Guardian Көчмөндөр оюну жөнүндө: Чыңгызхан тирүү болсо, бул жерге сөзсүз келмек

© Sputnik / Табылды КадырбековКырчындагы II Дүйнөлүк көчмөндөр оюндардагы театры. Архив
Кырчындагы II Дүйнөлүк көчмөндөр оюндардагы театры. Архив - Sputnik Кыргызстан
Жазылуу
Британиялык басылма Ысык-Көлдүн жээгинде өтүп жаткан II Дүйнөлүк көчмөндөр оюндарын жаңы эле аяктаган Рио шаарындагы XXXI Олимпиада оюндарына салыштырды.

БИШКЕК, 5-сен. — Sputnik. Дүйнөдөгү таасирдүү делген The Guardian басылмасы маданий окуя — Ысык-Көлдүн жээгинде башталган II Дүйнөлүк көчмөндөр оюндары жөнүндө жазды. 

Аталган макала "II Дүйнөлүк көчмөндөр оюндарына кош келиңиз, эгерде Чыңгызхан тирүү болгондо бул жерге сөзсүз келмек" деп башталган.

Басылма Ысык-Көл бул жумада баарын жыйыштырып туруп, жөнөп кетчү жер экендигин айткан. 

"Эгерде Риодогоу Олимпиада жөө күлүк Усейн Болт, рекордчу Майкл Фелпс, Копакабана пляждары менен менен кызык болсо, ал эми Ысык-Көлдөгү оюн күлүктөрдүн жарышы, элдик оюндар менен өзүнө тартып турат. Ысык-Көл — бул жумада көп иштерди жыйыштырып туруп кетип кала турган жер", — деп жазат басылма. 

Макалада бул ири иш-чара Борбор Азиядагы элдердин улуттук мурастарын кайра жандандыруу максатын көздөй тургандыгы айтылат.

Guardian өзгөчө басымды 10 миллион адамды сыйдыра алган ат майданга жана анда өтө турган көк бөрүгө жасаган. 

Кырчындагы кыз куумай, 300 боз үй жана салбурун - Sputnik Кыргызстан
Кырчындагы кыз куумай, 300 боз үй жана салбурун
Көңүл сыртында калбаган АКШдан келген көк бөрү командасы болгон. Басылма команданын капитаны атлет Грид Гарник буга чейин улак тартып көргөндүгүн жазган. Бул эрендердин эр оюнун спортчу Борбор Азияда эки жылдан ашуу убакыт жашаган учурда үйрөнгөн. 

Басылма өз макаласын Оюндарды өткөрүүдө оңбогондой каражат кетти деп өлкө жетекчилигине коюлган кинеге карабастан, Кыргызстан эли сыймыктанып жана толкунданып турган учуру, Кыргызстандыктарга мындай иш-чараны дүйнөлүк масштабда өткөрүү шыбагасы буйруптур деп жыйынтыктаган. 

Чолпон-Ата шаарында II Дүйнөлүк көчмөндөр оюндары 8-сентябрга чейин уланат. 

Көчмөндөр оюндарына спорттун 26 түрү боюнча оюндар киргизилген. Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү. 

Жаңылыктар түрмөгү
0