Президент Кыргызской Республики Алмазбек Атамбаев

КРдин ЕАЭБке кошулуусуна байланыштуу салык кодексине толуктоолор киргизилди

37
(жаңыланган 07:06 09.01.2015)
КР Салык кодексинин кээ бир ченемдери Евразия экономикалык биримдигинин келишимдик-укуктук базасына ылайык келтирилет.

БИШКЕК, 9-янв — Sputnik. Кыргызстандын президенти Алмазбек Атамбаев "Кыргыз Республикасынын Салык кодексине өзгөртүүлөрдү жана толуктоолорду киргизүү жөнүндө" КР мыйзамына кол койду.

Мыйзам КР Жогорку Кеңеши тарабынан 2014-жылдын 27-ноябрында кабыл алынган.

Мыйзам Кыргызстандын Евразия экономикалык биримдикке кошулуусуна байланышкан мыйзамдардын пакетине кирет, ага ылайык өлкөнүн Салык кодексинин кээ бир ченемдери Евразия экономикалык биримдигинин келишимдик-укуктук базасына ылайык келтирилет.

Тактап айтканда, Бажы союзунун мүчө-мамлекеттеринин аймагында чарба субъекттеринин ишинин алкагында кыйыр салыктарды башкаруунун жаңы эрежелери киргизилет.

37
Белгилер:
Алмазбек Атамбаев, ЕЭБ
Тема:
Кыргызстан Бажы биримдигине кирүүгө ниеттенүүдө (53)
Тема боюнча
Президент "Коомдук саламаттык сактоо жөнүндө" мыйзамды толуктоого кол койду
Президент Алмазбек Атамбаев Бажы биримдигине кирүүнүн себептерин айтты
Эл өкүлү: Бажы биримдиги Кыргызстан үчүн чоң рынокту ачат
Кыргызстандын Евразиялык экономикалык биримдикке кирүүсү боюнча документке кол коюлду
Министрлер кабинетинин төрагасынын орун басары, УКМК жетекчиси Камчыбек Ташиев

Калк үчүн өтө маанилүү дарылардын баасы арзандайт. Ташиев кеңешме өткөрдү

165
(жаңыланган 10:37 18.10.2021)
Кеңешмеге мамлекеттик органдардын жетекчилери, ошондой эле фармацевтикалык компаниялардын өкүлдөрү катышкан.

БИШКЕК, 18-окт. — Sputnik. Министрлер кабинетинин төрагасынын орун басары, УКМК жетекчиси Камчыбек Ташиев дары-дармек менен камсыздоо чөйрөсүндөгү абалды талкуулоо үчүн ведомстволор аралык комиссиянын кеңешмесин өткөрдү. Бул тууралуу өкмөттүн маалымат кызматы кабарлады.

Билдирмеге караганда, кеңешмеге мамлекеттик органдардын жетекчилери, ошондой эле фармацевтикалык компаниялардын өкүлдөрү катышкан.

"Ишкерлер менен конструктивдүү диалог жүрүп, дары-дармек менен камсыз кылуу чөйрөсүндөгү кырдаалдын актуалдуу маселелери талкууланды. Ташиев дары-дармектин баасына, фармацевтикалык бизнестин көйгөйлөрүнө, анын ичинде медикамент аткезчилигине, мамлекеттик жөнгө салуучу органдардын бюрократиялык тоскоолдуктарына тийиштүү маселелерге токтолду. Кеңешменин жыйынтыгында дары-дармектин рыноктук баасын түзүү ыкмаларын кайрадан карап чыгуу, эл үчүн өтө маанилүү дары-дармектин баасын төмөндөтүү чечими кабыл алынды", — деп айтылат маалыматта.

Ошондой эле маанилүү дары-дармектин баасына карата чайкоочулукка жол бербөө максатында мамлекеттик органдардын жетекчилерине конкреттүү тапшырмалар берилгени кошумчаланды.

165
Белгилер:
УКМК, Камчыбек Ташиев, дары-дармек, баа, кеңешме
Тема боюнча
УКМК: дары-дармекти элге кымбат саткандар кармалды
Базар. Архив

Былтыр өлкөнүн кайсы аймагында чекене соода көп болгон. Тизме

353
(жаңыланган 10:39 17.10.2021)
2020-жылы пандемиядагы чектөөлөрдөн улам чекене сооданын көлөмү бардык аймактарда азайган. Анын ичинде көбүрөөк төмөндөө Ысык-Көл жана Жалал-Абадда катталды.

БИШКЕК, 17-окт. — Sputnik. Улуттук статистика комитети былтыр өлкөнүн кайсы аймактарында чекене сооданын көлөмү кандай болгондугу тууралуу маалымат жарыялады.

Эскерте кетчү жагдай, бул статистикага тамактануу жайларынын соодасы кошулган жок.

Бишкек шаарын эске албаганда (жалпы чекене сооданын 36,2 пайызы), алдыңкы орунга Чүй (15,9 пайыз) жана Жалал-Абад (14,5 пайыз) облустары чыкты. Калган региондорго 10 пайыздан төмөн үлүш туура келди.

"Эске салсак, 2020-жылы пандемиядагы чектөөлөрдөн улам чекене сооданын көлөмү бардык аймактарда төмөндөгөн. Анын ичинде көбүрөөк төмөндөө Ысык-Көл (21,1 пайызга) жана Жалал-Абад (25,1 пайызга) облустарында болгон", — деп айтылат билдирүүдө.

Ал эми бул статистикага кошулбаган тамактануу жайларынын жүгүртүүсү боюнча айтсак, 2019-жылга салыштырмалуу былтыр соода 39 пайызга азайып, кафе-ресторандар 15 миллиардга жакын сомдон кол жууган.

353
Белгилер:
Кыргызстан, аймак, соода, экономика
Тема боюнча
Былтыр өлкөдөгү кафе-ресторандар 15 миллиард сомдон кол жууган
Кыргызстан Индия өкмөтүнөн 200 млн. доллар кредит алууну макулдашты
Майрамкан Абылкасымованы акыркы сапарга узатуу зыйнаты

Кыргыз эл акыны Майрамкан Абылкасымованын сөөгү жерге берилди. Сүрөт

0
(жаңыланган 13:23 18.10.2021)
Акынды акыркы сапарга узатууда сөз сүйлөгөндөр Абылкасымованын маданият менен искусствонун өнүгүшүнө эбегейсиз салым кошконун белгилешти.

БИШКЕК, 18-окт. — Sputnik. Кыргыз эл акыны Майрамкан Абылкасымованын сөөгү Бишкектеги "Ала-Арча" көрүстөнүнө коюлду.

Маркум менен коштошуу зыйнаты Абдылас Малдыбаев атындагы опера жана балет театрында өтүп, ага мамлекеттик катчы Сүйүнбек Касмамбетов, Чүй облусунун башчысынын орун басары Нурил Алымбаев, Улуттук жазуучулар союзунун төрагасы Нурлан Калыбеков баш болгон мамлекеттик кызматкерлер, коомдук ишмерлер, акындын калемдештери жана жакындары катышты.

  • Кыргыз эл акыны Майрамкан Абылкасымованын сөөгү Бишкектеги "Ала-Арча" көрүстөнүнө коюлду
    © Фото / пресс-служба МКИСМП КР
  • Государственный секретарь Суйунбек Касмамбетов на панихиде по народному поэту Майрамкан Абылкасымовой в здании театра оперы и балета имени А. Малдыбаева в Бишкеке
    Маркум менен коштошуу зыйнаты Абдылас Малдыбаев атындагы опера жана балет театрында өтүп, ага мамлекеттик катчы Сүйүнбек Касмамбетов, Чүй облусунун башчысынын орун басары Нурил Алымбаев, Улуттук жазуучулар союзунун төрагасы Нурлан Калыбеков баш болгон мамлекеттик кызматкерлер, коомдук ишмерлер, акындын калемдештери жана жакындары катышты
    © Фото / пресс-служба МКИСМП КР
  • Министр культуры Азамат Жаманкулов на панихиде по народному поэту Майрамкан Абылкасымовой в здании театра оперы и балета имени А. Малдыбаева в Бишкеке
    Коштошуу зыйнатында Абылкасымованын Кыргызстандын маданиятын жана искусствосун өнүктүрүүгө эбегейсиз салым кошкону белгиленди
    © Фото / пресс-служба МКИСМП КР
  • Майрамкан Абылкасымова 84 жаш курагында узакка созулган оорудан улам 16-октябрь күнү дүйнөдөн кайткан
    © Фото / пресс-служба МКИСМП КР
  • Ал Бүткүл союздук Ленин комсомолу сыйлыгы жана Кыргыз ССРинин Токтогул атындагы мамлекеттик сыйлыгынын лауреаты
    © Фото / пресс-служба МКИСМП КР
  • 1936-жылы 7-ноябрда Кемин районундагы Алмалуу айылында мугалимдин үй-бүлөсүндө туулган
    © Фото / пресс-служба МКИСМП КР
  • 1958-жылы Маяковский атындагы кыз-келиндер педагогикалык институтунун филология факультетин бүтүргөн
    © Фото / пресс-служба МКИСМП КР
1 / 7
© Фото / пресс-служба МКИСМП КР
Кыргыз эл акыны Майрамкан Абылкасымованын сөөгү Бишкектеги "Ала-Арча" көрүстөнүнө коюлду

Коштошуу зыйнатында Абылкасымованын Кыргызстандын маданиятын жана искусствосун өнүктүрүүгө эбегейсиз салым кошкону белгиленди.

Майрамкан Абылкасымова 84 жаш курагында узакка созулган оорудан улам 16-октябрь күнү дүйнөдөн кайткан.

Ал Бүткүл союздук Ленин комсомолу сыйлыгы жана Кыргыз ССРинин Токтогул атындагы мамлекеттик сыйлыгынын лауреаты. 1936-жылы 7-ноябрда Кемин районундагы Алмалуу айылында мугалимдин үй-бүлөсүндө туулган.

1958-жылы Маяковский атындагы кыз-келиндер педагогикалык институтунун филология факультетин бүтүргөн.

1961-жылы акындын алгачкы "Кичинекей досторго" аттуу туңгуч ырлар жыйнагы чыккан. "Чолпон", "Эстелик сүйлөйт", "Быйыл жаздын гүлдөрү көп" аттуу жыйнактардын автору. Анын ырлары орус, украин, казак, моңгол, немец, поляк, француз тилдерине которулган.

0
Белгилер:
Майрамкан Абылкасымова, өлүм, акын, жерге берүү
Тема боюнча
Актриса Искра Райымкулова көз жумду