Алкогольная продукция

Алкоголдук ичимдик чыгаруучулар ЕАЭБга кирүү кирешелерин кыскартат деп эсептешет

52
(жаңыланган 12:11 28.02.2015)
Алкоголдук ичимдиктерди өндүрүүчүлөр ЕАЭБга мүчө өлкөлөр тараптан агрессивдүү импорттун болушунан майда өндүрүштөр жабылып калат деп кооптонушууда.

БИШКЕК, 27-фев — Sputnik. Кыргызстандын Бажы биримдигине жана Евразиялык экономикалык биримдикке кошулушу ичимдик өнөр жайына терс таасирин тийгизиши мүмкүн деди Sputnik кабарчысына алкоголдук өндүрүмдөрдү чыгаруучу, экспорттоочу жана импорттоочулар ассоциациясынын президенти Акылбек Кунакунов.

Анын айтымында, өлкөнүн ишканаларында чыгарылып жаткан продукция сапаттуу жана экспорттук рынокто атаандаштыкка толук туруштук бере алат. Бирок ошол эле учурда Россия, Казакстан, Беларусь жана Армения сатуу рынокторун кеңейтүүгө муктаж.

"Административдик мүнөздөгү башка бөгөттөр да бар. Алар продукцияны Бажы биирмдигиндеги өлкөлөрдө жүгүртүүдө биздин өндүрүүчүлөргө белгилүү бир тоскоолдуктарды жасайт", — деди Кунакунов.

Ассоциациянын президенти Бажы биримдигине кошулгандан кийин ага тең укуктуу катышуу болоруна ишенип кереги жок деп белгиледи. 

"Россия биздин товарларга айрым бир көзгө көрүнбөс чектөөлөрдү киргизет болуш керек, себеби биздин чыгаргандар ага пайдалуу эмес. Жана азырынча биз ал жакка экспорттоо жөнүндө айта албайбыз, анткени аларда азыр калктын саламаттыгын чыңдоо саясаты жүрүп жатат", — деп билдирди Кунакунов.

Ишкерлер россиялык жана казак өндүрүүчүлөрүнүн бренддери менен бирдей болгон өзүлөрүнүн соода маркалары үчүн тынчсызданып жаткандыгын белгиледи ал.

"Биз ындай бир нече бренд бар экенин аныктадык. "Товардык белгилер жөнүндө" мыйзам бизди куткара албайт. Жана биз жасалма продукциянын пайда болушун күтүп турбайбыз", — деп баса белигиледи ассоциациянын президенти.

Кыргызстандын ЕАЭБга кошулуусунда дагы бир маселе майда ишканалардын биримдикке кирүүчү ири импорттоочуларга атаандаштык кыла албастыгы болот.

"Майда заводдор жабылып калары тууралуу азыр айткым келбейт. Бирок казак кесиптештердин тажрыйбасына таянсак, жергиликтүү ишкерлер мындай маселеге туш болору анык", — деди Кунакунов.

Азыртан эле этил спиртин жана башка ичимдик продукциясын чыгаруу төмөндөп жатат. Бул динге ишенүүчүлөрдүн көбөйгөнүнөн байланыштуу калк аз иче баштаганы менен байланышкан. Өткөн жылы жергиликтүү ишканалар 4,979 миллион декалитр өндүргөн. Бюджетке которуулар 1,148 миллиард сомду түзөт.

52
Белгилер:
Акылбек Кунакунов, Евразиялык экономикалык биримдик, импорт, экспорт, ичимдик
Тема:
Кыргызстан Бажы биримдигине кирүүгө ниеттенүүдө (53)
Тема боюнча
Парламент балдарга спирт ичимдиктерин сатууга жоопкерчиликти күчөттү
Спирт ичимдиктери менен бензинге болгон акциз көтөрүлдү
АКШ долларынын белгиси. Архив

Россияда доллар жайдан бери алгачкы жолу 71 рублге түштү

74
(жаңыланган 14:51 16.10.2021)
Нефтинин кымбаттаганына байланыштуу Россия акчасынын наркы көтөрүлүп бара жатат. Учурда Brent үлгүсү 1,1 пайызга кымбаттап, баасы 84,7 долларга жетти.

БИШКЕК, 16-окт. — Sputnik. Доллардын курсу июль айынан бери алгачкы ирет 70,99 рублге түштү. Бул тууралуу РИА Новости жазды.

Нефтинин кымбаттаганына байланыштуу Россия акчасынын наркы көтөрүлүп бара жатат. Учурда Brent үлгүсүндөгү баасы 1,1 пайызга кымбаттап, 84,7 долларга жетти.

15-октябрь күнү доллар 59 тыйынга арзандады. Аналитиктердин айтымында, рублдин баасынын көтөрүлүп жатканына күйүүчү майдын кымбатташы жана QE программасынын алкагында чыгарылган баалуу кагаздарды сатып алуунун көлөмүнүн азайышы себеп болууда.

QE — Улуттук банктын өлкө экономикасына колдоо көрсөтүү максатында жасаган иш-аракеттер жыйындысы.

74
Белгилер:
Россия, доллар, рубль
Тема боюнча
Сегиз айда Кыргызстандан 335 млн. доллардан көп акча сыртка чыкты
Коммуналдык кызмат үчүн квитанция жана акча. Архив

Электр энергиясы менен жылуулукка канча төлөйбүз? Күчүнө кирген жаңы тарифтер

892
(жаңыланган 13:23 16.10.2021)
Быйыл Кыргызстанда калк үчүн электр энергиясынын жана жылуулуктун тарифтери мурдагы деңгээлинде калтырылган.

БИШКЕК, 16-окт. — Sputnik. Энергетика жана өнөр жай министрлиги "Кыргыз Республикасынын 2021-2025-жылдарга карата электр энергиясына орто мөөнөттүү тарифтик саясатын бекитүү жөнүндө" токтомуна ылайык, 15-октябрдан тартып электр жана жылуулук энергиясы үчүн кандай тариф белгиленгенин маалымдады.

Калк үчүн тарифтер төмөндөгүдөй:

  • калк үчүн бир киловатт-саат электр кубаты 77 тыйынды түзөт. 700 киловатт-сааттан ашса 2,16 сомдон эсептелет;
  • бийик тоолуу аймакта жана шарты катаал жерлерде жашагандар үчүн чектөө коюлбайт, жыл бою мындагылар 0,77 сомдон төлөшөт;
  • суу чыгаруу менен алектенген станциялар бир киловатт-саат электр энергиясы үчүн 1,09 сомдон (салыктарды эске албаганда) төлөшү керек;
  • электр транспорту, балдар интернаттары, карылар жана майыптар үйлөрү, диний мекемелер бир киловатт-саат электр энергиясына 1,68 сомдон (салыктарды эске албаганда) төлөшү керек;
  • башка мекемелер бир киловатт-саат электр энергиясына 2,52 сомдон (салыктарды эске албаганда) төлөшү керек;
  • майнинг-фермалар, алтын, металл иштеткен фабрикалар жана ичимдик өндүргөн ишканаларга бир киловатт-саат электр энергиясын 2,52 сомдон сатуу сунушталып жатат. Бирок белгиленген коэффициенттен ашып кеткен учурда 5,04 сомдон төлөшү керек болот;
  • куюучу, эритүүчү цехтер бир киловатт-саат электр энергиясын 3,78 сомдон алат (салыктарды эске албаганда);
  • цемент заводдору бир киловатт-саат электр энергиясын 3,28 сомдо сатып алат (салыктарды эске албаганда).

2021-жыл жылуулук тарифтери:

  • калк үчүн жылуулук энергиясы үчүн тариф бир гигакалориясы 1 134,76 сом болуп сакталат;
  • ысык суу үчүн тарифи бир гигакалориясы 981,76 сом деңгээлинде сакталат.

Калган колдонуучулар үчүн сунушталып жаткан тариф:

  • жылуулук энергиясы үчүн тариф — бир гигакалориясы 1 802 сом (азыркы баасы 1 695,1 сом);
  • ысык суу үчүн тариф — бир гигакалориясы 1 802 сом.
892
Белгилер:
Кыргызстан, электр энергиясы, ысык суу, жылуулук, баа, тариф
Тема боюнча
Эт — 440, суу май — 131 сом. Бишкекте дем алыш күндөрү өтчү жарманкедеги баа
Жаратылыш. Архив

Жекшембиге карата аба ырайы

0
Жекшембиге караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-окт. — Sputnik. 17-октябрда дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй, Талас облустарында +15...+20, Ош, Жалал-Абад жана Баткен өрөөнүндө +20...+25, Ысык-Көлдө +12...+17, Нарын жергесинде +14...+19 градуска чейин көтөрүлөт.

Борбор калаада күндүн табы +18...+20, ал эми Ош шаарында +23...+25 градус болору болжолдонду.

0
Белгилер:
аба ырайы, Кыргызстан
Тема боюнча
Электр энергиясы менен жылуулукка канча төлөйбүз? Күчүнө кирген жаңы тарифтер