Бишкекте өткөн Орто Азия романсиадасы аттуу IV эл аралык сынактын жеңүүчүлөрү аныкталды

Бишкекте "Орто Азия романсиадасы" конкурсунун жеңүүчүлөрү аныкталды. Сүрөт

186
(жаңыланган 12:10 23.10.2021)
Сынактын жеңүүчүлөрү 5-декабрда Москвада боло турчу "Романсиадалар" финалына жолдомо алды. Мында өлкө намысын Сабина Ибраимова коргомой болду.

БИШКЕК, 22-окт. — Sputnik. Бишкекте өткөн "Орто Азия романсиадасы" аттуу IV эл аралык сынактын жеңүүчүлөрү аныкталды. Бул тууралуу уюштуруучулар маалымдады.

  • Награждение победителей  V среднеазиатской романсиады в Бишкеке
    Бишкекте өткөн "Орто Азия романсиадасы" аттуу IV эл аралык сынактын жеңүүчүлөрү аныкталды
    © Sputnik / Табылды Кадырбеков
  • Артист во время выступления на V среднеазиатской романсиаде в Бишкеке
    Сынакка Казакстан, Өзбекстан жана Кыргызстандан 50дөн ашуун аткаруучу катышты
    © Sputnik / Табылды Кадырбеков
  • Награждение победителей  V среднеазиатской романсиады в Бишкеке
    Жеңүүчүлөрдү бир нече номинация боюнча РФ эмгек сиңирген артисти, Москва "Романстар үйүнүн" директору, профессор Галина Преображенская башында турган эл аралык калыстар тандады
    © Sputnik / Табылды Кадырбеков
  • Артистка во время выступления на V среднеазиатской романсиаде в Бишкеке
    Конкурстун жеңүүчүлөрү 5-декабрда Москвада боло турчу "Романсиадалар" финалына жолдомо алды
    © Sputnik / Табылды Кадырбеков
  • Артист во время выступления на V среднеазиатской романсиаде в Бишкеке
    Бул сынакта өлкө намысын "Романс без границ" номинациясы боюнча жеңүүчү аталган Саёра Мухамедова коргомой болду
    © Sputnik / Табылды Кадырбеков
  • Артистка во время выступления на V среднеазиатской романсиаде в Бишкеке
    Жеңүүчүнү маданият, маалымат, спорт жана жаштар саясаты министри Азамат Жаманкулов менен Россиянын Кыргызстандагы элчиси Николай Удовиченко сыйлаган.
    © Sputnik / Табылды Кадырбеков
  • Награждение победителей  V среднеазиатской романсиады в Бишкеке
    Иш-чараны Россотрудничествонун Кыргызстандагы өкүлчүлүгү, Москванын "Романс үйү" жана "Гармония" орус маданий борбору Россиянын КРдеги элчилигинин жана Маданият министрлигинин колдоосу менен уюштурду.
    © Sputnik / Табылды Кадырбеков
1 / 7
© Sputnik / Табылды Кадырбеков
Бишкекте өткөн "Орто Азия романсиадасы" аттуу IV эл аралык сынактын жеңүүчүлөрү аныкталды

Сынакка Казакстан, Өзбекстан жана Кыргызстандан 50дөн ашуун аткаруучу катышты.

Гран-прини Казакстандын Павлодар шаарынан келген Амина Рахимжанова жеңди. Ал бул сынакка биринчи жолу эки жыл мурун катышкан.

Конкурстун эң жаш катышуучусу жети жаштагы Риана Мамедова Sputnik Кыргызстан эл аралык маалымат агенттиги жана радиосунун белегин алды. Аны агенттиктин жетекчиси Елена Череменина берди. Ошондой эле бардык катышуучуларга Sputnik Кыргызстан агенттигинин тематикалык календары тапшырылды.

Жеңүүчүлөрдү бир нече номинация боюнча РФ эмгек сиңирген артисти, Москва "Романстар үйүнүн" директору, профессор Галина Преображенская башында турган эл аралык калыстар тандады. Конкурстун жеңүүчүлөрү 5-декабрда Москвада боло турчу "Романсиадалар" финалына жолдомо алды. Бул сынакта өлкө намысын "Романс без границ" номинациясы боюнча жеңүүчү аталган Сабина Ибраимова коргомой болду.

Жеңүүчүнү маданият, маалымат, спорт жана жаштар саясаты министри Азамат Жаманкулов менен Россиянын Кыргызстандагы элчиси Николай Удовиченко сыйлаган.

Иш-чараны Россотрудничествонун Кыргызстандагы өкүлчүлүгү, Москванын "Романс үйү" жана "Гармония" орус маданий борбору Россиянын КРдеги элчилигинин жана Маданият министрлигинин колдоосу менен уюштурду.

186
Белгилер:
Кыргызстан, сынак, жеңүүчү, романсиада
Манасчылар. Архив

"Манас" уксун Ала-Тоо бүт аймагы... Бишкекте бүгүн манасчылар чогулат

152
(жаңыланган 10:56 03.12.2021)
Кече "Манас" эпосунун күнүнө, ошондой эле манасчылар Назаркул Сейдракмановдун 70 жылдыгы жана Талантаалы Бакчиевдин 50 жылдыгына карата өткөрүлүп жатат.

БИШКЕК, 3-дек. — Sputnik. Бишкекте бүгүн, 3-декабрда, "Манас" айтат бакылдатып балдары, "Манас" уксун Ала-Тоо бүт аймагы" аттуу "Манас" айтуу кечеси өтөт. Бул тууралуу Sputnik агенттигине "Көйкашка" коомдук фонду билдирди.

Иш-чара ордо калаадагы соода борборунун биринде саат 18:00дө башталат.

"Кече 4-декабрь "Манас" эпосунун күнүнө, ошондой эле КРдин Эмгек сиңирген артисти, манасчы Назаркул Сейдракмановдун 70 жылдыгына жана КРдин маданиятына эмгек сиңирген ишмер, манасчы Талантаалы Бакчиевдин 50 жылдыгына карата өткөрүлүп жатат", — деп жазылган маалыматта.

Уюштуруучулар кошумчалагандай, иш-чарада китеп жана сүрөт көргөзмөлөр уюштурулуп, кызыктуу оюндар жана суроо-жооптор болот. Ошондой эле төкмө акындар ырын ырдап, "Акак" комузчулар ансамбли комузда кол ойнотмокчу.

Назаркул Сейдракманов учурда "Манас-мурас" коомдук фондунда устаттык кылат. 2010-жылы Даңк медалы менен сыйланган. Сейдракманов 1995-жылы "Манас" эпосунун 1000 жылдык салтанатына арналып өткөрүлгөн манасчылардын эл аралык сынагында баш байгеге ээ болгон.

Талантаалы Бакчиев Кыргыз Республикасынын маданиятына эмгек сиңирген ишмер, филология илимдеринин доктору. 2014-жылы Эл аралык манас таануучулар ассоциациясынын президенти болуп шайланган.

152
Белгилер:
Бишкек, Талантаалы Бакчиев, Манас эпосу, кече
Тема боюнча
Бакчиев: ушул жашка чейин жазып келген эмгектеримдин көргөзмөсү өтөт
Түрк элдеринин азыркы урпактары: көчмөндөр, малчылар, боз үй жана "Манас"
Ала-Тоо аянтында улуттук кийимчен адамдар. Архив

"Манас" айтсак кулак бүтөт ташка да... Эпостун күнүнө карата иш-чара өтөт

201
(жаңыланган 09:55 03.12.2021)
Иш-чара ошондой эле белгилүү манасчылар Назаркул Сейдракманов менен Талантаалы Бакчиевдин юбилейлерине да арналары айтылууда.

БИШКЕК, 3-дек. — Sputnik. 4-декабрда Токтогул Сатылганов атындагы Кыргыз улуттук филармонияда "Манас" эпосунун күнүнө карата иш-чара өтөт. Бул тууралуу Маданият, маалымат, спорт жана жаштар саясаты министрлигинин маалымат кызматы билдирди.

Салтанат "Манас" айтсак кулак бүтөт ташка дагы, манасчылар өнөргө бай башка дагы" деп аталат.

"Иш-чара ошондой эле Ишенаалы Арабаев атындагы Кыргыз мамлекеттик университетинин ардактуу профессору, манасчы Назаркул Сейдракмановдун 70 жылдыгына жана филология илимдеринин доктору, манасчы Талантаалы Бакчиевдин 50 жылдыгына арналат", — деп айтылат билдирүүдө.

Назаркул Сейдракманов учурда "Манас-мурас" коомдук фондунда устаттык кылат. 2010-жылы Даңк медалы менен сыйланган. Сейдракманов 1995-жылы "Манас" эпосунун 1000 жылдык салтанатына арналып өткөрүлгөн манасчылардын эл аралык сынагында баш байгеге ээ болгон.

Талантаалы Бакчиев Кыргыз Республикасынын маданиятына эмгек сиңирген ишмер, филология илимдеринин доктору. 2014-жылы Эл аралык "манас" таануучулар ассоциациясынын президенти болуп шайланган.

Салтанаттуу иш-чарага кирүү акысыз.

201
Белгилер:
Манас эпосу, манасчы, иш-чара, Талантаалы Бакчиев, юбилей, Назаркул Сейдракманов
Тема боюнча
Ок жааган Кабулда манас айткан Уркаш Мамбеталиев. 31 жыл мурунку видео
Түрк элдеринин азыркы урпактары: көчмөндөр, малчылар, боз үй жана "Манас"
Кыргызстандык балбан кыз Мээрим Жуманазарова. Архив

Мээрим Жуманазарова Гран-при мелдешиндеги атаандашы Велиеваны дагы утту

33
(жаңыланган 01:28 04.12.2021)
Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган.

БИШКЕК, 4-дек. — Sputnik. Кыргызстандык балбан кыз Мээрим Жуманазарова "Гран-при Москва — АЛРОСА кубогу" мелдешиндеги атаандашы Ханум Велиеваны 3:2 эсеби менен утуп алды. Спортчу кыздардын таймашын Россиянын Спорттук күрөш федерациясынын расмий сайты түз алып көрсөттү.

Эки бөлүккө созулган кыл чайнаш кармаштын жыйынтыгында кыргызстандын балбан кызы жеңишти илип кетти. Кармаштын биринчи эле бөлүгүндө Мээрим адегенде контр чабуул жасап бир упай алды. Көп өтпөй бутка кирип, атаандашын партерге жыгып дагы эки баллга ээ болду. Бөлүк 3:0 менен аяктады.

Экинчи үч мүнөттүктө кыргызстандык балбан кыз эсеп артыкчылыкты сактап калуу тактикасы менен күрөштү. Велиева чабуул жасап Мээримди эки ирет чийин сыртына сүрүп чыгарып эки упай алды. Беттеш 3:2 Мээримдин артыкчылыгы менен жыйынтыкталды.

Мээрим Жуманазарованы мелдешке машыктыруучусу атасы Рахмадил Жуманазаров коштоп барган.

Мелдеш Москва шаарындагы "ВТБ Арена Парк" спорттук жайында өттү.

Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган. Машыктыруучулук штаб Мээрим менен кеңешип, бул сунушка макул болгон.

Спортчу кыздар муну менен төртүнчү ирет кез келип жатат. Эске салсак, октябрь айында Ослодо өткөн дүйнө чемпионатынын жарым финалында Жуманазарова Велиеваны уткан. Таймаш 3:3 эсебинде аяктаган, бирок акыркы аракетти жасап, упай алганы үчүн кыргызстандык балбан кызга артыкчылык берилген.

Калыстар беттеш эсебин таблодо туура эмес көрсөткөндүгү үчүн кармаштын жыйынтыгына карата айрым түшүнбөстүктөр пайда болгон. Мындан улам Россиянын машыктыруучулар штабы кармашта реферилер ката кетирген деп эсептеп, калыстык кылган топтун үстүнөн даттанарын айтып чыккан болчу.

Ал эми 2019-жылы Финляндияда өткөн жаштар арасындагы дүйнөлүк чемпионатта беттешсе, экинчисинде Польшада былтыр өткөн Poland Open 2020 эл аралык турниринде кез келип, Мээрим 7:2 эсебинде уткан.

Ал эми үчүнчүсүндө быйыл Норвегиянын Осло шаарында өткөн дүйнө биринчилигинин жарым финалында кармашып, Мээрим жеңип алган.

33
Белгилер:
Мээрим Жуманазарова, Ханум Велиева, мелдеш
Тема боюнча
Жоламан күрөшкөндө титиреп турам... Легендарлуу Хаким агайдын видеосу
Мелис Турганбаев Күрөш федерациясынын президенти болуп тандалды