Крыло самолета

ЖМК: Моряктар Airbus кыйраган жерде курман болгон 40 адамдын сөөгүн алып чыгышты

11
(жаңыланган 09:08 31.12.2014)
Air Asia компаниясынын учагынын сыныктары табылган жерден индонезиялык моряктар аба кырсыгынан каза тапкандардын 40тан ашык денесин алып чыгышты, иш дагы улантылууда.

БИШКЕК, 30-дек — Sputnik. Индонезиянын провинциясында аба кырсыгынан каза болгондордун 40тан ашык денесин моряктар суудан алып чыгышты деп билдирет РИА Новости "Франс Пресс" агенттигине таянуу менен.

Индонезиянын Аскер-деңиз күчтөрүнүн маалымат кызматкери Манахан Симорангкирдин айтымында, "Бунг Томо" кемесинин моряктары 40 адамдын сөөгүн алып чыгышты жана алардын саны улам өсүүдө. 

Airbus Индонезиянын Сурабая шаарынан Сингапурга 28-декабрда учуп чыккан. Бир саатка жетпеген убакыттан кийин учкуч аба ырайынын өзгөрүүсүнө байланыштуу учуу багытын өзгөртүүгө уруксат сураган. Ага өйдө карай учпай, булуттуу аймакты айланып өтүүгө уруксат берилген. Себеби ал аймакта башка учактар да бар болчу. Андан соң авиалайнер кырсык болгондугу тууралуу эч белги бербестен эле радарлардын экранынан жок болуп кеткен. Ошондо ал Индонезиянын Банка-Белитунг провинциясынын Танджунгпандана шаарынан түштүк-чыгышты карай болжол менен жүз деңиз мили аралыгында учуп бара жаткан. Учактын бортунда 162 адам бар болчу. 

11
Белгилер:
Air Asia, Манахан Симорангкир, Танджунгпандан, Банка-Белитунг, Cурабая, Индонезия, Сингапур
Тема боюнча
Куткаруучулар Air Asiaнын лайнеринин деңизге кулаганын божомолдошууда
РФ дайынсыз жоголгон Aэробусту издөөдө Индонезияга жардамын сунуштады
Түгөйлөр. Архивдик сүрөт

Бет кабын чечип өбүшө кеткен түгөйлөр жазаланды. Италиядагы окуя

207
40 жаштагы италиялык киши польшалык түгөйү менен ресторанга бара жаткан жолдо бет кабын чечип өбүшкөнүндө полиция кармап алган.

БИШКЕК, 19-окт. — Sputnik. Милан шаарында көчөдө өбүшүү үчүн бет кабын чечкен түгөйлөр Италия өкмөтүнүн коронавируска каршы чектөөлөрүн бузду деп 400 евро айып салынды. Бул тууралуу "Известия" жазды.

40 жаштагы италиялык киши польшалык түгөйү менен ресторанга бара жаткан жолдо бет кабын чечип өбүшкөнүн полиция кармап алган.

Америка футболунун бет капсыз насаатчысы 100 миң доллар айыпка жыгылды

Жергиликтүү бийликтин чечимине ылайык, адамдар бири-бирине бир метрдей аралыкка жакын болгон учурда бет кап тагынуусу зарыл. Бул эреже чогуу жашагандарга тиешеси жок. Бирок полиция бул түгөйлөрдүн эки башка даректе жашаганын аныктагандан кийин айып салган.

Worldometer уюмунун маалыматына ылайык, 18-октябрга карата Италияда COVID-19 илдетине кабылгандардын саны 402 536га жеткен. Анын ичинен 36 474 бейтап каза болгон. 249 127 адам сакайып кеткен.

207
Белгилер:
Италия, бет кап, коронавирус, чектөө, түгөй
Тема:
Дүйнөгө жайылган коронавирус
Тема боюнча
Адис коронавирус менен күрөшкөн иммунитетти дагы эмне начарлата турганын айтты
Индонезияда бет кап режимин бузгандарды табыттарга салып жазалашты
Адис көп жолу колдончу бет кап тандоодо этият болуу керек экенин эскертти
Коронавируска чалдыккан бала менен медик. Архивдик сүрөт

Кавасаки синдромун кошуп. Казакстан COVID жуктурган балдарга өзүнчө протокол даярдады

378
(жаңыланган 10:29 25.08.2020)
Үч протоколдун биринчиси чоңдор үчүн болсо, экинчиси кош бойлуу аялдар үчүн, үчүнчүсү балдарды дарылоодо колдонулат.

БИШКЕК, 25-авг. — Sputnik. Казакстанда балдардын коронавирус инфекциясын дарылоо үчүн атайын клиникалык протокол иштелип чыкты. Бул тууралуу Педиатрия жана балдар хирургиясы илимий борборунун башчысы Риза Боранбаева билдиргенин Sputnik Казакстан маалымдады.

"Балдардагы коронавирусту дарылоо үчүн клиникалык протокол акыркы эки жумада эле иштелип чыкты. Буга чейин Казакстанда чоңдорду, кош бойлууларды жана балдарды дарылоо жана диагностика кылуу үчүн бир эле алгоритм пайдаланылчу", — деди ал.

Боранбаева эми Казакстанда үч протокол боло турганын кошумчалады. Биринчиси чоңдор үчүн болсо, экинчиси кош бойлуу аялдар үчүн, үчүнчүсү балдарды дарылоодо колдонулат.

Узакбаев: балдар арасында Кавасаки синдрому катталган жок. Дарттын чоо-жайы

"Протокол даяр. Ал ушул жумада бекитилиши ыктымал. Азыр коронавирус жуктурган балдарды жалпы протоколдо жазылган ыкма боюнча дарылап жатабыз. Болгону азыр аны кеңейтип, системага салып, Кавасаки синдромун коштук", — деди Боранбаева.

Буга чейин Боранбаева балдар чоңдорго караганда коронавирус менен азыраак ооруй турганын жана ооруканага жатпай эле дарыланарын айткан.

378
Белгилер:
бала, оору, протокол, дарылоо, коронавирус, Казакстан
Тема:
Дүйнөгө жайылган коронавирус
Тема боюнча
Узакбаев: балдар арасында Кавасаки синдрому катталган жок. Дарттын чоо-жайы
Нурматов: коронавирус пайда болгондон бери 146 жолу өзгөргөн
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

109
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

109
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы