Каширский таможенный пост в подмосковном Домодедово

Бельянинов: Кыргызстандан ЕАЭБге кирүүсүн чыдамсыздык менен күтүп жатабыз

30
(жаңыланган 20:03 03.03.2015)
ЕАЭБдин катышуучу өлкөлөрү Кыргызстандын аталган бирикмеге киришин жана бул боюнча зарыл болгон процедуралардын аягына чыгышын күтүп жатат деп билдирди Россиянын Федералдык Бажы кызматынын жетекчиси.

БИШКЕК, 3-мар. — Sputnik. "Биз бешинчи мүчөнүн ЕАЭБдин командасына киришин чыдамсыздык менен күтүп жатабыз", — деп айтты Россиянын Федералдык Бажы кызматынын жетекчиси Андрей Бельянинов КР өкмөт башчысы Жоомарт Оторбаев менен жолугуп жатып.

Анын айтымында, өткөн жылдын соңу менен быйылкы жылдын башталышы "КР менен РФ үчүн толкунданткан маанилүү кадамдардан болгон".

РФтин аталган кызматынын жетекчиси Кыргызстан ар кыл өлкөлөрдөн келген бизнес, адамдары жана потенциалдуу инвесторлор үчүн "модалуу аймакка" айланып жаткандыгын кошумчалады. 

"Биздин алдыбызда турган милдеттер аткарылат деп ойлойм", — деп айтты Бельянинов.

Өкмөт башчысы Оторбаев ага жооп иретинде КР менен РФтин алакаларында евразиялык интеграция өзгөчө орунда тургандыгын айтты. 

"Биз эки өлкөлөр ортосунда стратегиялык кызматташтыкты бекемдөөдө республиканын багыттарынын өзгөрбөй тургандыгын бекемдей кетмекчибиз. Мен бул демилгеси үчүн Татарстандын президенти менен бул өлкөдөн келген делегацияга ыраазычылыгымды билдирем. Биздин кыргыз-татар форуму майнаптуу болду", — деп билдирди Оторбаев. 

Өкмөт башчысы Кыргызстан эки тараптуу суроолорду талкуулап, кызматташа турган жагдайларды аныктоого кызыкдар болуп жатканын кошумчалады.

"Бизде өзгөчө, өнөр жай жана энергетика жаатында россиялык тарап менен олуттуу долбоорлор өтө көп, алар "Газпром" жана "РусГидро" компаниялары менен байланыштуу", — деди ал. 

Министрлер кабинети Кыргызстан Евразиялык экономикалык биримдикке кошулуу суроолору боюнча мындан ары бир нече сүйлөшүүлөрдү жүргүзүүгө ниеттенип жаткандыгын белгилеп айтты. 

Россия, Беларусь жана Казакстан 2014-жылдын 29-майында Астанада Евразиялык экономикалык биримдик боюнча келишимге кол койгон, аталган документ 2015-жылдын 1-январында күчүнө кирген. 2-январда ЕАЭБге Армения кирген, ал эми Кыргызстандын май айында кирүүсү күтүлүп жатат.

30
Белгилер:
Россия, Кыргызстан, Жоомарт Оторбаев, Андрей Бельянинов, Евразиялык экономикалык биримдик, РФ Бажы кызматы
Тема:
Кыргызстан Бажы биримдигине кирүүгө ниеттенүүдө (53)
Тышкы иштер, тышкы соода жана инвестициялар министри Руслан Казакбаев

Министр Казакбаев Иранды өлкө экономикасына инвестиция жасоого чакырды

6
(жаңыланган 10:35 28.10.2021)
Министр Ирандын элчиси менен туристтик байланыштарды өнүктүрүү, авиарейстерди көбөйтүү жана кийинки жылы бир катар иш-чараларды өткөрүүнү сүйлөштү.

БИШКЕК, 28-окт. — Sputnik. Тышкы иштер, тышкы соода жана инвестициялар министри Руслан Казакбаевге Ирандын элчиси Саид Харразини өлкөнүн ТИМинин атынан расмий чакыруу тапшырды. Бул тууралуу министрликтен кабарлады.

Жолугушууда тараптар кыргыз-иран мамилелерин жана кызматташуунун артыкчылыктуу багыттарын кеп кылышкан. Анда Бишкекте Ирандын соода үйүн жана Бандар-Аббас деңиз портунун транзиттик мүмкүнчүлүктөрүн пайдалануу менен Иран — Түркмөнстан — Өзбекстан — Кыргызстан жаңы темир жол коридорун ачууну талкуулашканы айтылды.

Туристтик байланыштарды өнүктүрүү, авиарейстерди көбөйтүү жана иран тараптын Кыргызстандын гидроэнергетикалык долбоорлорун ишке ашырууга катышуусун да сүйлөшүшкөн.

"Мындан сырткары, министр эки өлкөнүн ортосундагы дипломатиялык мамилелердин 30 жылдыгынын алдында, тагыраагы, 2022-жылы Кыргызстан менен Иранда бир катар биргелешкен юбилейлик иш-чараларды өткөрүүнү сунуштады. Эки тарап расмий сапарларга чыгып, Бишкекте кыргыз-иран өкмөттөр аралык комиссиясын 13-жыйынын өткөрүшөт", — деп жазылган маалыматта.

Министр Казакбаев Ирандын компанияларын Кыргызстандын экономикасынын артыкчылыктуу тармактарына, анын ичинде Ысык-Көлдүн туризм инфраструктурасын өнүктүрүүгө инвестиция салууга чакырган.

Жолугушуунун соңунда тараптар Афганистандагы кырдаал боюнча пикир алмашып, өлкөдө туруктуулукту жана коопсуздукту камсыздоого багытталган аракеттерди улантууга даяр экенин билдиришкен.

6
Белгилер:
Кыргызстан, Иран, Руслан Казакбаев, министр, элчи, жолугушуу, экономика, инвестициялар
Тема боюнча
Парламент Салык кодексинин жаңы редакциясын биринчи окууда жактырды
Кыргызстанга россиялык компаниялардын бизнес-миссиясы келет
Сом монеталары. Архив

Парламент Салык кодексинин жаңы редакциясын биринчи окууда жактырды

158
(жаңыланган 16:21 27.10.2021)
Документте Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталган.

БИШКЕК, 27-окт. — Sputnik. Жогорку Кеңештин депутаттары Салык кодексинин жаңы редакциясынын долбоорун биринчи окууда жактырды.

Салык боюнча жаңы документти биринчи окуудан өткөрүүгө 80 депутат макулдук берип, каршы чыккандар болгон жок.

Жыйында экономика жана коммерция министри Данияр Амангельдиев баяндама жасап, мыйзам долбоору салык мыйзамдарын заманбап экономикалык шарттарга айкалыштырууга, салыктык жол-жоболорду санариптештирүүгө, ишкердикти жүргүзүүдө бирдей шарт түзүүгө жана көмүскө экономиканы кыскартууга багытталганын белгиледи.

Муну менен катар Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталууда. Ал эми тигүү, зергерчилик, авиациялык, электробус тармактарында салыктык жеңилдиктер каралган.

158
Белгилер:
салык кодекси, парламент, жактыруу, долбоор
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси