Бишкектеги Тарых музейи. Архив

Бишкектеги Тарых музейи эки күндөн кийин ачылат. Убакыт-сааты

230
(жаңыланган 15:27 18.11.2021)
Өлкөдөгү эпидемиологиялык кырдаалды эске алуу менен жарандарга бет кап кийүү жана санитардык нормаларды сактоо талап кылынат.

БИШКЕК, 18-ноя. — Sputnik. 20-ноябрда Улуттук тарых музейи расмий ачылат. Бул тууралуу маданият, маалымат, спорт жана жаштар саясаты министри Азамат Жаманкулов өзүнүн Facebook баракчасы аркылуу билдирди.

Анын айтымында, ачылгандан кийин 10 күн бою музейге кирүү акысыз болот.

"30-ноябрга дейре саат 10:00дөн 18:00гө чейин бардык жарандар музейге акысыз кире алышат", — деди министр.

Өлкөдөгү эпидемиологиялык кырдаалды эске алуу менен жарандарга бет кап кийүү жана санитардык нормаларды сактоо талап кылынат.

Эске салсак, Мамлекеттик тарых музейин оңдоо 2016-жылы 25-мартта башталган. Иштери аяктап калганда, 2018-жылдын май айында, музейди реконструкциялоодо сатып алынган эмеректердин кымбат экени ачыкталган. УКМК Тарых музейин реконструкциялоого кеткен бюджеттик каражат боюнча териштирүү баштап, Башкы прокуратура кылмыш ишин козгогон.

230
Белгилер:
Мамлекеттик тарых музейи, ачылыш, оңдоо, министр, Азамат Жаманкулов
Тема:
Тарых музейинин реконструкциясы боюнча чыккан чыр (13)
Тема боюнча
Тарых музейинин чет элдик компанияга канча карызы бар экени айтылды
Сот бүтүп, карыздар төлөндү. Министр Тарых музейи качан ачыларын айтты
Көйкашка коомдук бирикмесинин мүчөсү, манасчы Нурбек Талантбеков. Архивдик сүрөт

Талантбеков: жылкынын узун жал-куйругу "түпөк" деп айтылат

18
(жаңыланган 10:36 06.12.2021)
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздөрдүн бирин чечмелеп берди.

Жылкынын узун жал-куйругу "түпөк" делет. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: жылкынын узун жал-куйругу "түпөк" деп айтылат

Анын айтымында, бул сөз учурда эл арасында дээрлик колдонулбайт.

"Эпосто "түпөк" деген сөз кездешет. Аны эки мааниде колдонууга болот. Биринде жылкынын узун болуп өскөн жал-куйругун айтат. Дагы бир маанисинде найзанын учуна байланган топ кыл. Ал негизинен кооздук жана найзаны колдонууга ыңгайлуу болуш үчүн тагылат. "Манас" баянында Алмамбет тууралуу "түпөгү жок найза алып, кынсыз кылыч байланып" деп ашынган баатырлыкка ээ болгону сүрөттөлөт", — деди Талантбеков.

Манасчы көөнө сөздөрдү күнүмдүк турмушта колдонуу зарылдыгын кошумчалады.

18
Белгилер:
Нурбек Талантбеков, көөнө сөз, Манас, эне тил, Кыргызстан
Тема боюнча
Талантбеков: күйкөнүн алгырын же куштун балтыр жүнүн "таканак" десе болот
 Sputnik Кыргызстан агенттигинин редакциясы даярдаган калердарь

Улуттук кийимчен түшкөн сүрөтүңүз барбы? Sputnik Кыргызстан сынак жарыялады

107
(жаңыланган 11:05 06.12.2021)
Facebook, Instagram, Twitter, "Одноклассники" тармактарынын колдонуучулары өзүнүн баракчасына улуттук кийим (кайсы элдики экени маанилүү эмес) кийип түшкөн сүрөтүн жарыялашы керек.

БИШКЕК, 6-дек. — Sputnik маалымат кызматы. Sputnik Кыргызстан эл аралык маалымат агенттиги жана радиосу 10-декабрь күнү өзүнүн жети жылдыгын белгилейт. Редакция кыргыз элинин каада-салтын жана маданиятын колдоо максатында бул датаны утурлай флешмоб-сынак өткөрүүнү чечти. Ага социалдык тармактар аркылуу бардык каалоочулар катыша алат.

  • Календарь на 2022 год изготовленный редакцией информационного агентства и радио Sputnik Кыргызстан
    Sputnik Кыргызстан эл аралык маалымат агенттиги жана радиосу 10-декабрь күнү өзүнүн жети жылдыгын белгилейт
    © Sputnik / Табылды Кадырбеков
  • Календарь на 2022 год изготовленный редакцией информационного агентства и радио Sputnik Кыргызстан
    Редакция кыргыз элинин каада-салтын жана маданиятын колдоо максатында бул датаны утурлай флешмоб-сынак өткөрүүнү чечти. Ага социалдык тармактар аркылуу бардык каалоочулар катыша алат.
    © Sputnik / Табылды Кадырбеков
  • Календарь на 2022 год изготовленный редакцией информационного агентства и радио Sputnik Кыргызстан
    Шартка ылайык, Facebook, Instagram, Twitter, "Одноклассники" тармактарынын колдонуучулары өзүнүн баракчасына улуттук кийим (кайсы элдики экени маанилүү эмес) кийип түшкөн сүрөтүн жарыялап, #Sputnik7лет жана #Sputnik7жаш хештэктерин коюшу керек. Профиль ачык болушу зарыл.
    © Sputnik / Табылды Кадырбеков
  • Календарь на 2022 год изготовленный редакцией информационного агентства и радио Sputnik Кыргызстан
    Эң көп лайк, комментарийлерге ээ болуп, көп колдонуучулар бөлүшкөн сүрөттөрдүн автору 2022-жылдын эң кооз календарына ээ болот.
    © Sputnik / Табылды Кадырбеков
1 / 4
© Sputnik / Табылды Кадырбеков
Sputnik Кыргызстан эл аралык маалымат агенттиги жана радиосу 10-декабрь күнү өзүнүн жети жылдыгын белгилейт

Шартка ылайык, Facebook, Instagram, Twitter, "Одноклассники" тармактарынын колдонуучулары өзүнүн баракчасына улуттук кийим (кайсы элдики экени маанилүү эмес) кийип түшкөн сүрөтүн жарыялап, #Sputnik7лет жана #Sputnik7жаш хештегдерин коюшу керек. Профиль ачык болушу зарыл.

Эң көп лайк, комментарийлерге ээ болуп, көп колдонуучулар бөлүшкөн сүрөттөрдүн автору 2022-жылдын эң кооз календарына ээ болот. Андан тышкары, мыкты образдар www.sputnik.kg сайтына жарыяланат. Сынак 5-10-декабрь күндөрү өткөрүлөт.

Sputnik Кыргызстан — ондогон мамлекетке жайылган эл аралык маалымат агенттиги жана радиосунун бир бөлүгү. Sputnik дүйнө жүзү боюнча 30дан ашык тилде маалыматтарды жеткирет. Өзүнө аналогдук жана санариптик радиоберүүлөрдү, мобилдик тиркемелерди, социалдык тармактардагы баракчаларды камтыйт. Колдонуучулар үчүн Sputnik күнү-түнү англис, араб, испан жана кытай тилдеринде маалымат берет.

107
Белгилер:
Sputnik Кыргызстан, сынак, флешмоб, улуттук кийимдер, календарь
Тема боюнча
Эгемендүүлүктүн 30 жылдыгына карата Sputnik өзгөчө белектерди даярдады
Кыргызстандын экс-президенти Сооронбай Жээнбеков. Архив

Жер тилкеси 20дан ашып... Жээнбеков президент болгондон кийин канчалык байыган

0
(жаңыланган 17:08 06.12.2021)
Жээнбеков жана анын жакын туугандары 30дан ашуун жер тилкесине ээлик кылат. Ал президент болгондон кийин жерлери беш эсе кеңейген.

БИШКЕК, 6-дек. — Sputnik. Мамлекеттик салык кызматы экс-президент Сооронбай Жээнбековдун киреше-чыгашасы тууралуу 2020-жылга карата тапшырган декларациясын чыгарды.

Белгилей кетсек, Жээнбеков былтыр октябрь окуяларынан кийин президенттик кызматтан кеткен.

Декларацияга ылайык, өткөн жылы Жээнбеков 944 138 сом киреше тапкан. Бирок "чыгашасы" деген графа толтурулган эмес. Мындан сырткары, ага 160 чарчы метрлик турак жай жана МТЗ-80 үлгүсүндөгү трактор таандык.

Экс-президент 23 жер тилкесине ээлик кылат:

  • айыл чарба багытында — 0,45 гектар;
  • айыл чарба багытында — 15,05 га;
  • айыл чарба багытында — 5,55 га;
  • айыл чарба багытында — 0,96 га;
  • айыл чарба багытында — 1,08 га;
  • айыл чарба багытында — 0,67 га;
  • айыл чарба багытында — 7,43 га;
  • айыл чарба багытында — 1,06 га;
  • айыл чарба багытында — 4,25 га;
  • айыл чарба багытында — 4,24 га;
  • айыл чарба багытында — 1,12 га;
  • айыл чарба багытында — 0,70 га;
  • айыл чарба багытында — 0,64 га;
  • айыл чарба багытында — 0,64 га;
  • айыл чарба багытында — 0,64 га;
  • айыл чарба багытында — 0,16 га;
  • айыл чарба багытында — 0,64 га;
  • айыл чарба багытында — 0,32 га;
  • айыл чарба багытында — 0,32 га;
  • айыл чарба багытында — 0,64 га;
  • айыл чарба багытында — 0,64 га.
  • Үй алдындагы бакча — 0,04 га;
  • Үй алдындагы бакча — 0,06 га.

Документте Жээнбековдун жакын туугандары былтыр 6,5 миллион сом киреше тапканы көрсөтүлгөн. Алар 64 чарчы метрлик батирге, Lexus-470 үлгүсүндөгү автоунаага, 12 миллион сомдук бодо малга, 850 миң сомдук жылкыга ээлик кылат. Мындан сырткары, эки өндүрүштүк имараты жана 11 жер тилкеси бир.

Алар төмөнкүлөр:

  • Аянты 1 гектарды түзгөн өндүрүштүк имарат;
  • Аянты 1 гектарды түзгөн өндүрүштүк имарат.

Жер тилкелери:

  • айыл чарба багытында — 3 га;
  • айыл чарба багытында — 5 га;
  • айыл чарба багытында — 2 га;
  • айыл чарба багытында — 2 га;
  • айыл чарба багытында — 1 га;
  • айыл чарба багытында — 1 га;
  • айыл чарба багытында — 4 га;
  • айыл чарба багытында — 4 га;
  • айыл чарба багытында — 0,6 га;
  • айыл чарба багытында — 2 га;
  • айыл чарба багытында — 0,6 га.

Эске салсак, Жээнбеков 2017-жылга карата тапшырган декларациясында эки үйдүн (бирөө дача) жана айыл чарбага ылайыкталган төрт жер тилкенин, ошондой эле МТЗ-80 үлгүсүндөгү трактордун ээси экени жазылган.

Ал эми жакын туугандарынын бир батири, айыл чарбасына ылайыкташкан эки жер тилкеси жана Lexus үлгүсүндөгү автоунаасы болгон.

Сооронбай Жээнбеков 2016-жылдын апрель айында премьер-министр кызматына дайындалып, 2017-жылдын октябрь айында президент болуп шайланган. Былтыр октябрь айында элдик толкундоодон кийин тактыны бошотуп кеткен.

0
Белгилер:
Сооронбай Жээнбеков, байлык, президент, жер тилкеси, декларация
Тема боюнча
Сооронбай Жээнбеков менен анын туугандарынын байлыгы жарыяланды
Садыр Жапаров жана анын үй-бүлөсү кандай мал-мүлккө ээлик кылары жарыяланды