Кыргызстандын футбол боюнча курама командасы. Архивдик сүрөт

Көрбөгөн азабы калбады! Eurosport КР футбол командасы тууралуу жазды

(жаңыланган 20:03 05.02.2019)
Макалада Азия кубогуна чейин өлкөдө көк бөрү абдан популярдуу болуп келгени белгиленет.

БИШКЕК, 1-фев. — Sputnik. Европанын ири спорттук каналы Eurosport Кыргызстандын футбол боюнча курама командасы тууралуу материал даярдады.

Макала "Кыргызстан Азия кубогунда сенсация болуу үчүн тозоктон өттү" деген ат менен чыккан.

Анда өлкөгө 10 жыл мурун келген башкы машыктыруучунун эмгек жолу, курама командага чет элдик легионерлер кантип тартылганы жана футболдун улуттук оюн көк бөрүдөн популярдуу болуп кеткени тууралуу айтылат.

"2012-жылы Европа чемпионатынын тандоо туруна өтпөй калган швейцариялыктар былтыр 1/8 финалга жетишти. Кыргызстан да беш жыл мурун ФИФА рейтингиндеги 211 өлкөнүн тизмесинде 201-орунду ээлеп турса, быйыл плей-оффко чейин жетти", — деп жазылган макалада.

Кыргызстандын курама командасы тарыхта биринчи жолу Азия кубогунда ойноду. Тайпалык беттеште кытайлыктар менен түштүккореялыктарга жеңилип, филиппиндерди  3:1 эсебинде утуп алган. Үчүнчү орундан 1/8 финалга чыккан улуттук команда БАЭ командасы менен беттешип, 2:3 эсебинде утулуп калса да мыкты оюн көрсөткөн. Кыргызстанга кайткан футболчуларды эл зор салтанат менен тосуп алып, президент мамлекеттик сыйлыктарды ыйгарган.

Eurosport басылмасынын макаласы менен толук таанышууга болот.

Белгилер:
команда, футбол, Азия кубогу
Тема:
Кыргызстандын Азия кубогуна катышуусу (80)
Тема боюнча
Мурзаев: Ахлетдин пас бергенде топту басып аламбы деп корктум
Президенттин сөзү, сый акы, Илзат Ахметов... Александр Крестинин менен маек
Мирлан Мурзаевдин Азия кубогундагы голу мыктылардын катарына кирди
Япония командасы ирандыктарды жеңип, Азия кубогунун финалына чыкты
Ак кан оорусу менен ооруган балдардын архивдик сүрөтү

Кубарып, ыйлаак болуп баштайт. Балдардагы ак кандын алгачкы белгилери айтылды

Дарыгер рактын бул түрү балдарда биринчи кезекте генетикалык факторлордон улам пайда болорун белгилеген. Башкача айтканда, тукум кууйт. Мындан сырткары, айлана-чөйрөнүн терс таасири да ооруну шартташы мүмкүн.

БИШКЕК, 28-мар. — Sputnik. Онколог Михаил Мяснянкин балдардагы ак кан оорусунун биринчи белгилерин атады. Бул тууралуу РИА Новости жазды.

Медиктин айтымында, дарт өрчүп жатканда бала арыктап, бат чарчап, ыйлаак болуп, кубарып баштайт. Ошондой эле тамакка табити тартпай, айланада эмне болуп жатканына көңүл деле бурбай калат.

Дарыгер рактын бул түрү балдарда биринчи кезекте генетикалык факторлордон улам пайда болорун белгилеген. Башкача айтканда, тукум кууйт. Мындан сырткары, айлана-чөйрөнүн терс таасири да ооруну шартташы мүмкүн.

"Кош бойлуу мезгилде эненин чылым чегип, спирт ичимдигин ичүүсү да түйүлдүккө таасир этип, балада кандын рагын пайда кылышы ыктымал. Эненин кош бойлуу мезгилде жыныс органдарынын сезгениши да кооптуу", — деди Мяснянкин.

Мындан улам медик ата-энелерге балдардын абалына жана өзүн алып жүрүүсүнө жакшылап көңүл бурууну сунуштаган. Ошондой эле балдар дарыгерине барып туруу керектигин эскерткен.

Белгилер:
рак, медик, бала, оору, белги
Тема боюнча
Спираль койдуруу рак оорусун чакырабы? Акушер-гинеколог менен маек
Рак болгондордун акыркы үмүтү эле... Линиялык тездеткичтер дагы деле иштей элек
Рак менен оорубаш үчүн кайсы азык, тамактардан баш тартуу керек? Иликтөө
Кайсы суусундук рак оорусун алдын алат? Далилденген изилдөө
Помидор сатуу. Архивдик сүрөт

Жашылчаны кайсы ооруга кабылгандар чийки жегенге болбойт. Адистин кеңеши

Диетолог бардык жашылчалардын бышырылганына караганда чийкиси алда канча пайдалуу деген пикирлерди четке кагып, ага өзүнүн жүйөсүн келтирген.

БИШКЕК, 28-фев. — Sputnik. Адистер кайсы ооруга кабылгандарга жашылчаларды чийкилей жегенге болбой тургандыгын айтып бергенин РИА Новости жазды.

"Ашказан-ичеги ооруларына тушугуп, жарасы болгондор же эрозияга кабылгандар илдет күчөп турган учурда жашылчаларды чийки жегенге болбойт. Анын ордуна бууга же сууга бышырылганы алда канча коопсузураак", — деген россиялык терапевт-дарыгер жана диетолог Екатерина Бурляева.

Диетолог мындан сырткары бышырылганына караганда аталган азыктардын чийкиси алда канча пайдалуу деген пикирлерди четке каккан.

"Маселен, капустада С витамини абдан көп. Аны ысыкка салганда бузулат, бирок чийки жегенде ичти көбүрөөк көптүрөт. Андыктан бышырылган түрү ыңгайлуу", — деген Бурляева.

Дарыгер сөз кылып жаткан бир катар азыктар бышырылганда жакшы сиңерин белгилеген.

"Кээ бир изилдөөлөрдө ликопин антиоксиданты онкологиялык оорулардын тобокелдигин азайтары айтылат. Бул заттын бышырылган азыктагысы, тагыраагы, май кошулганы ичегиге жакшы сиңет. Бирок температура канчалык өйдө болсо, ликопин ошончолук азайып кетет", — деп айтып берген адис.

Мисал катары ал томатты, дарбызды жана грейпфрутту атаган.

Буга чейин дагы бир диетолог Римма Мойсенко өтө пайдалуу жана кооптуу делген жемиштер жөнүндө айтып берген. Дарыгердин айтымында, ширеси азыраак болгондорго басым жасоого кеңеш кылган. Жемиштерди өтө арбын жегенде организмде ачып кетүү процессин чакырарын айткан.

Белгилер:
жашылча, жемиш, кеңеш, диетолог, дарыгер
Тема боюнча
Муздаткычта кандай азыктарды сактабаш керек? Пайдалуу кеңеш
Кандай нан кишини семиртип жибербей тургандыгын адис айтып берди
Жүрөк оорусун алдын алып, ичеги-карындын иштөөсүн жакшырткан азык аталды
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек