Денежные купюры

Каржы министрлиги: өкмөттүн уруксаты жок Интерполго мүчөлүк акы төлөөгө болбойт

(жаңыланган 10:09 09.02.2015)
Каржы министрлиги Интерпол сыяктуу уюмдарга мүчөлүк акы бюджеттин жана атайын каражаттардын эсебинен төлөнө тургандыгын билдирди. Бул маселе боюнча чечимди КРдин өкмөтү кабыл алат.

БИШКЕК, 9-фев — Sputnik. "Кыргызстан Интерпол сыяктуу приоритеттүү уюмдарга мүчөлүк акы төлөйт", — деп билдирди Каржы министрлигинин маалымат катчысы Назар Малаев.

Анын айтымында, Каржы министрлиги приоритеттүү болуп эсептелген 25 эл аралык уюмга гана мүчөлүк акы төлөйт, бирок алардын катарына Интерпол кирбейт.

"Биз каржылоону өкмөттүн токтомуна ылайык Кыргызстан мүчөлүк кылуучу эл аралык уюмдарга жана КМШ алкагындагы интеграциялык бирикмелерге жүргүзөбүз. Ал тизмеде Интерпол жок", — дейт Малаев.

Маалымат катчысы Интерпол сыяктуу уюмдарга аларга бөлүнгөн бюджеттик ассигнациялар менен атайын каражаттардын эсебинен жүргүзүлөрүн билдирди. 

"Мен Интерполдун карызы качан төлөнөрүн билдире албайм, себеби мындай маселелер министрлер кабинетинин деңгээлинде чечилет", — деди Малаев.

Мурдараак Ички иштер министрлигинин маалымат катчысы Бакыт Сеитов Кыргызстан Интерполго мүчөлүк төлөмдөр боюнча 13 жылдан бери топтолуп келген 150 миң евро  карыз деген маалыматты берген.

Белгилер:
Мүчөлүк төлөм, Ички иштер министрлиги, Каржы министрлиги, Интерпол, Бакыт Сеитов, Назар Малаев
Тема боюнча
Кыргызстан БУУга мүчөлүк карызын толугу менен төлөдү
Президент Атамбаев Каржы министри менен республикалык бюджетти талкуулады
Акча каражаттары. Архив

Мөөнөтү өтүп кеткендер бар. Эл микрокредиттик компанияларга канча карыз

Микрофинансы уюмдарынын ассоциациясынан билдиришкендей, кыргызстандыктарга берилген кредиттин көлөмү 25 миллиард сомго жетет.

БИШКЕК, 16-апр. — Sputnik. Кыргызстанда чакан насыя берчү мекемелерден 260 миңден ашуун жаран карыз алган. Бул тууралуу Микрофинансы уюмдарынын ассоциациясынын расмий сайтында жазылган.

Маалымат үстүбүздөгү жылдын 21-январына карата берилген:

  • активдүү кардарлардын саны — 262,6 миң;
  • кредиттин орточо көлөмү — 91,7 миң сом;
  • кредиттик портфель (берилген насыялардын жалпы суммасы) — 24 миллиард 953,6 миллион сом.

Мунун ичинен 4,8 пайызы же 1,2 миллиард сому учурда тобокелдик тобуна кирген кардарлардын колунда. Тагыраак айтканда, төлөө мөөнөтүнөн (30 күндөн көбүрөөк) өткөрүп жибергендердин мойнундагы карыз.

Белгилей кетсек, жогоруда кеп банктар эмес, чакан насыя берчү уюмдар жөнүндө болду.

Белгилер:
экономика, акча, карыз, насыя, Кыргызстан
Тема боюнча
Насыя картасы же "кредитканын" эмне пайдасы бар? Кыргызстандагы банктардын шарты
КРде микрокредит алгандардын саны дагы көбөйдү. Эл акчаны эмнеге жумшайт
Банк. Архив

Былтыр финансы секторуна эң көп кирешени банктар алып келди. Статистика

Өткөн жылы Кыргызстанда 23 коммерциялык банк, 600 финансылык-кредиттик уюм, 15 камсыздандыруу компаниясы жана үч инвестициялык фонд иштеген.

БИШКЕК, 16-апр. — Sputnik. 2020-жылы экономиканын финансы секторунун кирешеси жалпысынан 53 миллиарддан ашык сомду түзүп, 2019-жылга салыштырмалуу 23 пайызга көбөйдү. Бул тууралуу Улуттук статистика комитетинен кабарлашты.

Пайданын басымдуу көлөмүн банктар (финансылык сектордун жалпы кирешесинин 78,2 пайызы) жана микрокредиттик уюмдар (18,2 пайыз) алып келген.

Жалпысынан алганда былтыр экономиканын финансы секторунда 642 уюм иштеген. Анын ичинде Улуттук банк, 23 коммерциялык банк, 600 финансылык-кредиттик уюм, 15 камсыздандыруу компаниясы жана үч инвестициялык фонд бар. 

Белгилер:
киреше, банк, экономика, Кыргызстан
Тема боюнча
Насыя картасы же "кредитканын" эмне пайдасы бар? Кыргызстандагы банктардын шарты
УКМК алты айда мамлекетке канча акча кайтарганын жарыялады
Медициналык кызматкер Бишкектеги ооруканада COVID-19 менен оруган бейтаптар менен

Министр: былтыр ооругандар кайра вирус жуктуруп алууда, вакцина алгыла

(жаңыланган 13:33 16.04.2021)
Министр бардык аймактарда коронавируска кабылгандар жана андан көз жумгандар көбөйүп жатканын эске салды. Себеби антитело сегиз айдан бир жылга чейин жетерин айтты.

БИШКЕК, 16-апр. — Sputnik. Былтыр коронавирус менен ооругандар быйыл кайра ооруну жуктура баштады. Бул тууралуу саламаттык сактоо жана социалдык өнүктүрүү министри Алымкадыр Бейшеналиев маалымат жыйын учурунда билдирди.

"Бардык облустарда ооругандардын саны жогорулап жатат, каза болгондор да көбөйүүдө. Былтыр жайында жуктургандар кайра ооруп жатат. Себеби иммунитет жок болуп баратат. Окумуштуулар антитело сегиз айдан бир жылга чейин жетерин айтышат. Ошондуктан вакцина алуу керек, жамааттык иммунитетти пайда кылышыбыз керек. Президент жана өкмөт башчы менен сүйлөшкөндө экономикалык абалга байланыштуу карантин киргизе албайбыз дешкен. Карыздарыбыз көп, кыйналып калат экенбиз", — деди министр.

Министр элди санитардык жана гигиеналык эрежени сактоого чакырды. Ошондой эле өлкөгө вакциналарды алып келүү боюнча иштер жүрүп жатканын айтты.

Белгилер:
антитело, вакцина, коронавирус, Кыргызстан
Тема:
Кыргызстандагы коронавирус жуктуруп алгандар