Кытайдын желеги. Архивдик сүрөт

Кыргызстан Кытайдын жери беле? Кытай бийлигинин реакциясы жана макалалар чуусу

(жаңыланган 00:21 21.04.2020)
Апрелдин башында кызыктай мазмундагы макалалар кытайдын онлайн-платформаларында пайда боло баштады. Көп өтпөй эле Кытайдын ТИМи буга реакция кылды.

БИШКЕК, 21-апр. — Sputnik. Апрелдин аягында Кытайдагы toutiao.com сайтында азыркы Кыргызстандын жери тарыхта Кытайга караган деген маалымат айтылган макала жарык көргөн.

Материал "Кыргызстан эгемендүүлүк алгандан кийин эмнеге Кытайдын курамына кайтып келген жок" деп аталып, аталган ресурска 11-апрелде жайгаштырылган. Анда Хань династиясынан бери бир нече миңдеген жыл Кыргызстандын жери болуп келген, бирок Россия империясы бул аймакты ээлеп алган деген маанайда жазылган.

"Кыргызстан Хань династиясынан тарта бир нече миң жылдар бою Кытайдын аймагында болчу. Бул жерди учурунда император У Ди согуш менен ээлеген. Цинь династиясына чейин Кытайга карачу. 1864-жылы Россия империясы ошол кезде таасирин жоготкон император Цинди түндүк-батыш аймагынан баш тартууга мажбурлаган. Ошентип Кытай 510 миң чарчы чакырым жеринен ажыраган. Кыргызстан толугу менен жок болгон ошол аймакта эле. Чындыгында, Кыргызстан Монголия сыяктуу Кытайдын жери болуп эсептелет", — деп айтылган анда.

Бир апта мурдараак белгилүү эле sohu.com деп аталган кытайлык порталда дал ошондой, бирок эми Казакстанга байланыштуу макала чыккан. Ал "Казакстан эмнеге Кытайга кайтууга умтулбай жатат?" деп аталган. Анда да азыркы Казакстан тарыхый жактан Кытайга караганы жана Пекин "жерди туура эмес бөлүштүрүүдөн улам кол жууп калганы" баяндалган.

Казакстан мындай маалыматты аймактык бүтүндүгүнө жаралган кооптуулук катары баалаган. ТИМ 14-апрелде Нур-Султан шаарындагы Кытай элчиси Чжан Сяону чакырган. Жарыяланган макаланын мазмуну "Казакстан менен Кытайдын башчыларынын колу коюлуп, бардык тараптан өнөктөшпүз деген маанайдагы биргелешкен кайрылуусуна" дал келбей жаткандыгын айткан. Ал документке 2019-жылдын 11-сентябрында кол коюлган эле. Буга кошумча казак ТИМи коңшу мамлекетке нааразылык нотасын жөнөткөн.

Reuters агенттиги расмий Кытай бийлиги мындай билдирүүгө эмне жооп айтарына кызыгып, комментарий сурап алардын ТИМине кайрылган.

"Бул макала Кытай өкмөтүнүн расмий позициясын чагылдырбайт, эки мамлекеттин достугун эч бир нерсе буза албайт", - деген жооп берген Кытай ТИМинен.

Бул макаладан кийин эле sohu.com сайты ачылбай калган. Эки күндөн соң дал ошондой эле тагдыр Кыргызстан туурасында макала жайгаштырган toutiao.com сайтында кайталанган.

Кытайда иштеп жаткан ВВС бөлүмү бул макалалар алгач, кытайлык WeChat социалдык тармагын аралап кеткендигин, андан соң Sohu жана Toutiao сыяктуу онлайн-платформаларга жайгаштырылгандыгын кабарлаган. Бул платформалар интернет-ЖМК катары эле эмес, издөө системалары катары да иштейт. Кытайлыктар өзүнүн материалдарын башка жактардан алып да жайгаштыра алат.

​WeChat тармагынын маалымат кызматы 17-апрелде администраторлор 150 аккаунтту жаап, жергиликтүү социалдык тармактардан улуттук маселени козутат деген мүнөздөгү 200гө чукул макалаларды өчүргөндүгүн билдирген.

"XX (өлкө же аймак) Кытайдын курамына кирүүгө ниеттенип жатат" деген 227 макаланы өчүргөн. Анда ушул маанайга үндөш жана байланышкан 153 аккаунт жабылды. Бул макалалардын авторлору журналисттик эч кандай тажрыйбага ээ эмес, жөн гана көп каралган тексттердин артынан кууп жүрүп отурган", — деп мессенджердин билдиргенин Global Times жазды.

Материалдардын окшош мааниде болгондугу жана Монголиянын, Вьетнамдын жана Индия менен Мьянманын бир катар райондорунун аймактык бүтүндүгүнө карата жазылганы маалымдалган.

Weibo кызматынын администрациясы да платформада жалган маалыматтарды тараткан 1 050 аккаунтту өчүргөн. Маалыматта анда аймактык басмырлоону ойготкон тексттер жазылганы айтылган.

Белгилер:
Пекин, нааразы, ТИМ, макала, маселе, Россия, Казакстан, Кыргызстан, Кытай
Тема боюнча
Кытай дарыгерлери коронавирус менен күрөшүү үчүн Кыргызстанга келди. Сүрөт
Россиядагы мигранттар. Архивдик сүрөт

Россияда мыйзамсыз жүргөн мигранттар 15-июнга чейин чыгып кетиши керек

(жаңыланган 15:28 17.04.2021)
Россия ИИМинин маалыматы боюнча, ушул тапта өлкөдө мыйзамсыз жүргөн чет элдиктердин саны жарым миллиондон ашып кетти.

БИШКЕК, 17-апр. — Sputnik. Россиянын ички иштер министринин орун басары Александр Горовой өлкөдө мыйзамсыз жүргөн мигранттар 15-июнга чейин чыгып кетиши керектигин эскертти. Бул тууралуу РИА Новости жазды.

КМШнын Парламенттер аралык ассамблеясынын 52-жыйынында коронавирус пандемиясы учурундагы миграция маселелери тууралуу сөз болду.

Горовойдун айтымында, буга чейин Россияда мигранттарга бир топ жеңилдиктер берилди. Бирок ушул тапта мыйзамсыз жүргөн чет элдиктердин саны жарым миллиондон ашып кетти.

"Эгер бул санды азайтпасак, 15-июндан тарта президенттин жарлыгына ылайык, мыйзамсыз жүргөндөргө өлкөдөн чыгарып салуу же чек араны жаап алуу сыяктуу чараларды колдонууга туура келет. Ар бир өлкөдө ЖМКлар аркылуу бул нерсе айтылса жакшы болмок", — деди Горовой.

Постсоветтик өлкөлөрдөн келип, уруксатсыз жүргөн мигранттардын саны:

  • 332 миң — Өзбекстан;
  • 247 миң — Тажикстан;
  • 152 миң — Украина;
  • 120 миң —Азербайжан;
  • 115 миң — Кыргызстан;
  • 61 миң — Армения;
  • 56 миң — Молдова;
  • 49 миң — Казакстан.

Министрдин орун басарынын айтымында, пандемия башталгандан бери мигранттарга Россияда жүрүү мөөнөтү автоматтык түрдө төрт жолу жылдырылды. Акыры мөөнөт 15-июнда соңуна чыгат.

Белгилер:
министр, чара, Кыргызстан, мыйзамдар, миграция, Россия
Тема боюнча
Кыргызстандык мигранттар январь менен февралда канча акча которду
Песков: ири пландарды ишке ашыруу үчүн Россияга мигранттар жетишпей жатат
Кыргызстан "Спутник V" вакцинасын мигранттардын эсебинен сатып алууну көздөөдө
Ак кан оорусу менен ооруган балдардын архивдик сүрөтү

Кубарып, ыйлаак болуп баштайт. Балдардагы ак кандын алгачкы белгилери айтылды

Дарыгер рактын бул түрү балдарда биринчи кезекте генетикалык факторлордон улам пайда болорун белгилеген. Башкача айтканда, тукум кууйт. Мындан сырткары, айлана-чөйрөнүн терс таасири да ооруну шартташы мүмкүн.

БИШКЕК, 28-мар. — Sputnik. Онколог Михаил Мяснянкин балдардагы ак кан оорусунун биринчи белгилерин атады. Бул тууралуу РИА Новости жазды.

Медиктин айтымында, дарт өрчүп жатканда бала арыктап, бат чарчап, ыйлаак болуп, кубарып баштайт. Ошондой эле тамакка табити тартпай, айланада эмне болуп жатканына көңүл деле бурбай калат.

Дарыгер рактын бул түрү балдарда биринчи кезекте генетикалык факторлордон улам пайда болорун белгилеген. Башкача айтканда, тукум кууйт. Мындан сырткары, айлана-чөйрөнүн терс таасири да ооруну шартташы мүмкүн.

"Кош бойлуу мезгилде эненин чылым чегип, спирт ичимдигин ичүүсү да түйүлдүккө таасир этип, балада кандын рагын пайда кылышы ыктымал. Эненин кош бойлуу мезгилде жыныс органдарынын сезгениши да кооптуу", — деди Мяснянкин.

Мындан улам медик ата-энелерге балдардын абалына жана өзүн алып жүрүүсүнө жакшылап көңүл бурууну сунуштаган. Ошондой эле балдар дарыгерине барып туруу керектигин эскерткен.

Белгилер:
рак, медик, бала, оору, белги
Тема боюнча
Спираль койдуруу рак оорусун чакырабы? Акушер-гинеколог менен маек
Рак болгондордун акыркы үмүтү эле... Линиялык тездеткичтер дагы деле иштей элек
Рак менен оорубаш үчүн кайсы азык, тамактардан баш тартуу керек? Иликтөө
Кайсы суусундук рак оорусун алдын алат? Далилденген изилдөө
Тапанчадан атып жаткан адам. Архив

Кара-Балтада аткыланган автоунаа. ИИМ жетекчилиги окуяны көзөмөлүнө алды

(жаңыланган 12:09 20.04.2021)
Арыздануучунун айтымында, түндө катуу чыккан үн угуп маани берген эмес. Эртең менен гана автоунаасы аткыланганын көргөн.

БИШКЕК, 20-апр. — Sputnik. Кара-Балтада белгисиз адамдар автоунааны аткылап кетишти. Бул тууралуу Чүй облустук ИИББден билдиришти.

Бүгүн, 20-апрелде, саат 08:00дөр чамасында Жайыл райондук ички иштер бөлүмүнө Б.Н. аттуу жарандын короодо токтоп турган унаасын белгисиз адамдар аткылап кеткени боюнча маалымат түшкөн. Жерине барган милиция кызматкерлерине 45 жаштагы Б.Н. түнкү саат 03:30дар чамасында катуу үн угуп, бирок маани бербегенин, эртең менен унаасын көргөндөн кийин гана милицияга кабарлаганын айткан. Toyota Camry үлгүсүндөгү унаага эки ирет ок чыгарылган.

Факт боюнча Кылмыш-жаза кодексинин 266-беренеси ("Бейбаштык") менен иш козголду. Тергөөнү ИИМ менен ИИББ жетекчилери көзөмөлдөөдө.

"Окуяга эмне себептен милициянын жетекчилиги көңүлүн бурду" деген суроого ИИББдин маалымат кызматы буга ок атуучу куралдын колдонулганы себеп болгонун билдирди.

ЖМКлардын маалыматына караганда, автоунааны саясий партиялардын биринин лидери аткылап кеткен. Айрым маалыматтар боюнча, кеп "Элдик-Народная" партиясын жетектеген Назми Бадалова жөнүндө болуп жатат.

Белгилер:
кылмыш иши, милиция, ок атуу, автоунаа, Кара-Балта
Тема боюнча
КЭДП Бишкек шаардык кеңешине өткөн шайлоо жарышынан четтетилди. Себеп