Работа Казанского ликеро-водочного завода

Спирт ичимдиктери менен бензинге болгон акциз көтөрүлдү

26
Акциздер Евразиялык экономикалык биримдикке мүчө мамлекеттердин акциздери менен теңештирүү үчүн көтөрүлдү.

БИШКЕК, 12-фев — Sputnik. Жогорку Кеңештин депутаттары Кыргызстандын Салык кодексине өзгөртүү киргизүүнү үчүнчү окууда жактырышты. Ага ылайык, аракка, спирт ичимдиктерине, коньяк, сыра жана бензинге болгон акциздердин базалык ченеми жогорулатылды.

Демилгечилердин айтымында, акциздик салык мамлекеттик бюджеттин толукталышынын булагы гана болбостон, "социалдык зыян деп саналган товарлардын" коом тарабынан көп колдонулушунун алдын алат.

"Акциздик ченемдин жогорулашы Бажы биримдигине мүчө мамлекеттерде белгиленген акциздик деңгээлге жакындоо максатында жасалды", — деп айтылат мыйзамга түшүндүрмө берген билдирүүдө.

Бир катар депутаттар акциздердин жогорулашы ЕАЭБке мүчө мамлекеттер менен атаандашуу мүмкүнчүлүгүн чектейт деп кооптонушкан. Бирок, Евразиялык экономикалык комиссиянын баамында андай болбойт. 2020-жылга карата ЕАЭБке мүчө мамлекеттердин ортосунда бардык ченемдер бирдей болот.

26
Белгилер:
Жогорку Кеңеш, Евразиялык экономикалык биримдик, алкоголь, акциз

Бишкекте бир бөлмөлүү "элиткалар" 3 000 долларга арзандады. Батирлердин баасы

70
2021-жылдын ноябрь айында Бишкекте батирлердин дээрлик бардык категориясына болгон баа өстү. Бирок айрым түрлөрү, тескерисинче, арзандаган.
Бишкекте сатылган батирлердин баасы

Sputnik Кыргызстан ай сайын ачык маалымат булактар аркылуу Бишкектеги батирлердин баасына көз жүгүртүп, өткөн ай менен салыштырып турат.

Бул материалды даярдоо үчүн 1 207 жарыяга көз жүгүртүп, анализдеп чыктык.

Ноябрда ордо калаада өткөн айларга салыштырмалуу батирлердин дээрлик бардык түрү кымбаттаган. 106-сериядагы үч бөлмөлүү батирдин орточо баасы 1 700 долларга жогорулаган. Жеке типтеги үч бөлмөлүү батирлер, тескерисинче, 1 100 долларга арзандаганы маалым болду.

Жеке типтеги эки бөлмөлүү үйлөр 100 долларга көтөрүлүп, 41 600 доллардан сатылууда. Ал эми ичин өзү жасап ала турган бир бөлмөлүү "элиткалардын" баасы 3 000 долларга түшкөн.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) канчадан сатылып жатканын көрсөтүп бердик.

Ачык маалымат булактарына таянсак, ноябрь айында Бишкектеги бир бөлмөлүү батирлердин баасы төмөнкүдөй болду:

  • 104-серия — 31 700 доллар (26 500дөн 35 500гө чейин);
  • 105-серия — 29 500 (23 500дөн 36 500гө чейин);
  • 106-серия — 33 000 (25 900дөн 42 500гө чейин);
  • мейманкана тибиндегилер — 7 000 (6 000ден 9 000ге чейин).

Бир бөлмөлүү "элитка" тибиндеги батирлердин орточо баасы:

  • Жеке типтегилери (18ден 52 чарчы метрге чейин) — 29 400 (16 500дөн 43 000ге чейин);
  • Өзү жасап ала тургандары (32ден 65 чарчы метрге чейин) — 28 000 (19 000ден 42 400гө чейин).

Эки бөлмөлүү батирлердин орточо баасы:

  • 104-серия — 37 600 доллар (31 500дөн 48 800гө чейин);
  • 105-серия — 42 500 (28 500дөн 52 500гө чейин);
  • 106-серия — 46 100 (34 800дөн 58 500гө чейин);
  • мейманкана тибиндегилер — 33 500 (23 200дөн 44 000ге чейин).

Эки бөлмөлүү "элитка" тибиндеги батирлердин орточо баасы:

  • Жеке типтегилери (41ден 99 чарчы метрге чейин) — 41 600 (22 500дөн 68 300гө чейин);
  • Өзү жасап ала тургандары (49дан 94 чарчы метрге чейин) — 46 100 (25 000ден 85 000ге чейин).

Үч бөлмөлүү батирлердин орточо баасы:

  • 104-серия — 45 000 доллар (33 500дөн 60 000ге чейин);
  • 105-серия — 53 100 (24 000ден 73 000ге чейин);
  • 106-серия — 59 700 (40 800дөн 89 000ге чейин);
  • мейманкана тибиндегилер — 40 900 (23 000ден 51 000ге чейин).

Үч бөлмөлүү "элитка" тибиндеги батирлердин орточо баасы:

  • Жеке типтегилери (46дан 160 чарчы метрге чейин) — 54 200 (29 000ден 126 000ге чейин);
  • Өзү жасап ала тургандары (75тен 125 чарчы метрге чейин) — 73 300 (42 500дөн 120 000ге чейин).
70
Белгилер:
Бишкек, батир, баа, анализ, элитка
Тема боюнча
Ижарага батир издеп жүрөсүзбү? Ноябрдагы баалар
JIA бизнес-ассоциациясынын аткаруучу директорунун орун басары Мунара Мураталиева

Мураталиева: Бишкекте "Жашыл экономика-2021" форуму өтөт

20
JIA бизнес-ассоциациясынын аткаруучу директорунун орун басары Мунара Мураталиева 10-декабрда өлкөдөгү жашыл экономиканын өнүгүшүн шарттаган "Жашыл экономика-2021" форуму өтөрүн айтты.

"Жашыл экономика-2021" форумунда финансылык продукцияларды сунуштаган ири компаниялар, финансылык институттар, ишкерлер долбоорлорун жана сунуштарын айтышат. Бул тууралуу Мунара Мураталиева Sputnik Кыргызстан радиосунун эфиринде маек куруп жатып билдирди.

Мураталиева: Бишкекте "Жашыл экономика-2021" форуму өтөт

Анын айтымында, форумдун алкагында Green EXPO 2021 көргөзмөсү уюштурулуп, "жашыл технологияларды" ийгиликтүү ишке ашыруу жолдору сунушталат.

"Бишкекте 10-декабрда "Жашыл экономика-2021" форуму өтөт. Ал эми анын компоненти катары Green EXPO 2021 көргөзмөсү уюштурулат. Анда жашыл экономикага байланыштуу чечимдерди, технологияларды, "жашыл" технологияларды жана "жашыл" продукцияларды сунуштаган ири компаниялар, финансылык институттар катышып, долбоорлорду көрсөтүшөт. Форумда Кыргызстандагы жашыл экономиканын статусу, багыты, маселелерди чечүү жолдору талкууланат. Бирдиктүү план түзүп, анын негизинде иш алып баруу аракеттери көрүлөт. Форум эки компоненттен туруп, офлайн жана онлайн катышуу каралып, мамлекеттик, жеке сектордун өкүлдөрү темаларды талкуулашат", — деди Мураталиева.

Ошондой эле жетекчи форумду Экономика жана коммерция министрлиги JIA бизнес-ассоциациясынын, Агро-өнөр жай комплексин өнүктүрүү ассоциациясынын жана башка өнөктөштөрдүн жардамы менен уюштуруп жаткандыгын кошумчалады.

20
Белгилер:
жашыл экономика, көргөзмө
Тема боюнча
Президент салыктан бошоткон ишканаларга беш талап койду. Тизме
Спорт аянтчасында машыгуучу адам. Архив

Бишкек мэриясы мыйзамсыз павильондорду алып, ордуна сейил бак ачты

10
(жаңыланган 12:52 07.12.2021)
Скверде отургучтар, спорттук шаймандар орнотулуп, айланасы жашылдандырылды. Мэрия мурда бул жерде мыйзамсыз коюлган соода павильондору болгонун билдирди.

БИШКЕК, 7-дек. — Sputnik. Бишкекте дагы бир сейил бак ачылды. Бул тууралуу муниципалитеттен кабарлады.

  • Новый сквер с множеством спортивных тренажеров открыли на пересечении улиц Туголбай-Ата и Раззакова в Бишкеке. 07 декабря 2021 года
    Бишкекте дагы бир сейил бак ачылды
    © пресс-служба мэрии города Бишкек
  • Новый сквер с множеством спортивных тренажеров открыли на пересечении улиц Туголбай-Ата и Раззакова в Бишкеке. 07 декабря 2021 года
    Жаңы сквер Түгөлбай-Ата жана Раззаков көчөлөрүнүн кесилишинде жайгашкан
    © пресс-служба мэрии города Бишкек
  • Новый сквер с множеством спортивных тренажеров открыли на пересечении улиц Туголбай-Ата и Раззакова в Бишкеке. 07 декабря 2021 года
    Скверде отургучтар, спорттук шаймандар орнотулуп, айланасы жашылдандырылды
    © пресс-служба мэрии города Бишкек
  • Новый сквер с множеством спортивных тренажеров открыли на пересечении улиц Туголбай-Ата и Раззакова в Бишкеке. 07 декабря 2021 года
    Мэрия мурда бул жерде мыйзамсыз коюлган соода павильондору болгонун билдирди
    © пресс-служба мэрии города Бишкек
1 / 4
© пресс-служба мэрии города Бишкек
Бишкекте дагы бир сейил бак ачылды

Жаңы сквер Түгөлбай-Ата жана Раззаков көчөлөрүнүн кесилишинде жайгашкан.

"Чакан эс алуу зонасы турак жайларга жакын болгондуктан жашоочулар, өзгөчө балдар үйдөн анча алыс эмес жерде ойноп, эс ала алышат", — деп айтылат билдирүүдө.

Скверде отургучтар, спорттук шаймандар орнотулуп, айланасы жашылдандырылды. Мэрия мурда бул жерде мыйзамсыз коюлган соода павильондору болгонун билдирди.

10
Белгилер:
Бишкек, мэрия, сейил бактары
Тема боюнча
Бишкек мэриясы Кытай грантынын эсебинен жол боюнча ири долбоор сунуштады
Мэрия конуштардагы жер участокторуна техникалык паспорт берет. Шарты
Бишкек мэриясы жаңы жылдык кечеден баш тартып, акчасын кайрымдуулукка жумшайт