Глава ОАО «Газпром» Алексей Миллер

Оторбаев Москвада мунай баасын сүйлөшүүдө

23
(жаңыланган 13:27 04.12.2014)
Жоомарт Оторбаев жаратылыш газына болгон баанын арзандашы жана газдын үзгүлтүксүз берилиши энергоресурстарды алып келүү булактарын кеңейтүүгө жакшы дем берерин айтты.

БИШКЕК, 3-дек. — Sputnik. КР премьер-министри Жоомарт Оторбаев менен "Газпром" ААК башкармалыгынын төрагасы Алексей Миллер шейшембиде, 2-декабрда, Кыргызстандын рыногунда жаратылыш газына болгон бааны так аныктап коюу мүмкүнчүлүгүн талкуулашты. 

Оторбаев кыргызстандык рынокко "Газпромдун" келиши менен жаратылыш газына болгон баанын арзандашы жана үзгүлтүксүз берилүүсү – энергоресурстарды диверсификациялоо үчүн мыкты дем болуп бере тургандыгын белгиледи. 

"Азыр энергоресурстарды кайрадан бөлүштүрүүгө басым жасалышы керек. Анын ичинде электр энергиясын колдонууну жаратылыш газын пайдаланууга которуу боюнча иштерди аткаруу зарыл. Буга байланыштуу экономиканы өнүктүрүүнүн болжолдуу стратегиясын иштеп чыгуу үчүн узак мөөнөткө чейин жаратылыш газына болгон баанын туруктуу кармалышынын зарылдыгын түшүнүү маанилүү", — деди КР премьер-министри. 

Алексей Миллер россиялык тарап буга чейинки жетишилген макулдашууларды аткарууга ниеттенгендигин жана өз ара кызыкчылыкты туудурган башка долбоорлор боюнча конструктивдүү диалогго даяр экендигин белгиледи. 

"Өлкөнүн түштүгүндөгү электр энергиясына жана газдын жок болушуна байланышкан оор жагдайды эске алуу менен "Газпром" компаниясы күзгү-кышкы жылытуу сезону кадимки шартта өтүшү үчүн зарыл болгон бардык жардамды бергенге даяр", — деди Миллер.

Маек учурунда Оторбаев менен Миллер КР рыногунда жаратылыш газына болгон бааны так аныктап коюу мүмкүнчүлүгүн, газификация боюнча программаны ишке ашыруу, "Газпромдун" Бишкек шаарынын ЖЭБсын реконструкциялоо жана жаңылоого катышуусунун ыктымалдыгын, Россиянын атайылаштырылган университеттеринде адистерди окутуу үчүн өзүнчө квотаны бөлүп берүү маселелерин талкуулашты.

23
Белгилер:
Москва, Россия, Алексей Миллер, Жоомарт Оторбаев, Газпром
Тема боюнча
КРде жылуулук менен электреэнергияга болгон жаңы тариф бекитилди
Кыргызстанда газдын баасы кайра кымбаттоодо
Акча жана көз айнек. Архивдик сүрөт

Тартыштык 9,1 миллиард сом. Кыргызстандын 2022-жылга карата бюджетинин божомолу

215
(жаңыланган 14:00 25.09.2021)
Аткаруу бийлигинин башчысы айткандай, быйыл бир катар маанилүү чыгашалар болгон. Анын катарында айлык-маяналарды жогорулатууга бөлүнгөн каражат бар.

БИШКЕК, 25-сен. — Sputnik. Министрлер кабинетинин жыйынында "Кыргыз Республикасынын 2022-жылга республикалык бюджети жана 2023-2024-жылдарга болжолу жөнүндө" мыйзам долбоору каралды. Бул тууралуу өкмөттүн маалымат кызматы билдирди.

Өкмөт башчы Улукбек Мариповдун айтымында, 2022-жылга республикалык бюджеттин жалпы кирешеси мамлекеттик инвестициялар грантын эске алганда 203,6 миллиард сом же ИДПга карата 28,5 пайыз деңгээлинде болжолдонууда.

2021-жылга белгиленген бюджетке салыштырмалуу мамлекеттик бюджеттин кирешеси номиналдык көрсөткүчтө 30,7 миллиард сомго жогорулайт. Республикалык бюджеттин 2022-жылдагы жалпы чыгаша көлөмү 212,7 миллиард сом деңгээлинде (ИДП карата 31,3 пайыз) белгиленүүдө. Демек, мында тартыштык 9,1 миллиард сомду түзөт.

Марипов белгилегендей, быйыл бир топ маанилүү чыгымдар болду. Анын ичинде медицина, маданият жана аскер кызматкерлеринин айлык маянасы жогорулатылды.

"Көптөн бери биринчи жолу аскерлердин тамак рациону жакшыртылды, азык-түлүк коопсуздугун камсыздоого, ошондой эле кыргыз-тажик мамлекеттик чек арасындагы окуялардан кийин Баткен облусун калыбына келтирүүгө каражат бөлүндү. Коронавирустук инфекцияга каршы вакцина сатып алынды, 1-октябрдан тарта пенсиянын жана социалдык төлөмдөрдүн базалык жана камсыздандыруу бөлүгү жогорулатылат. Мындан тышкары, мамлекет айлыкты жана пенсияны төлөө боюнча социалдык милдеттенмелерин толук аткарууда. Мунун бардыгы экономиканы пандемиядан кийинки кризистен калыбына келтирүү менен катар жүрүп жатат", – деген Марипов.

Ал кошумчалагандай, фискалдык системаны санариптештирүү олуттуу натыйжаларды берип жатат – Салык кызматы салык боюнча белгиленген планды 105 пайызга аткарды.

"Бажы кызматынын иши жөнүндө айта турган болсок, биз канчалык кадрдык өзгөртүүлөрдү жасабайлы, бажы системасын толугу менен автоматташтырбасак, иш оңолбойт. Биз бажы кызматы менен бизнес өз ара байланышпаган процессти түзүшүбүз керек. Жакын арада бажы декларациясын дистанциялык түрдө толтуруу системасы ишке киргизилиши керек", – деген ал.

Талкуунун жыйынтыгы боюнча келип түшкөн сунуштарды жана сын-пикирлерди эске алуу менен "Кыргыз Республикасынын 2022-жылга республикалык бюджети жана 2023-2024-жылдарга болжолу жөнүндө" мыйзам долбооруна макулдук берүү чечими кабыл алынды.

Бюджетти кабыл алуу үчүн парламент менен президенттин макулдугу керек.

215
Белгилер:
Министрлер кабинети, бюджет, киреше, чыгаша, Улукбек Марипов, экономика, Кыргызстан
Тема боюнча
Медиктердин айлыгын көбөйтүүгө бюджеттен канча каражат кеткени айтылды
Алмаз Мамбетов Ош шаарынын бюджетин 500 млн. сомго көбөйтүү тапшырмасын берди
Енвойс Вижион Диджитал Эксчейндж ААК универсалдык биржасынын башкаруучулугунун төрагасы Алмаз Шабданов

Шабданов: Кыргызстанда криптобиржалардын ишмердүүлүгү боюнча мыйзам керек

12
"Енвойс Вижион Диджитал Эксчейндж" ААК универсалдык биржасынын башкаруучулугунун төрагасы Алмаз Шабданов Кыргызстанда криптобиржаларга укуктук талаанын түзүлүшү ишкерлерге мүмкүнчүлүктөрдү ачарын айтты.

Криптобиржалардын ишмердүүлүгү тууралуу мыйзам кабыл алынса ачык-айкын иштөөгө өбөлгө түзүлөт. Мындай пикирин Алмаз Шабданов Sputnik Кыргызстан радиосунун эфиринде маек куруп жатып билдирди.

Шабданов: Кыргызстанда криптобиржалардын ишмердүүлүгү боюнча мыйзам керек

Анын айтымында, Кыргызстанда чет элдик жарандар үчүн криптобиржаларда соода жүгүртүп, инвестиция тартуу аянтчасы түзүлсө мамлекет үчүн да киреше булагы болуп бере алат.

"Бүгүнкү күнгө чейин Кыргызстандагы криптобиржалардын ишмердүүлүгү тууралуу укуктук талаанын жок болгондугуна байланыштуу ишкерлерде көп көйгөйлөр жаралып келген. Ири компаниялар да мыйзам кабыл алынбаган аянтчага этикалык жактан кирүүгө батынбайт. Коопсуздук маселеси да аларды тынчсыздандыргандыктан тобокелчиликке барбайт. Эми Финансы рыногун жөнгө салуу жана көзөмөлдөө боюнча мамлекеттик кызмат тарабынан криптобиржалардын ишмердүүлүгү тууралуу жобо иштелип чыкты. Ага бул тармактын өкүлдөрү, мамлекеттик органдар да катышып, атайын мыйзам кабыл алуу боюнча чаралар көрүлүп жатат", — деди Шабданов.

Ошондой эле адис криптобиржалардын ишмердүүлүгүн жакшыртуу үчүн коңшу өлкөлөрдүн да рыногун карап туруу керектигин кошумчалады.

Подкасттын толук вариантын видеодон көрүңүз

12
Белгилер:
Алмаз Шабданов, биржа, криптовалюта, мыйзам
Тема боюнча
500дөй майнинг-ферма иштеткен кыргызстандык жаран кармалды
Эл аралык хоккей федерациясынын Азия жана Океания (ИИХФ) боюнча президенти Рене Фазель. Архивдик сүрөт

Кыйкырып жиберди... IIHF уюмуна вице-президент болгон Оморовдун реакциясы видеодо

0
(жаңыланган 21:39 25.09.2021)
Кыргызстандык спортчу эл аралык хоккей федерациясынын Азия жана Океания боюнча вице-президенти болуп шайланды.

БИШКЕК, 25-сен. — Sputnik. Интернет айдыңына Эл аралык хоккей федерациясынын Азия жана Океания (ИИХФ) боюнча вице-президенти болуп шайланган Айваз Оморкановдун шайлоо жыйынтыгына кубанып кыйкырып жиберген видеосу тарады.

Шайлоо бүгүн, 25-сентябрда, Санкт-Петербург шаарында өткөн.

Спорттук порталдардын жазганына караганда, жеңишине кубанган Оморканов кыйкырып жиберип уюмдун мурдагы жетекчиси Рене Фазелди чочутту.

0
Белгилер:
федерация, хоккей
Тема боюнча
Кыргызстандык Оморканов Эл аралык хоккей федерациясына вице-президент болуп шайланды
Сүрөй албасак да сүйө алдык. Спорт державасына айлануунун жолу