Работа ФГУП Антидопинговый центр

Сертификациялоо боюнча лабораториялар майга чейин даяр болушу керек дейт премьер

23
(жаңыланган 13:14 17.02.2015)
Жакынкы арада жабдуулар сатылып алынат деп билдирди Оторбаев. Анын айтымында жабдуулар орнотулгандан кийин персоналдар окутулуп, андан соң көрсөтүлүүчү кызматтардын сапатын талдап баа берүүгө өнөктөштөр чакырылмакчы.

БИШКЕК, 17 фев — Sputnik. Кыргызстандын өкмөт башчысы Жоомарт Оторбаев сертификациялоо боюнча лабораторияларды ишке киргизүү жөнүндө Sputnik кабарчысынын суроолоруна жооп берип жатып билдирди. 

— Сертификациялоо боюнча адистештирилген лабораториялар менен борборлорду жабдуу качан башталат? Аларды өз убагында ишке киргизе алабызбы?

— Бул суроо ЕАЭБга кирүү боюнча биздин жол карталарыбызга киргизилген. Биз Россиядан абдан чоң каржылык колдоо алып жатабыз. 200 миллион долларды түзгөн бул каражат тышкы чек ара тозоттору менен сертификациялоочу лабораторияларды жабдууга жумшалат. Жакынкы арада биз жабдыктарды сатып алып келип, орнотуп, персоналды алар менен иштөөгө үйрөтөбүз. Андан соң көрсөтүлүп жаткан кызматтардын сапатын талдап баалоого өнөктөштөрдү чакырабыз. 

Бардык тараптар түзүлүп жаткан инфраструктурага канааттангандан кийин чек аралар ачылат, бирок мунун баары 9-майга чейин бүтүшү керек.

Жоомарт Оторбаевдин Кыргызстандын ЕАЭБке кирүү жөнүндөгү суроолорго берген жоопторун эксклюзивдүү маектен толук окуңуздар >>

23
Белгилер:
убакыт, мөөнөт, сертификациялоо, лабораториялар, Евразиялык экономикалык биримдик, Жоомарт Оторбаев
Тема боюнча
Фермерлер ЕАЭБ үчүн мөмө-жемиштерди арбын өстүрүшү керек
Электр зымдары. Архив

Дүйнөлүк банк КРде электр энергиянын баасын өзгөртүүнү кубаттады

26
(жаңыланган 14:23 12.05.2021)
Аталган уюм бүгүнкү күндө Европа менен Борбор Азияда электр кубатынын эң арзан тарифи Кыргызстанда экендигин билдирген.

БИШКЕК, 12-май — Sputnik. Дүйнөлүк банк (ДБ) Кыргызстандын бийлиги менен биргеликте өлкөдөгү электр кубатынын тарифин кайра карап чыгуу чечимин кабыл алды. Бул туурасында аталган уюмдун Европа жана Борбор Азия аймагы боюнча вице-президенти журналисттерге айтты.

"Тарифтер энергетика тармагынын чыгымдарын жабуу үчүн өзгөртүлүп жатат. Бул чыгымдардын ордун толтуруу үчүн жасалган кадам болгондуктан Дүйнөлүк банк колдоду. Калктын жетишпей жашаган катмары үчүн социалдык тариф каралганын угуп кубандык", — деген Бьерде.

Аталган уюмдун өкүлү тариф реформасы жетишпей жашагандарга кедергисин тийгизбеши керек деген пикирин билдирген.

"Арзан тарифтер зарыл болгондон да көбүрөөк колдонууга түртөт. Биз анын өзгөрүшүн колдойбуз, себеби бүгүнкү күндө Европа менен Борбор Азияда электр кубатынын эң арзан тарифи Кыргызстанда. Муну менен катар эле тариф реформасы жетишпей жашагандардын мойнуна жүк болбошун каалайбыз", — деген ДБнин өкүлү.

21-апрелде Садыр Жапаров электр кубатынын тарифтерин өзгөртүүнү сунуштаган.

Категориялар:

  • Аз камсыз үй-бүлөлөр үчүн 74 тыйын;
  • Жашоо шарты оор алыскы жана тоолуу аймактардын жашоочуларына 1,04 сомдон;
  • Колунда барларга 1,48 сомдон белгилеп, киловатт-сааттык чекти алып салуу (кышкысын бул категориядагы жарандан 1000 киловатт-сааттан ашканда 2,29 сомдон төлөшү мүмкүн).
26
Белгилер:
тариф, электр кубаты, дүйнөлүк банк, Кыргызстан
Тема:
Жапаров электр кубатынын баасын көтөрүүнү сунуштады
Эл аралык ишкерлер кеңешинин аткаруучу директору Аскар Сыдыков

Экономист: бааны тескөө көмүскө экономиканы күчөтөт

5
Эл аралык ишкерлер кеңешинин аткаруучу директору Аскар Сыдыков азык-түлүк коопсуздугун камсыздоо үчүн жергиликтүү ишкерлерди колдоо зарыл экенин белгиледи.

Бааны тескөө көмүскө экономиканы күчөтүшү ыктымал. Мындай пикирин Аскар Сыдыков Sputnik Кыргызстан радиосуна маек куруп жатып билдирди.

Экономист: бааны тескөө көмүскө экономиканы күчөтөт

Анын айтымында, азык-түлүк коопсуздугун камсыз кылуу максатында бааларды тескөөдөн башка жолдорду колдонуу зарыл.

"Пандемияга байланыштуу экономикалык көрсөткүчтөр абдан төмөндөп кетти. Алсак, былтыр ИДП 8,5 пайызга төмөндөсө, быйылкы жылдын биринчи кварталында тогуз пайыздан ашты. Жумушсуздук жогорулап, жакырчылык өсүүдө. Дүйнөлүк банк, эл аралык уюмдардын божомолдору дагы көңүл жубатарлык эмес. Ошондуктан тышкы соода алаканы жакшыртуу зарыл. Импорттук товарларды алып келүүнү жеңилдетүү, капиталдын көлөмүн жогорулатуу максаты турат. 5-майда президент өз кайрылуусунда жеке менчиктин корголуусу, укук коргоо органдарынын реформасын жүргүзүү жана башка ишкерликти колдоо боюнча маселелерге токтолду. Ошондой эле өлкөнүн азык-түлүк коопсуздугун камсыздоо зарылдыгын белгиледи. Бул багытта этияттык зарыл. Бааны мамлекеттик көзөмөлдөөгө алуу менен көмүскө экономиканы жогорулатып алуу кооптуулугу бар. Себеби бааларды тескөөгө алып, иш атаандаштыктын негизинде жүрбөсө, рынок көмүскөгө кирип кетет. Ошондуктан азык-түлүк коопсуздугун камсыздоо үчүн жергиликтүү ишкерлерди колдоого алуу зарыл. Ал үчүн салыктык жеңилдиктерди берип, аткезчиликти токтотуш керек. Ошондой эле бизнести жөнгө салуучу жол-жоболорду жөнөкөйлөтүү шарт. Ошондо гана экономиканы өстүрүүгө мүмкүндүк түзүлөт", — деди Сыдыков.

Мунун менен бирге ал IT тармагын камтыган креативдүү экономиканы колго алуу менен жакшы натыйжага жетишсе боло турганын кошумчалады.

5
Белгилер:
аткезчилик, ишкер, экономика, Аскар Сыдыков
Тема боюнча
Өкмөт өсүмдүк майы менен кумшекердин баасын 90 күн көзөмөлдөйт
Медициналык кызматкер COVID-19 каршы Sinopharm вакцинасын дарядап жатат

Кыргызстан 20 млн. долларга Кытайдын Sinopharm вакцинасын сатып алат

29
Министрдин айтымында, Дүйнөлүк банк тарабынан бөлүнгөн каражатка препарат сатып алуу чечими кабыл алынган.

БИШКЕК, 12-май — Sputnik. Дүйнөлүк банк бөлө турган 20 миллион долларга Кыргызстан Кытайдын коронавируска каршы Sinopharm вакцинасын сатып алат. Бул тууралуу саламаттык сактоо министри Алымкадыр Бейшеналиев "Биринчи радиого" билдирди.

"Кечээ күнү Дүйнөлүк банк жана донорлор менен кенен чөйрөдө онлайн-конференция болду. Алар бизге ДССУнун тизмесинде турган вакцинаны сатып алууга 20 миллион доллар бөлөт. Биз тизмедеги вакциналарды тандап алууга укугубуз бар, Россиянын "Спутник V" вакцинасы ал тизмеде жок. Бирок Кытайдын Sinopharm препараты бар. Андыктан ошону сатып алабыз", — деди Бейшеналиев.

Кечээ Дүйнөлүк банк жакынкы айларда Дүйнөлүк саламаттык сактоо уюму тарабынан жактырылган коронавируска каршы вакцинаны сатып алууга 20 миллион доллар берери белгилүү болгон.

29
Белгилер:
Алымкадыр Бейшеналиев, сатып алуу, вакцина, Sinopharm, дүйнөлүк банк, Кыргызстан
Тема боюнча
Кытай гуманитардык жардам катары дагы 150 миң доза вакцина берет
Министр: жакында "Спутник V" вакцинасынын дагы 20 миң дозасы келет