страница сайта www.proverka.kg

Экономика министрлиги текшерүүлөр боюнча маалыматты ачык берген сайт ачты

50
(жаңыланган 08:57 22.12.2014)
Кыргызстанда компанияларга текшерүү качан болору, анын жыйынтыгы, ал тургай ишкерлердин негизсиз текшерүүгө болгон нааразычылыгын жайгаштыра турган атайын сайт ачылды.

БИШКЕК, 22-дек—Sputnik. Экономика министрлиги ишкердик кылган тараптарды текшерген мамлекеттик органдардын ишин башкарган маалыматтык системанын бет ачарын өткөрөт. Бул туурасында аталган министрликтин маалымат кызматы билдирди. 

www.proverka.kg деп аталган система автоматтык түрдө он-лайн режиминде иштейт. Анда компаниялардын объектилеринин тобокелдиктери, тиешелүү мамлекеттик органдар менен Экономика министрлигинин текшерүүнү макулдашып алып жасоосу, аныкталган мыйзам бузуулар, ага салынган айыптар, текшерүүнүн түрлөрү жана жыйынтыктары боюнча маалыматтар топтому киргизилген. 

Андан сырткары ушул эле сайтка текшерүүлөр негизсиз жасалса, ал боюнча пикир калтырууга болот.

"Текшерүү негизсиз жасалып, ага ишкер нааразы болсо, бул туурасында пикирин жаңы ачылып жаткан сайтка жазып калтырууга мүмкүнчүлүк жаралат",— деп айтышты аталган министрликтин маалымат кызматынан. 

Маалымат кызматы аталган сайт бир нече убакыт мурда эле ачылгандыгын, бирок, ал жаңыланып, пикирлерди, комментарийлерди калтырууга ылайыкталып кайрадан жасалгандыктан, расмий бет ачары бүгүн өтө тургандыгын кошумчалады. 

Аталган портал Швейцария өкмөтү жана Улуу Британиянын эл аралык өнүгүү министрлиги каржылаган Эл аралык каржы корпорациясынын инвестициялык климатты жакшыртуу боюнча долбоорунун техникалык жана каржылык колдоосу боюнча иштеп жатат. 

50
Белгилер:
Экономика министрлиги
Президент Садыр Жапаров. Архив

Бизнес өкүлдөрү Садыр Жапаровго кайрылды. Себеби

252
(жаңыланган 13:27 02.08.2021)
Ишкерлер өкмөт парламенттин каникулга кетип жатканынан пайдаланып, экономикага өзгөчө кырдаал киргизүү мыйзамын шашылыш түрдө өткөрдү деп эсептейт.

БИШКЕК, 2-авг. — Sputnik. Кыргызстандагы бизнес-коомчулук президент Садыр Жапаровго кайрылып, Жогорку Кеңеш үч окуудан жактырган экономикага өзгөчө кырдаал режимин киргизүү боюнча мыйзамга кол койбошун өтүнүп жатат. Бул тууралуу ишкерлер Sputnik Кыргызстан агенттигинде өткөн "Экономикага өзгөчө кырдаал абалын киргизүүнүн таасири кандай болушу мүмкүн" аталышындагы брифингде айтышты.

"Бизнес коомчулугу менен макулдашуу процесси болбой, мыйзам бир тараптуу негизде кабыл алынды. Министрлер кабинети парламенттин каникулга кетип жатканынан пайдаланып, мыйзамды шашылыш түрдө өткөрүп алды. Учурда биз президенттен бул документке кол койбой, кайра иштеп чыгууга жөнөтүүсүн суранабыз", — деди Рыноктор, соода ишканалары жана кызмат көрсөтүүлөр ассоциациясынын аткаруучу директору Артур Ташибеков.

КР президентинин алдындагы Коррупцияга каршы ишкердик кеңешинин адиси Айдарбек Мамбеткадыров бизнес өкүлүнүн пикирин колдой турганын билдирди. Анын айтымында, мыйзам долбоорунда кийин эки анжы пикир жарата турган түшүнүксүз жерлери бар. Мамбеткадыров кошумчалагандай, мыйзам долбоору кабыл алынардын мурда коррупцияга каршы экспертизадан өткөн эмес.

Эске салсак, министрлер кабинетинин төрагасынын орун басары, экономика жана финансы министри Акылбек Жапаров өлкө экономикасына өзгөчө кырдаал режимин киргизүүнү сунуштаган. Анын айтымында, мындай сунуш киргизүүгө дагы деле коркунуч жаратып турган пандемиянын экономикага тийгизген терс таасири себеп болгон. Министр түшүндүргөндөй, бул режим салыктардын ставкасын өзгөртүүгө жана өтө зарыл учурда бюджетти Жогорку Кеңештин макулдугу жок эле бөлүштүрүүгө шарт түзөт.

Депутаттар каникулга кетер алдында аны үч окуудан тең өткөрүп берген.

252
Белгилер:
Садыр Жапаров, ишкер, сунуш, кайрылуу, бизнес, Кыргызстан
Тема боюнча
Банктарда аралыктан идентификациядан өтүү системасы жеңилдейт. Долбоор
Жыл башынан бери импорттон алынган салыктын көлөмү 5,2 млрд. сомго көбөйдү
Буудайдын түшүмүн жыйноо. Архив

Өлкөдө буудай бир жыл ичинде дээрлик 40 пайызга кымбаттады

43
2020-жылдын акыркы айларынан бери Кыргызстанда азык-түлүктүн баасы кескин кымбаттады. Анын ичинде буудай дагы баасын көтөрүүдө.

БИШКЕК, 2-авг. — Sputnik. Республикада буудайдын баасы бир жылдын ичинде дээрлик 40 пайызга жогорулады. Бул тууралуу Улуттук статистика комитети кабарлады.

"Июль айынын аягына карата буудайдын баасы өлкө боюнча орточо эсеп менен 29,15 сомду түздү. Бул өткөн жылдын ушул учуруна салыштырмалуу 8,2 сомго же 39,3 пайызга өскөнүн далилдейт", — деп айтылат билдирүүдө.

Буудайдын чекене баасы орточо көрсөткүчтөн Бишкек (бир килограммы 31,46 сом), Токтогул (30,96 сом), Исфана (30,73 сом) жана Өзгөн (30 сом) шаарларында жогору болуп жатат. Ал эми арзан буудай Чаек айылында (бир килограммы 18 сом), Каракол (20,87 сом) жана Кара-Суу (23,59 сом) шаарларында сатылууда.

Бир ай ичиндеги бааны айта турган болсок, июлда буудай мурунку айга салыштырмалуу 3,4 сомго (13,1 пайыз) кымбаттаган.

43
Белгилер:
Кыргызстан, Буудай, баа, статистика
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео