Самолет компании Air Asia

РФ дайынсыз жоголгон Aэробусту издөөдө Индонезияга жардамын сунуштады

33
(жаңыланган 14:43 29.12.2014)
Лайнерди издөөгө Россиянын Өзгөчө кырдаалдар министрлиги заманбап авиациялык-куткаруу технологияларын, анын ичинде Бе-200 амфибия учагын берүүгө даяр деп билдирди ӨКМдин расмий өкүлү Александр Дробышевский.

БИШКЕК, 29-дек — Sputnik. Россия Индонезияга Air Asia компаниясына тийиштүү Airbus A320-200 авиалайнерин издөөгө жардам берүүнү сунуштады деп билдирет РИА Новости РФтин Өзгөчө кырдаалдар боюнча министрлигинин расмий өкүлү Александр Дробышевскийге таянуу менен.

"Россиянын ӨКМи Индонезияга жоголгон учакты издөөгө токтоосуз колдоо жана жардам көрсөтүп, издөө-куткаруу иштерин жүргүзүүгө адистерди жөнөтүүгө даяр", — деген РФтин ӨКМ башчысы Владимир Пучковдун сөзүн билдирди Дробышевский Индонезиянын издөө-куткаруу агенттигинин жетекчисине.

Россиянын Өзгөчө кырдаалдар боюнча министрлиги жоголгон лайнерди издөөгө заманбап каражаттар менен, жылуулукту көрүүчү жана локациялык жабдуулар менен камтылган Бе-200 амфибия учагын берүүгө даяр.

Малайзиянын Air Asia компаниясына тийиштүү Airbus A320-200 авиалайнери жекшемби түнү Индонезиянын Сурабая шаарынан Сингапурга учуп бара жатып радардан көрүнбөй калган.

33
Белгилер:
Авиалайнер Airbus A320-200, Air Asia, Владимир Пучков, Александр Дробышевский, Индонезия
Тема боюнча
Куткаруучулар Air Asiaнын лайнеринин деңизге кулаганын божомолдошууда
Мээ. Архивдик сүрөт

Кайсы тамак-аш мээ клеткаларынын иштөөсүн бузат. Адистин пикири

331
(жаңыланган 09:39 13.07.2020)
Врач-диетолог курамында трансмайлар бар азык-түлүктөрдөн, туздалган тамак-аштан, консервант, ароматизатор, боектордон да баш тартыш керектигин айтат.

БИШКЕК, 13-июл. — Sputnik. Дайыма маргарин, майонез жана арзан кондитердик азыктарды пайдалануу адамдын мээсин бузат. Бул тууралуу РИА Новости агенттиги жазып чыкты.

Врач-диетолог Елена Соломатинанын айтымында, курамында трансмайлар бар азык-түлүктөр мээнин клеткаларына терс таасир берет.

"Маргарин, майонез жана арзан кондитердик азыктардан баш тартууну сунуштайм. Себеби алардын курамында трансмайлар бар. Ал зат клетканын мембранасын катуу кылып салат. Ошонун кесепетинен клеткалар толук кандуу иштей албай, бул процесстер өзгөчө мээнин клеткаларында болгондо өтө кооптуу", — деди ал.

Уйкусу канбаган адамдар кандай дартка чалдыгары айтылды

Соломатина ошондой эле туздалган тамак-ашты аз колдонуу керек экендигин айтат. Анткени ал организмдеги кан жүгүрүүнү кыйындатып, шишиктерди пайда кылат.

Дарыгер консерванттар, ароматизатор, боектордон да баш тартуу керектигин эскертет. Токсиндери арбын болгон ал азык-түлүктөр баш мээнин клеткаларына зыян экендигин кошумчалады.

331
Белгилер:
Россия, мээ, илим, ден соолук
Тема боюнча
Төшөк мамилесинен алыстап кеткен жубайлар кандай зыян тартат? Адистин кеңеши
Төшөккө жатканда тиктебе. Адис түндө телефон кароонун зыянын түшүндүрдү
Уйкусу канбаган адамдар кандай дартка чалдыгары айтылды
Вакцина деп жазылган дары. Архивдик сүрөт

Казакстан коронавируска каршы вакцина чыгарууга ниеттенип жатат

179
(жаңыланган 00:36 13.06.2020)
Заводдун курулушун 2020-жылдын декабрь айында соңуна чыгаруу пландалууда. Ишкана жыл сайын 60 миллионго жакын биофармацевтикалык дары-дармек өндүрөт.

БИШКЕК, 12-июн. — Sputnik. Коңшу Казакстанда коронавируска каршы вакцина Жамбыл облусунда чыгарыла баштайт деп жазды Sputnik Казакстан агенттиги өкмөт башчынын сайтына шилтеме кылып.

Дары чыгарыла турган заводдун курулушу Кордай районундагы Гвардейский шаар тибиндеги поселекто башталды.

"Казакстан премьер-министри Аскар Мамин Билим берүү министрлигинин Биологиялык коопсуздук көйгөйлөрү комитетинин илим-изилдөө институтунун алдындагы биофармацевтикалык заводдун курулушун баштоого уруксат берди",— деп жазылат маалыматта.

Ишкана эл аралык стандартка шайкеш келген иммундук-биологиялык дарыларды чыгарат. Анын ичинде коронавируска каршы вакцина дагы бар.

"Казакстандын илим-изилдөө институтунун COVID-19 вирусуна каршы сунуштаган вакцинасы Бүткүл дүйнөлүк саламаттык сактоо уюмунун тизмесине кирген жана клиникага чейинки текшерүүлөрдөн өтүүдө ", — деп өкмөттүн расмий сайтында жазылган.

Андан сырткары, заводдо пандемиялык тумоо, кургак учук өңдүү бир катар жугуштуу илдеттерге каршы вакциналарды да өндүрөт.

179
Белгилер:
Казакстан, вакцина, коронавирус, завод
Тема:
Дүйнөгө жайылган коронавирус
Тема боюнча
Кытай коронавируска каршы вакцинаны жалпыга жеткиликтүү болгудай кылып жасап жатат
Россияда коронавируска каршы вакцина кийинки жумада чыгып, акысыз берилет
Россиянын коронавируска каршы вакцинасы

Коронавируска каршы вакцина: гениалдуу нерсенин баары жөнөкөй

0
(жаңыланган 22:59 12.08.2020)
Россия дүйнөдө биринчилерден болуп коронавируска каршы вакцинаны каттоодон өткөргөнүн жар салды. Колдоп ыраазычылык айткандар, сындап нааразы болгондор да кездешти дейт дарыгер Сергей Царенко.

Биз, дарыгерлер, коронавирус жуккан бейтаптарды дарылап айыктырууда моноклоналдык антителону, стероиддерди, вируска каршы дарыларды колдонуп, ийгиликке жеттик. Ооругандар азыраак көз жума баштады, ал эми оор абалда жаткандарды баары бир өпкөнү жасалма дем алдыруучу аппаратка туташтырууга аргасыз болдук.

Ар бир он кишинин алты-сегизи оорукана ичиндеги инфекциядан каза тапты. Андай ноокастарды жаңы антибиотиктер сактап калмак эле. Бирок аларды иштеп чыгуу үчүн көп жылдар керек. Дагы башка жолу бар. Ал – адамдарды оору жуктурбай аман алып калуу. Бардык жагынан алганда бул жакшы. Адам оорубайт, айланадагыларына илдетти жуктурбайт. Негизи адам кеселге канчалык туруштук берсе, коомчулуктун иммундук катмары калың болуп, эпидемия эртерээк кайтат.

Путин COVID-19га каршы россиялык алгачкы вакцина каттоодон өткөнүн кабарлады

Азырынча ооруга болгон туруктуулук эгерде ал ооруп айыкса гана калыптанат. Дагы бир коопсуз жолу бар, ал — иммунизация. Анан калса Гамалея институтунун адистери иштеп чыккан майнаптуу жана коопсуз вакцина бар. Бул институт автомобиль курууда "Мерседес" кандай кадыр-барктуу бренд болсо, микробиологияда дал ошондой дөө-шаа.

Мен академиктер Гинцбург менен Логуновду көп жылдан бери жакшы билем. Алардын кызматкерлери менен туруктуу бактерияларга каршы күрөшүү боюнча жаңы ыкмаларды иштеп чыгып келе жатабыз. Мындан сырткары, Эбола жана MERS вирусуна каршы вакцина чыгарышты. Жөн гана ойлоп чыгарып коюшпай, аны майнаптуу жана коопсуз кылышты.

Адам үчүн коопсуз болгон аденовирус ташып жүрүүчү ракета сымал орбиталдык станцияга коронавирустун кичинекей бөлүгүн жармаштырып койду. Аны адамдын ичине, организмине кое берди. Мындан улам экөөндө тең иммунитет пайда болду. Ийгиликти бекемдеш үчүн ошондой эле "орбиталдык станцияны" башка аденовируска "ташып жүрүүчү ракетага" кое беришти. Кайрадан иммунитет пайда болду. Жыйынтыгында эки аденовируста алсызыраак (себеби ал организмге кереги жок да), ал эми коронавирустан — туруктуу жана ишенимдүү иммундук коргоо жаралды. Сонун, гениалдуу.

Каттоодон өткөн россиялык вакцина жапырт колдонууга качан чыгары айтылды

Вакцинаны ыктыярчы адамдарга сынап көрүштү. Алардын бардыгы Гамалея институтунун кызматкерлери эле. Алар аркылуу биринчи поезд өттү! Мындан кийин вакцинаны аскер кызматкерлерине сынашты. Биринин да ден соолугунда көйгөй жаралган жок, бардыгында кубаттуу бир иммунитет пайда болду.

Албетте, бүткөн ишке сынчы көп. Басылмаларда сындар жаады. Көп сөздөр айтылды. Акыркысына эле токтолсок, чочуй тургандай нерсе. Инфекцияны толук жок кылбайт же антитело вирустун клеткага киришинин натыйжалуулугун күчтөндүрөт (ADE) дешти. Бул адис эместер үчүн коркунучтуу. Ал эми вирусологдор ADE натыйжасы Денге лихорадкасы үчүн эле эмес, вакцинация менен да байланышпагандыгын билишет. Калган учурларды майнапты пробиркадан гана көрүшөт.

Ушул жерден суроо жаралат. Басылмалардагы бул кампанияны ким каржылап жатат? "Көз карандысыз" эксперттер кимден көз каранды? Полишинель сыры: россиялык окумуштуулардан артта калып калган башка вакциналардын өндүрүүчүлөрүнөн көз каранды. Дагы вируска каршы дарыларды чыгаргандар бар. Кээде ал препараттар оору менен күрөшүүдө майнабын берет. Бирок ал оорунун жеңил түрүнө кабылганда жардамчы, бирок башка кыйыр таасирлери толтура.

Россияда COVID-19га каршы вакцина алгандар ооруканадан чыкты. Видео

Иштеп жүргөн бизге окшогон дарыгерлер, мисалы, ушундай майда нерселерди көргөндө уяласың. Бизге качан коронавирус жуктурган бейтаптар келбей калат, эпидемиядан улам кол жетпей жаткан башка ооруларды качан дарылайбыз деп күтөбүз.

0
Тема:
Дүйнөгө жайылган коронавирус
Тема боюнча
Россия: коронавируска каршы чыгарылган бир вакцина баарына жарай бербейт