Пресс-конференция депутата Госдумы РФ Алексея Пушкова

Пушков: Украинанын экономикасын РФтин катышуусу жок кантип калыбына келтирүүнү ЕБ билбейт

33
(жаңыланган 12:07 22.12.2014)
ЭВФтин эсептөөлөрү боюнча Украина каржылык кыйроону болтурбоо үчүн бир нече жума ичинде кошумча 15 миллиард долларга муктаж.

БИШКЕК, 22-дек — Sputnik. РФтин Мамлекеттик Думасынын эл аралык иштер боюнча комитет башчысы Алексей Пушков Украинанын экономикасын Россиянын катышуусу жок кантип калыбына келтирүү керек деген суроого ЕБнын жообу жок деп эсептейт, деп билдирет РИА Новости.

Мурдараак Standard & Poor's эл аралык рейтинг жүргүзүүчү агенттиги Украинанын чет элдик валюта боюнча узак мөөнөттүү көз карандысыздык рейтингин "ССС"тен "ССС-" деңгээлине түшүргөн. Агенттик өлкөнүн "uaB+" улуттук мамычасы боюнча да деңгээлин төмөндөткөн. Рейтингдин төмөндөшүн агенттик ЭВФ мамлекетке каражат бөлүүнү кийинкиге жылдырганына байланыштуу Украина өкмөтү өз милдеттемелерин аткарбоо коркунучунда калганы менен түшүндүрөт. 

"Италия агенттиги менен болгон маекте мен ЕБ Украинанын кыйроого учураган экономикасын Россиясыз кантип көтөргөнү жатат деген суроо койдум. ЕБнын буга жообу жок. Болбойт дагы", — деп жазган Пушков жекшемби күнү кечинде Twitterдеги өзүнүн микроблогунда.

Украина азыр оор саясий абалда. Бул анын экономикасына жана бюджеттик тармагына кедергисин тийгизүүдө. Өлкө анык дефолт алдында турат. Өкмөт өлкөнүн ички дүң жүгүртүүсү 2014-жылы 5 пайызга түшөт деп божомолдоп жатат. Ноябрда премьер Арсений Яценюк бул көрсөткүч 7 пайызга төмөндөшү мүмкүн деп билдирген. Ушундай эле божомолду Украинанын Улуттук банкы да жасап жатат. Европалык кайра куруу жана өнүктүрүү банкы өлкөнүн ички дүң жүгүртүүсү 7 пайызга, ал эми Fitch агенттиги 5 пайызга кыскарат деп божомолдойт. Бийлик экономиканы тыштан карызга алуу менен сактап калууга үмүттөнүп жатат.

Financial Times гезити мурдатан билдиргендей, ЭВФ Украина каржылык кыйроону болтурбоо үчүн бир нече жума ичинде кошумча 15 миллиард долларга муктаж экендигин эсептеп чыккандыгын билдирген эле. Бул сумма аталган фонд мурдатан жактырган, бюджетти саясий жана экономикалык каатчылык шартында турукташтыруу үчүн каралган 17 миллиард долларга кошумча болушу керек. ЭВФтин насыясынын 3,2 миллиард доллар көлөмүндөгү биринчи акча которуусун Киев май айында, экинчисин — 1,4 миллиард долларды — сентябрдын айында алган.

33
Белгилер:
Россия, Украина, Киев, Алексей Пушков, Арсений Яценюк, Standard & Poor's, Мамлекеттик Дума
Министрлер кабинетинин төрагасы Акылбек Жапаров өлкөдөгү банктардын жетекчилери менен жолугушту

Акылбек Жапаров банк жетекчилери менен көмүскө экономиканы талкуулады

132
(жаңыланган 16:14 22.10.2021)
Жолугушууда накталай эмес төлөмдөрдүн үлүшүн жогорулатуу жана экономиканы көмүскөдөн алып чыгуу боюнча сөз болгон.

БИШКЕК, 22-окт. — Sputnik. Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту. Бул тууралуу өкмөттүн маалымат кызматынан кабарлады.

  • Бизнес-завтрак руководителей коммерческих банков с кабинетом министров. 22 октября 2021 года
    Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту

Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон. Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат.

"Эң алдыңкы технологиялар ар дайым банктарда болгон. Биз накталай эмес эсептешүүлөрдүн үлүшүн жогорулатууну стимулдаштыруу иши министрлер кабинетинин карамагында болуусун каалайт элек. Алсак, Казакстанда салыктарды чогултуу банктардын биринин телефондогу тиркемесине жараша жогорулаган. Анда адамдар базардагы азык-түлүктөр үчүн да ал тиркеме аркылуу эсептеше баштады. Банктар жаңы технологияларды киргизүүдө жардам берет деп ишенем. Министрлер кабинетинин алдыга койгон милдеттерине толугу менен жетишүүгө болот", — деген Жапаров.

Министрлер кабинетинин төрагасы банктардын сунушун эске алуу менен накталай эмес эсептешүүлөрдүн үлүшүн жогорулатуу боюнча чаралар кабыл алынарын убадалаган.

132
Белгилер:
коммерциялык банктар, жетекчи, Акылбек Жапаров, көмүскө, экономика
Тема боюнча
Акылбек Жапаров жергиликтүү бийликтин колуна канча акча берерин тизмектеди
Таштандыдан мүлккө чейин. Жапаров аткаминерлердин негизги милдетин атады
Министрлер кабинетинин жетекчиси Акылбек Жапаров

Туризмди өнүктүрүү үчүн укугу кеңири фонд түзүлүп, ага 1 млрд. сом бөлүнөт

298
(жаңыланган 19:26 21.10.2021)
Кыргызстанда туристтик тармакка дем берүү үчүн эми жерди пайдалануу мыйзамдарына өзгөртүүлөр киргизилери айтылды.

БИШКЕК, 21-окт. — Sputnik. Туризмди өнүктүрүү боюнча ыйгарым укуктары кеңири болгон мамлекеттик фонд түзүлүп, бул тармакка 1 миллиард сом бөлүнөт.

Бул тууралуу министрлер кабинетинин жетекчиси Акылбек Жапаров Жергиликтүү өз алдынча башкаруу органдарынын жана жергиликтүү мамлекеттик администрациялардын жетекчилеринин республикалык кеңешмесинде айтканын өкмөттүн маалымат кызматы кабарлады.

"Маданий же тарыхый баалуулукка ээ объектилер өлкөнүн ар бир аймагында бар. Бирок ушул кезге чейин туристтик инфраструктураны өнүктүрүүгө тийиштүү көңүл бурулган эмес. Анын зарылдыгы тууралуу канча тапшырма берилбесин, иш ордунан козголгон жок. Муну эске алуу менен Туризмди өнүктүрүү боюнча мамлекеттик фонд түзүү жана 1 миллиард сом бөлүү тууралуу чечим кабыл алынды. Мындан тышкары, туристтик объектилерге алып баруучу жолдорду оңдоп-түзөө ишке ашырылып, туристтик инфраструктураны өнүктүрүүнүн башка маселелери чечилет", — деген Жапаров.

Ал Туризмди өнүктүрүү боюнча мамлекеттик фонд туристтик тармакты өнүктүрүү максатында кеңири ыйгарым укуктарга ээ болорун айткан.

"Туризмди өнүктүрүү фонду туристтик индустрия объектилерин ижарага берүүгө, аларды сатып алуу-сатуу тууралуу келишим түзүүгө, туризм объектилерин биргелешип өнүктүрүү жана алардын үлүштүк курулушу тууралуу келишим түзүүгө, инвестицияларды тартууга, анын ичинде мамлекеттик-жеке өнөктөштүк алкагында тартууга ыйгарым укукка ээ болот. Туристтик тармакка дем берүү үчүн жер пайдалануу мыйзамдарына өзгөртүүлөр киргизилет", — деген министрлер кабинетинин жетекчиси.

Туристтик кластерлерди өнүктүрүүгө чоң маани берилерин: Караколдо — тоо лыжа, Ошто — тарыхый-маданий, Жалал-Абад шаарынын базасында — рекреациялык жана башка ири кластерлер ишке киргизилерин билдирген.

Андан сырткары, Жапаров туризмди өнүктүрүү үчүн Түндүк — Түштүк альтернативдүү жолдун Ысык-Көл облусундагы айланма жолдун курулушу туризм индустриясын өнүктүрүүгө чоң түрткү болот деген пикирин айткан.

Ар бир аймак калктуу пунктулардын дароо таанылышы жана туризм чөйрөсүн өнүктүрүү максатында аймактын жеке өзгөчөлүктөрүнө жараша жөнөкөй жана жеткиликтүү логотиптерди иштеп чыгууга милдеттендирилди.

298
Белгилер:
Кыргызстан, Акылбек Жапаров, туризм, фонд, акча
Тема боюнча
Пенсия менен жөлөк пул 6300 сомдон жогору болот. Президенттин талабы
Акылбек Жапаров: элибиз телефон менен ушакташууга 20 млрд. сом коротуп жатат
Америкалык аскерлер Кыргызстан менен АКШ желектери менен. Архивдик сүрөт

Кыргызстанда Американын базасы жайгашабы? Жапаровдун жообу

0
(жаңыланган 15:30 23.10.2021)
Жапаровдон журналист Афганистандагы акыркы окуяларга байланыштуу Американын базасы орнотулушу мүмкүнбү деп сураган.

БИШКЕК, 23-окт. — Sputnik. Кыргызстанда АКШнын аскер базасы болбойт. Бул тууралуу Садыр Жапаров маалымат жыйында билдирди.

Анда президенттен журналист Афганистандагы акыркы окуяларга байланыштуу Американын базасы коюлушу мүмкүнбү деп сураган. Эске сала кетсек, 2001-жылдан тарта АКШнын базасы "Манас" аэропортунда жайгашып, 2009-жылга чейин ал "Ганси" деп аталып, андан кийин Транзиттик ташуулар борбору болгон.

"Кантта Россиянын базасы бар. 2014-жылы Американын базасы менен келишимди жокко чыгарып, алар чыгып кетишкен. Бизге бир эле база жетет. Эки державанын ортосунда мышык-чычкан ойногубуз келбейт", — деген Жапаров.

Маалымат жыйындын жүрүшү тууралуу Sputnik Кыргызстандын тексттик трансляциясын окуп турсаңыздар болот.

0
Белгилер:
АКШ, Садыр Жапаров, база
Тема:
Жапаровдун 2021-жылдын октябрындагы маалымат жыйыны
Тема боюнча
АКШ Борбор Азия өлкөлөрү менен аскердик объектилерин колдонуу тууралуу сүйлөшүүдө
Президент: диний мекемеде иштеген жарандар шайлоого катыша албайт