Уса́ма бен Ла́ден. Архив

NYT: Бен Ладенди өлтүрүү үчүн негиздерди АКШ кантип даярдаган

121
(жаңыланган 16:58 30.10.2015)
Юристтер Американын атайын күчтөрү Пакистандын уруксаты жок эле анын аймагында операция жүргүзүп, "Аль-Каиданын" лидерин өлтүрүш үчүн негиздерди жашыруун табышы керек эле.

БИШКЕК, 30-окт. – Sputnik. The New York Times гезити Чарли Сэвиждин эмки жумада чыга турган "Бийликтин согуштары: 11-сентябрдан кийинки Обаманын президенттиги" деген китебинин материалдарына ээ болду. Китепте АКШнны юристтери 2011-жылы Пакистанга кол салып, "Аль-Каиданны" лидерин жок кылуу үчүн негиздерди кантип жашыруун тапканы жөнүндө айтылат. 

Төрт юрист мыйзамдарды эч кимге билгизбей талдап, өкмөткө аскер күчтөрүн Пакистанга экинчинин уруксатысыз жиберүү үчүн, ошондой эле террористтердин башчысын өлтүрүп, сөөгүн деңизге салып жиберүүгө жана операция бүткөнгө чейин ал жөнүндө Конгресске кабарлабай турууга негиз табышы керек болчу. Операцияга чейин бир нече күн ичинде юристтер беш жашыруун кат даярдашкан. Алар, эгер кабыл алынган чечимди түшүндүрүп берүү талабы пайда болсо, айрыкча операция ишке ашпай калса, керек болмок. 

Гезиттин айтымында, юристтер америкалык жана эл аралык укуктар боюнча душманды жок кылууга толук негиз бар деген тыянакка келишкен. NYT кошумчалагандай, айрым адистердин кийинчерээк айтылган каршы пикирлери операция ийгиликтүү аяктагандыктан эске алынган эмес. 

АКШ президенти Барак Обама операциянын үч вариантын караган: Усама бен Ладендин жашырынган жерлерине снаряд таштоо, жерден башкарылуучу учактан тагыраак сокку уруу (ал тийбей да калышы мүмкүн болчу), ошондой эле америкалык атайын топтун рейди. Биринчисинде карапайым эл жабыр тартмак, бирок мындай жоготуулар кырдаалга байланыштуу мыйзамга каршы келбей турганын далилдөөгө юристтер даяр болчу. Ошентсе да, NYT жазгандай, мындай шартта бен Ладендин өлүмүн ырастоо кыйынга туруп, анан дагы, күнөөсүз адамдардын өлүмү үчүн өкмөткө коюлчу айып катуу болмок. 

Эл аралык укуктарга ылайык, Вашингтон бен Ладенди кармап же операцияга уруксат берүү өтүнүчү менен Пакистандын бийлигине кайрылышы керек эле деп белгилейт гезит. "Аль-Каиданын" лидери качып кетет деп коркуп, юристтер "Пакистан өз аймагында пайда болгон башка мамлекеттерге карата коркунучту жойгусу келбесе же жоё албаса", Американын атайын даярдыктагы аскер тобунун рейди мыйзамдуу болушуна негиз табышкан. 

Жалпы эрежеден мындай четтөөнү бардык эле мамлекеттер туура көрбөйт деп жазат NYT. Басылманын айтымында, мындай аракет мурда эч качан Пакистанга карата колдонулган эмес, себеби бул өлкө мындай учурларда дайыма кызматташууга даяр. Бирок юристтер Американын мыйзамдарын кынтыксыз аткарууга милдеттүү болгон Обама, эмнегедир эл аралык укуктары бузуп, жашыруун операцияга уруксат бере алат деп чечишкен. Анан калса, жөө аскерлер бен Ладенди таба албай калса, билмексенге салып, Пакистандан жөн гана чыгып кетишмек деп жазат гезит. 

Ал эми террорист жашынган жеринен табылып калса, ал кандай түрдө багынып бербесин, мыйзам аны тирүү кармоого милдеттендирет. Бирок юристтер бен Ладен багынган учурда да, аны кантип өлтүрсө мыйзамдуу боло турганын да иликтеп чыгышкан. Туткунга алуу варианты да, террорист аман калат деген вариант да дээрлик каралган эмес деп жазат басылма. Ошону менен катар NYT рейдге катышкандардын сөздөрүн мисал келтирет. Ага ылайык, бен Ладен акыркы мүнөттөрдө колго түшүп бергенге аракет кылбаса да, каршылык көрсөткөн эмес.

121
Белгилер:
туткун, уруксат, юрист, "Аль-Каида", Усама Бен Ладен
Тема боюнча
ЖМК: Меккеде кулаган кран Усама бен Ладендин үй-бүлөсүнө таандык
Бен Ладендин баласы Вашингтон, Париж, Лондон жана Тель-Авивге чабуул жасоого чакырууда
Ымыркайдын бутун кармаган киши. Архивдик сүрөт

10дон ашык ымыркайды өлтүрдү делген медайым кармалды. Британиядагы окуя

240
(жаңыланган 10:31 12.11.2020)
Люси Летби иштеген бөлүмдө наристелер көп чарчап, буга полициянын көңүлү бурулган. Ал тургай медайымды бир ирет кармап, кайра бошотуп ийишкен.

БИШКЕК, 12-ноя. — Sputnik. Улуу Британиянын Честер шаарындагы оорукананын неонатология бөлүмүндө иштеген 30 жаштагы медайым сегиз ымыркайды өлтүрдү жана он бөбөктүн өмүрүнө кол салды деп шектелип кармалды. Бул тууралуу жергиликтүү полицияга таянып РИА Новости жазды.

Люси Летби аттуу медайым Countess of Chester ооруканасынын жаңы туулган ымыркайларга жардам көрсөткөн бөлүмүндө иштейт. Ага аталган бөлүмдө 2015-2016-жылдары 10дон ашык ымыркайдын кулап (же колдон түшүп) кетип чарчап калышы боюнча айып коюлууда.

"Эки жыл ичинде бир бөлүмдө 17 ымыркайдын чарчап калышы полицияны кызыктырып, ага күнөөлүү катары Люси Летби 2018-жылы кармалган. Бирок ал тергөө менен кызматташып, күрөө дагы төлөп бергендиги үчүн эркиндикке чыгарылган", — деп айтылат билдирүүдө.

Кийин полиция ошол эле жылдары айтылгандардан башка дагы алты ымыркайдын өлүмү боюнча иликтөө жүргүзүп, жыйынтыгында медайым кайрадан кармалды.

240
Белгилер:
полиция, өлүм, ымыркай, медайым, Улуу Британия
Тема боюнча
Дарыгерлер "өлдү" деген ымыркай көмөрдө ыйлап жиберди. Индиядагы окуя
Түгөйлөр. Архивдик сүрөт

Бет кабын чечип өбүшө кеткен түгөйлөр жазаланды. Италиядагы окуя

219
40 жаштагы италиялык киши польшалык түгөйү менен ресторанга бара жаткан жолдо бет кабын чечип өбүшкөнүндө полиция кармап алган.

БИШКЕК, 19-окт. — Sputnik. Милан шаарында көчөдө өбүшүү үчүн бет кабын чечкен түгөйлөр Италия өкмөтүнүн коронавируска каршы чектөөлөрүн бузду деп 400 евро айып салынды. Бул тууралуу "Известия" жазды.

40 жаштагы италиялык киши польшалык түгөйү менен ресторанга бара жаткан жолдо бет кабын чечип өбүшкөнүн полиция кармап алган.

Америка футболунун бет капсыз насаатчысы 100 миң доллар айыпка жыгылды

Жергиликтүү бийликтин чечимине ылайык, адамдар бири-бирине бир метрдей аралыкка жакын болгон учурда бет кап тагынуусу зарыл. Бул эреже чогуу жашагандарга тиешеси жок. Бирок полиция бул түгөйлөрдүн эки башка даректе жашаганын аныктагандан кийин айып салган.

Worldometer уюмунун маалыматына ылайык, 18-октябрга карата Италияда COVID-19 илдетине кабылгандардын саны 402 536га жеткен. Анын ичинен 36 474 бейтап каза болгон. 249 127 адам сакайып кеткен.

219
Белгилер:
Италия, бет кап, коронавирус, чектөө, түгөй
Тема:
Дүйнөгө жайылган коронавирус
Тема боюнча
Адис коронавирус менен күрөшкөн иммунитетти дагы эмне начарлата турганын айтты
Индонезияда бет кап режимин бузгандарды табыттарга салып жазалашты
Адис көп жолу колдончу бет кап тандоодо этият болуу керек экенин эскертти
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен