышты. Фестивалдын алкагында Кыргызстандан "Акыркы көч" жана "Шамбала" тасмалары көрсөтүлөт.

Азия кинолорунун бүткүл дүйнөлүк фестивалы быйыл жетинчи ирет өткөрүлүп жатат. Кинофестивалдын максаты — эл аралык маданий кызматташтыкты өрчүтүү жана Азия менен Голливуддун киноиндустрия жаатындагы байланыштарын чыңдоо. Быйылкы кинофестиваль 1-11-ноябрь күндөрү өтүп, 20дан ашуун өлкөдөн тандалып келген 30 тасма катышат.

Белгилей кетсек, AWFF кыргызстандык режиссёр Садык Шер-Нияз тарабынан негизделген.

34
Белгилер:
Лос-Анжелес, кинофестиваль, сыйлык, Брюс Ли
Тема боюнча
Татарстанда Шамшиевдин "Ысык-Көлдүн кызгалдактары" тасмасы көрсөтүлдү. Сүрөт
Сом монеталары. Архив

Парламент Салык кодексинин жаңы редакциясын биринчи окууда жактырды

2
(жаңыланган 16:21 27.10.2021)
Документте Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталган.

БИШКЕК, 27-окт. — Sputnik. Жогорку Кеңештин депутаттары Салык кодексинин жаңы редакциясынын долбоорун биринчи окууда жактырды.

Салык боюнча жаңы документти биринчи окуудан өткөрүүгө 80 депутат макулдук берип, каршы чыккандар болгон жок.

Жыйында экономика жана коммерция министри Данияр Амангельдиев баяндама жасап, мыйзам долбоору салык мыйзамдарын заманбап экономикалык шарттарга айкалыштырууга, салыктык жол-жоболорду санариптештирүүгө, ишкердикти жүргүзүүдө бирдей шарт түзүүгө жана көмүскө экономиканы кыскартууга багытталганын белгиледи.

Муну менен катар Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталууда. Ал эми тигүү, зергерчилик, авиациялык, электробус тармактарында салыктык жеңилдиктер каралган.

2
Белгилер:
салык кодекси, парламент, жактыруу, долбоор
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси