Работа лаборатории. Архив.

Кыргызстанда аккредитациядан 92 лаборатория өттү

73
(жаңыланган 11:45 02.03.2015)
Кыргызстанда эл аралык стандарттар менен КР май айында кире турган жаңы интеграциялык уюмдун талаптарына жооп бере турган 92 лаборатория аккердитациядан өттү.

БИШКЕК, 2-мар — Sputnik. Экономика министри Темир Сариев Кыргызстанда Бажы биримдиги менен Евразиялык экономикалык Биримдиктин алкагындагы мүчө өлкөрдүн жана эл аралык стандарттарга жооп бере турган 92 лаборатория аккредитациядан өткөндүгүн билдирди.

"Атамекендик продукциялардын чек арадан тоскоолдуксуз өтүп, Бажы биримдигине (ББ) мүчө өлкөлөрдүн базарларында сатылышы биз үчүн абдан маанилүү. Учурда 92 лаборатория Кыргыз Аккредитация Борборунан (КАБ) аккредитациядан өттү. Аталган борбор эл аралык стандартка жооп бере турган эл аралык ILAC деп аталган уюмга мүчө. Биздин борбордун сапатын атайын комиссия келип текшерип, анын Бажы биримдигинин талаптарына толук жооп бере тургандыгы боюнча аккредитация бере ала турган орган боло аларын тастыктады. Эгерде биздин лабораториялар КАБдан каттоодон өтсө, алар Бажы биримдиги менен ЕАЭБдин лабораториялар реестирине кирип, бүткүл аймакта таанылат", — деп айтты Экономика министри Темир Сариев.

Лабораториялар боюнча турган дагы бир маселе – алардын кээ бирлеринде терең анализ кыла турган жабдуулардын жоктугу. Муну чечүү үчүн РФ тарабынан көрсөтүлгөн жардамдын алкагында, ББ талаптарына жооп бергидей кылып жабдуу боюнча маселе каралууда. Мындай жайлар бир нече болот, тактап айтканда, ветеринария боюнча өлкөнүн түштүгүндө бир, түндүгүндө бирөө, фитосанитария боюнча да дал ушундай схема менен эки, ал эми тамак-аш жаатында 33 лаборатория жабдылмакчы. 

Лабораториялардын ичинен тамак-аш боюнча иш алып баргандары толугу менен аккредитациядан өтүп, эл аралык стандарттарга жооп берет, жакынкы арада ветеринария боюнча иш алып барган жайлардын да маселеси толугу менен чечилмекчи. Азыр суроо жаратып жатканы – фитосанитардык лабораториялар болууда, алардын жабдуулары начар, кызматкерлер аз. 

Буга чейин Сариевдин КРдеги лабораторияларды Бажы биримдигинин нормаларына ылайыктап кайра жабдыш үчүн 28 миллион 800 миң доллар талап кылынаарын, учурда республика боюнча 80ден ашуун сынак лабораториялар бардыгын маалымдаган. Кыргызстан лабораторияларды жаңылоо, жабдууларын жакшыртуу боюнча Россиядан келе турган 200 миллион доллардын эсебинен чечүүнү пландап жаткандыгын да кошумчалаган. 

Буга чейин премьер-министр Жоомарт Оторбаев Sputnik маалымат сайтына берген маегинде сертификациялоо боюнча лабораториялар майга чейин даяр болушу керектигин айткан. 

73
Белгилер:
лабораториялар, сертификациялоо, мөөнөт, убакыт, Евразиялык экономикалык биримдик, Темир Сариев, Жоомарт Оторбаев

Кыргызстандагы эл көп алган машиналар кымбаттадыбы? Унаа базарындагы абал

194
(жаңыланган 21:02 15.05.2021)
Sputnik Кыргызстан агенттигинин инфографикасында жакшы өтөт деген автоунаанын 15 түрүнүн баасы көрсөтүлдү.
Кыргызстандагы эң өтүмдүү машиналар кымбаттадыбы? Унаа базарындагы абал

Өткөн аптада төмөнкү машиналарга суроо-талап көп болду:

  • Toyota Camry;
  • Daewoo Nexia;
  • Honda Fit;
  • Honda CR-V;
  • Mercedes-Benz E-класс;
  • Daewoo Matiz;
  • BMW 5-серия;
  • Volkswagen Passat;
  • Honda Accord;
  • Honda Odyssey;
  • Lexus RX;
  • Hyundai Sonata;
  • Lada 2107;
  • Toyota Prius;
  • Toyota RAV4.

Инфографикада жылы боюнча популярдуу болгон автоунаалардын баасы көрсөтүлдү. Мониторинг autobaza.kg, cars.kg жана mashina.kg сайттарынын маалыматтарынын негизинде жасалган. Ар бир машинанын баасы доллар менен берилди (Улуттук банктын 14-майга карата берген курсу 84,5 сом болчу).

Унаа базарындагы абал алгачкы анализге (2020-жылдын декабры) караганда кыйла өзгөргөнүн көрүүгө болот.

Көпчүлүк машиналардын баасы орточо 200-1200 долларга көтөрүлгөн. Тизмеге Honda Odyssey, Toyota RAV4, Hyundai Sonata, Lada 210, Lexus RX, E-классындагы Mercedes-Benz, Daewoo Matiz жана 5-сериядагы BMW кирди.

Анткен менен айрым автоунаалар арзандаган. Мисалы, 2017-жылы чыккан машиналардын баасы орточо 3000 долларга түшкөн. Ал эми 2013 жана 2014-жылы чыккан Toyota RAV4 200дөн 1200 долларга чейин арзандаганын көрүүгө болот.

194
Белгилер:
базар, нарк, баа, машина
Тема боюнча
Кыргызстанда курулуш материалдар кымбаттап жатат. Баалар
Кеңсе. Архив

"Кумтөрдүн" кеңсеси тинтүүгө алындыбы? Расмий жооп

230
(жаңыланган 20:29 15.05.2021)
Соңку күндөрү алтын казуучу компаниянын айланасында ар кандай териштирүү, анын катарында соттук иштер да жүрүп жатат. Мындан сырткары, компаниянын ишмердүүлүгүн текшерген мамлекеттик комиссия да иш алып барууда.

БИШКЕК, 15-май — Sputnik. "Кумтөр голд компани" ишканасына карата тергөө иш-чаралары жүрүп жатат. Бул тууралуу Улуттук коопсуздук комитетинин маалымат кызматы билдирди.

Айрым ЖМКлар жазгандай, УКМКнын кызматкерлери бүгүн компаниянын кеңсесине тинтүү жүргүзүп, тиешелүү документтерди алышкан.

Тоо-металлургиялык профсоюзунун борбордук комитетинин төрагасы Элдар Тажибаев да "Кумтөрдө" тинтүү жүрүп, документтер алынганын белгиледи.

Анын айтымында, мунун компанияга тышкы башкаруу киргизүү тууралуу мыйзамга тиешеси жок. Маселе мурда козголгон кылмыш ишине байланыштуу болууда.

УКМКнын маалымат кызматы тергөө амалдары жүрүп жатканын билдирип, окуя тууралуу маалымат берүүдөн, ошондой эле мекеменин кеңсесине тинтүү жүргүзүлгөнү тууралуу суроого жооп берүүдөн баш тартты.

"Кумтөр" боюнча абал

7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Өлкө президенти Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген.

11-май күнү УКМК "Кумтөр голд компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн” ишин иликтеген мамкомиссия Centerra Gold Ink менен кенге байланыштуу бардык келишимдерди жокко чыгарууну сунуштады.

Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар доо арыз берүү каралган.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

230
Белгилер:
жооп, УКМК, тинтүү, кеңсе, Кумтөр
Тема:
"Кумтөргө" 3 миллиард доллар айып салынышы
Тема боюнча
Жапаров: "Кумтөргө" тышкы башкаруу үч жылга киргизилиши мүмкүн
Канада менен Улуу Британиянын элчиликтери Кумтөр боюнча билдирүү жасады
Ала-Тоо аянтындагы фонтандар. Архив

Жекшембиге карата аба ырайы

0
16-майга караган түнү кээ бир аймактарда жаан жаап, күн күркүрөшү, бийик тоолуу райондордо кар жаашы күтүлөт. Бийик тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метрге жетет.

БИШКЕК, 15-май — Sputnik. 16-май, жекшембиде, күндүз республика боюнча күн ачык болот. Бул тууралуу Кыргызгидромет билдирди.

Абанын температурасы Чүй, Талас аймактарында +22...+27, Ош, Жалал-Абад жана Баткен облустарында +26...+31, Ысык-Көл өрөөнүндө +14...+19, Нарында +15...+20 градус жылуу болот.

Ош жана Бишкек шаарларында жаан-чачын күтүлбөйт. Күндүн табы борбор калаада +24...+26, Ош шаарында +26...+31 градуска чейин көтөрүлөрү маалымдалды.

0
Белгилер:
Кыргызстан, аба ырайы
Тема боюнча
Кытай алгачкы жолу Марска космостук аппаратын кондурду