Самолет компании Air Asia

Куткаруучулар Air Asiaнын лайнеринин деңизге кулаганын божомолдошууда

26
(жаңыланган 11:07 29.12.2014)
Издек салган атайын операциянын жетекчиси Бамбанг Соелистьйонун айтымында, лайнер суугап чөктү деген так кесе пикир эмес, бул маалыматтар өзгөрүшү да мүмкүн.

БИШКЕК, 29-дек — Sputnik. Малайзиянын Air Asia авиакомпаниясынын учагы, кыязы, деңизге чөгүп кеткен деп билдирет РИА Новости лайнерди издөө боюнча операциянын жетекчисине таянуу менен.

"Маалыматтарга караганда, учак деңизде кулаган. Ушуга жана бизде бар маалыматтарга таянып учак азыр суунун түбүндө деп болжоп жатабыз", — деген издөө салган операциянын жетекчиси Бамбанг Соелистьйонун сөзүн келтирет "Франс Пресс" агенттиги.

Куткаруучу мындай божомол алдын ала жасалгандыгын жана маалыматтар издөөлөрдүн жүрүшүнө жараша өзгөрүшү мүмкүндүгүн айтты. 

Малайзиянын Air Asia компаниясына тийиштүү Airbus A320-200 авиалайнери жекшемби түнү Индонезиянын Сурабая шаарынын Сингапурга учуп бара жатып радардан көрүнбөй калган. Компаниянын маалыматы боюнча, учак акыркы жолу байланышка жергиликтүү убакты боюнча саат 07.24тө (Бишкек убактысы боюнча 06.24тө) чыккан. Аба кемесинде 155 жүргүнчү жана экипаждын жети мүчөсү учуп бара жаткан. Бул кыйроо 2002-жылдан бери иштеп келе жаткан компаниянын тарыхында биринчи жолу болду.

Жоголгон учакты издөө Индонезаяда таңдын атышы менен кайра башталды. Ага 12 кеме, беш учак, үч тик учак, ошондой эле бир нече аскер кемеси катышууда. Сингапур менен Малайзиянын бир нече кемелери жана учактары да издөө салып жатат.

Индонезиянын издөө-куткаруу кызматынын өкүлү учак турбуленттүүлүккө туш келип, багытын өзгөртүүгө атакет кылып жатып деңизге кулап түшкөн. Транспорт министрлиги бул маалыматты ырастай элек. 

26
Белгилер:
Авиалайнер Airbus A320-200, Air Asia, Бамбанг Соелистьйо, Индонезия, Малайзия, Сингапур, Сурабая
Тема боюнча
РФтин ТИМ: Ливия кармалган учактын экипажынын айрым мүчөлөрүн коё берди
Лаврова учак менен жүрүүгө 630 миң сом короткон
Ымыркайдын бутун кармаган киши. Архивдик сүрөт

10дон ашык ымыркайды өлтүрдү делген медайым кармалды. Британиядагы окуя

240
(жаңыланган 10:31 12.11.2020)
Люси Летби иштеген бөлүмдө наристелер көп чарчап, буга полициянын көңүлү бурулган. Ал тургай медайымды бир ирет кармап, кайра бошотуп ийишкен.

БИШКЕК, 12-ноя. — Sputnik. Улуу Британиянын Честер шаарындагы оорукананын неонатология бөлүмүндө иштеген 30 жаштагы медайым сегиз ымыркайды өлтүрдү жана он бөбөктүн өмүрүнө кол салды деп шектелип кармалды. Бул тууралуу жергиликтүү полицияга таянып РИА Новости жазды.

Люси Летби аттуу медайым Countess of Chester ооруканасынын жаңы туулган ымыркайларга жардам көрсөткөн бөлүмүндө иштейт. Ага аталган бөлүмдө 2015-2016-жылдары 10дон ашык ымыркайдын кулап (же колдон түшүп) кетип чарчап калышы боюнча айып коюлууда.

"Эки жыл ичинде бир бөлүмдө 17 ымыркайдын чарчап калышы полицияны кызыктырып, ага күнөөлүү катары Люси Летби 2018-жылы кармалган. Бирок ал тергөө менен кызматташып, күрөө дагы төлөп бергендиги үчүн эркиндикке чыгарылган", — деп айтылат билдирүүдө.

Кийин полиция ошол эле жылдары айтылгандардан башка дагы алты ымыркайдын өлүмү боюнча иликтөө жүргүзүп, жыйынтыгында медайым кайрадан кармалды.

240
Белгилер:
полиция, өлүм, ымыркай, медайым, Улуу Британия
Тема боюнча
Дарыгерлер "өлдү" деген ымыркай көмөрдө ыйлап жиберди. Индиядагы окуя
Түгөйлөр. Архивдик сүрөт

Бет кабын чечип өбүшө кеткен түгөйлөр жазаланды. Италиядагы окуя

213
40 жаштагы италиялык киши польшалык түгөйү менен ресторанга бара жаткан жолдо бет кабын чечип өбүшкөнүндө полиция кармап алган.

БИШКЕК, 19-окт. — Sputnik. Милан шаарында көчөдө өбүшүү үчүн бет кабын чечкен түгөйлөр Италия өкмөтүнүн коронавируска каршы чектөөлөрүн бузду деп 400 евро айып салынды. Бул тууралуу "Известия" жазды.

40 жаштагы италиялык киши польшалык түгөйү менен ресторанга бара жаткан жолдо бет кабын чечип өбүшкөнүн полиция кармап алган.

Америка футболунун бет капсыз насаатчысы 100 миң доллар айыпка жыгылды

Жергиликтүү бийликтин чечимине ылайык, адамдар бири-бирине бир метрдей аралыкка жакын болгон учурда бет кап тагынуусу зарыл. Бул эреже чогуу жашагандарга тиешеси жок. Бирок полиция бул түгөйлөрдүн эки башка даректе жашаганын аныктагандан кийин айып салган.

Worldometer уюмунун маалыматына ылайык, 18-октябрга карата Италияда COVID-19 илдетине кабылгандардын саны 402 536га жеткен. Анын ичинен 36 474 бейтап каза болгон. 249 127 адам сакайып кеткен.

213
Белгилер:
Италия, бет кап, коронавирус, чектөө, түгөй
Тема:
Дүйнөгө жайылган коронавирус
Тема боюнча
Адис коронавирус менен күрөшкөн иммунитетти дагы эмне начарлата турганын айтты
Индонезияда бет кап режимин бузгандарды табыттарга салып жазалашты
Адис көп жолу колдончу бет кап тандоодо этият болуу керек экенин эскертти
Көчөдө бараткан адамдар. Архив

COVID-19га кабылган эркекте кийин төшөк маселесинде көйгөй жаралышы мүмкүн

0
Адистин айтымында, коронавирус аялдарга караганда эркектерге көбүрөөк кыйынчылыктарды жаратат.

БИШКЕК, 27-ноя. — Sputnik. Эркектин тукум улоо органдарындагы ACE2 деп аталган рецепторлор организмге коронавирустун кирип кетишине көбүрөөк себепкер болот. Мындан улам COVID-19дан сакайгандан кийин эркектердин жыныстык жашоосунда көйгөйлөр жаралышы мүмкүн экенин Sputnik радиосунун эфиринде эндокринолог Зухра Павлова билдирди.

"Коронавирус аялдарга караганда эркектерге көбүрөөк кыйынчылыктарды жаратары байкалууда. Бир нече иликтөөлөрдүн жыйынтыгын карап көрсөк, коронавирустан айыккан соң эркектерде тестостерон гормонунун бөлүнүшүндө көйгөйлөр жаралат экен. Мындан улам алардын тукум улоо функцияларында түйшүк жаралышы ыктымал", — деди дарыгер.

Тестостерон гормонунун эркектин жашоосунда мааниси чоң. Бул гормон жетиштүү кезде эркектин энергиясы ашып-ташып, кандай иш баштабасын майын чыгара жасайт. Тестостерондун жардамы менен эркекке сакал-мурут өсөт, булчуң эт толот, кандын курамы жакшырат. Эң негизгиси — эркектин бел суусунун иштелип чыгышына, тагыраагы, тукум улоосуна шарт түзүлөт.

Ошондой эле тестостерон акыркы изилдөөлөр боюнча вирустук инфекцияларга туруштук берүүдө маанилүү роль ойнойт. Анын деңгээлинин төмөн болушу респиратордук инфекция, сасык тумоо, сезгенүү, жүрөк-кан тамыр ооруларынан жана кан басымдын көтөрүлүшүнөн улам өлүм коркунучу жогорулашы мүмкүн экени айтылып келет.

0
Белгилер:
кесепет, коронавирус, эркек, тестостерон
Тема:
Дүйнөгө жайылган коронавирус
Тема боюнча
Коронавирус эркектин сексуалдык каалоосун жок кылат. Жаңы изилдөө
Адис: коронавирус сасык тумоо менен грипптин катарына кошулуп келе жатат