CNN Россия Сирияда кургактагы операцияга даярданууда деп билдирди

© Sputnik / Дмитрий Виноградов / Медиабанкка өтүүРоссиянын авиациялык техникалык персоналы Сирияда. Архив
Россиянын авиациялык техникалык персоналы Сирияда. Архив - Sputnik Кыргызстан
Жазылуу
Пентагондун аты аталбаган эки кызматкери Россия Сирияга Асаддын аскерлерин колдоо үчүн пайдаланууга боло турган курал-жарак берди деп телеканалга билдирген.

БИШКЕК, 6-окт. — Sputnik. Россиянын Сириядагы куралдуу күчтөрүнүн тобу өлкөдө кургакта пайдаланууга боло турган курал-жарактарды алды деп билдирет Американын CNN телеканалы.

Сирия согушкерлерге аскердик аракеттер башталганга чейин багынууну сунуш кылат
CNN каналынын кабарчысы Барбара Старр Пентагондун аты аталбаган эки кызматкерине шилтеме жасайт. Алардын айтымында, россиялык аскерлер Башар Асаддын жердеги операцияларына колдоо көрсөтүү үчүн Сирияда курал-жарактарды жайгаштырып жатат. АКШнын аскер кызматкерлери жапырт ок атуучу төрт БМ-30 "Смерч" куралы, бир нече артиллериялык курал, ошондой эле радио тоскоолдуктарды жаратуучу атайын жабдыктарды орнотушканы жөнүндө айткан. Бирок куралдарды жайгаштыруу боюнча даярдык канчалык деңгээлге жетип калганын Пентагондун кызматкерлери айта алышкан эмес. 

Владимир Путиндин Россиянын аскердик аба күчтөрүн чет мамлекетте колдонууга уруксат берүү өтүнүчүн Федерациялык Кеңеш колдоп берген. Россиянын Коргоо министрлиги билдиргендей, өлкөнүн аскердик аба күчтөрү Сирияда "Ислам мамлекети" тобунун жайгашкан жерлерине абадан даректүү сокку уруу менен операцияларды баштаган. Россия Башара Асаддын жардам берүү өтүнүчүн аткаруу менен террористтерге каршы авиацияны гана колдоно турганын мурдараак Кремлдин администрация башчысы Сергей Иванов билдирген.

Жаңылыктар түрмөгү
0