Работа тепличного комплекса ООО Согласие в Челябинской области

Экономика министрлиги ишкерлерге продукциянын сапатын жакшыртууну сунуштады

75
(жаңыланган 18:59 10.03.2015)
КРдин экономика министринин орун басары Данил Ибраев Кыргызстандан чыгуучу товарлардын сапаты жагынан чоң кыйынчылыктар бар экенине карабай, ЕАЭБнын базарларында татыктуу орун ээлөөгө өлкөнүн мүмкүнчүлүгү бар деп эсептейт. Өндүрүүчүлөр бирикме сунуштаган шарттарды толук колдонгон учурда гана буга жетишүүгө болот дейт ал.

БИШКЕК, 10-мар — Sputnik. "Бүгүнкү Кыргызстандагы ишкердик өзү бутуна турду жана бул үчүн ишкерлерге баа бериш керек", — деди "Евразиялык интеграция: өнүгүүгө карай жол" деп аталган илимий-практикалык конференцияда экономика министринин орун басары Данил Ибраев.

Анын айтымында, жергиликтүү товарлардын сапаты жагынан кыйынычылыктар көп. Бул алардын Евразиялык экономикалык биримдиктеги атаандаштык жөндөмүн төмөндөтөт, ошондуктан КРди алдыда чоң жана көп аракетти талап кылчу иш күтүп турат.

Республика олуттуу атаандаштык аймагына кирип жаткандыгын кошумчалады чиновник.

"Азыр ЕАЭБга жана Бажы биримдигине кошулуу биздин ишкердикти атаандаштык күчтүү болгон чөйрөгө алып келет. Ал өнөктөш өлкөлөрдө жайгашкан ири субсидиялуу чоң ишканалары менен ат салышат", — деди Ибраев.

Ал айыл чарба тармагы начар абалда экенин белгиледи. Чоң кооперативдердин ордуна майда товар чарбалары жана чакан өндүрүштөр түзүлгөн. Ушуну жана жердин сапаты начарлагандыгын эске алганда, жашылча-жемиш, өсүмчүлүк жагынан мүмкүнчүлүктөр чоң эмес.

Бирок министрдин орун басары Кыргызстан ЕАЭБнын базарларында жакшы орундарды ээлөөгө мүмкүнчүлүгү бар деп эсептейт. Себеби өлкөнүн адамдык жана энергетикалык ири ресурстары бар. 

"Бизде эмгек акысы өнөктөш мамлекеттерге салыштырганда 3-4 эсе төмөн, ушунун өзү атаандаштык артыкчылыгы болуп эсептелет. Биздин товар жок дегенде Евразия мейкиндигинде экологиялык жактан эң таза деп эсептелишине сыймыктанабыз. Бирок, тилекке каршы, ал өнүккөн өлкөлөрдө орнотулган стандарттарга азырынча туура келбейт", — деп белгиледи Ибраев.

Технологиялык жабдуу төмөн, каржылык жетишсиздик, арзан логистиканын жоктугу сыяктуу көйгөйлөргө карабай, КР ЕАЭБ берүүчү башка артыкчылыктарды пайдалана алат. Бул товарлардын, эмгек ресурстарынын, капиталдардын жана кызматтардын эркин кыймылы деп эсептейт министрдин орун басары. 

Экономика министринин кеңешчиси Олег Панкратов Кыргызстан кайра экспорттоодон баш тартып өз өндүрүшү менен алектенүү зарыл дейт. 

"Өлкө товарларды ири көлөмдө чыгарбай калганда, акырындап кайра экспорттого ылайыкташкан. Мындай форматта көпкө чейин иш алып барса болот. Баарына тең жакшы, баары ыраазы, бирок сырткы чөйрө улам өзгөрүп турат. Жана ЕАЭБга кошулуу ушунун белгиси болду", — деп түшүндүрдү Панкратов.

Ал КР өзүнүн сатуу рыногун бардык мүмкүнчүлүктөрдү пайдалуу менен кеңейтиши керектигин кошумчалады.

"Ошондуктан азыр өнүгүүнүн артыкчылык маанидеги жолдорун кайра кароо зарылчылыгы келип жетти. Дал ушул үчүн биз Евразиялык экономикалык биримдикке жана Бажы биримдигине кошулуп жатабыз", — деди кеңешчи.

Панкратов республиканын интеграцияланышы азыркы күнгө ылайык багытта өнүгүүгө мүмкүнчүлүк бере тургандыгын белгиледи.

75
Белгилер:
Данил Ибраев, Олег Панкратов, Бажы биримдиги, Евразиялык экономикалык биримдик, Экономика жана коммерция министрлиги, атаандаштык, интеграция
Тема боюнча
Фермерлер ЕАЭБ үчүн мөмө-жемиштерди арбын өстүрүшү керек
Коронавируска кабылган бейтаптарды караган медик. Архивдик сүрөт

“Омикрон” менен пандемия аяктайбы? Вирусологдун божомолу

50
Буга чейин окумуштуулар жаңы штаммдын башкаларга жугуу жөндөмдүүлүгүн жана эмдөөдөн өткөндөрдүн коргоочу антителолоруна туруктуулугун көрсөтүп жатканын айтышкан.

БИШКЕК, 4-дек. — Sputnik. Коронавирустун “омикрон” штаммынын пайда болушу менен COVID-19 илдети мурдагыдан жеңилирээк өтүп, кесепети дагы мурдагыдай оор болбой калышы мүмкүн. Мындай пикирин Sputnik радиосунун эфиринде Гамалея борборунун профессору, вирусолог Анатолий Альтштейн билдирди.

Адис ДССУнун бул вирус дүйнө жүзүнө жыл жаңырганга чейин жайылып кетет деген пикирине кошулбай турганын айтты.

"Жаңы жылга чейин жайылып кетүүгө үлгүрбөйт. Мисалы, "дельта" 2020-жылдын күзүндө пайда болуп, дүйнөнүн ар тарабына быйылкы жылдын май-июль айларында жетти. Андыктан “омикрондун” канчалык жугуштуу экенин азырынча так кесе айтууга эрте”, — деди Альтштейн.

Ошондой эле ал омикрондун кандай алсыз жактары бар экенин айтып, дал ушул штамм менен пандемия аякташы мүмкүн экенин божомолдоду.

“Штаммдын S-белогу 32 жолу мутация болгон. Бул өтө көп, демек, геному алсыз. Буга чейин жуктуруп алган 100 киши жеңил формада ооруп жатат, каза болгондор жок. Коронавирустан өлгөндөрдүн саны кадимки грипптен көз жумгандарга теңелип калганда пандемия бүттү деп айтсак болот. Бул жаатта алганда пандемия “омикрон” менен бүтүп калышы дагы ыктымал”, — деди вирусолог.

Анткен менен адис сөзүнүн соңунда бардыгы бул штамм улгайган адамдарга жеткенде гана белгилүү болорун кошумчалады.

Буга чейин ДССУ Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталганын, анда патоген клеткаларды жугузуучу S-белоктун 32 мутациясы бар экенин билдирген. Окумуштуулардын айтымында, SARS-CoV-2 геномундагы жаңы өзгөрүүлөрдүн көбү бул варианттын башкаларга жугуу жөндөмдүүлүгүн жана оорулуулардын, эмдөөдөн өткөндөрдүн коргоочу антителолоруна туруктуулугун көрсөтүп турат.

50
Белгилер:
коронавирус, 'омикрон' штаммы, вирусолог, божомол
Тема:
Дүйнөгө жайылган коронавирус
Тема боюнча
"Омикрон" штаммынан коргонуунун жападан жалгыз жолу айтылды
Биткоиндин бельгиси тартылган монета. Архивдик сүрөт

Биткоиндин курсу 42 миң долларга чейин түшүп кетти

103
Ишембиге караган түндөгү арзандоонун эпкини Ethereum, Litecoin жана Monero сыяктуу популярдуу криптовалюталарга да тийген.

БИШКЕК, 4-дек. — Sputnik. Биткоиндин баасы 4-декабрда 42 миң долларга чейин түшүп, сентябрдын аягынан бери эң төмөнкү чекке жетти. Бул тууралуу РИА Новости жазды. 

Ишембиге караган түнү белгилүү криптовалюталардын курсу болжол менен 20 пайызга төмөндөп, ал эми бул рыноктун жалпы капитализациясы 16 пайызга азайып, 2 триллион долларга чейин түшкөн.

4-декабрдын таңында курстун төмөндөшү бир аз басаңдаган. Алып-сатуунун көлөмү боюнча алдыда турган Binance биржасында Бишкек убактысы боюнча саат 13:00гө карата биткоин 16,7 пайызга, тагыраагы, 47,25 миң долларга чейин арзандады. Ал эми 20дан ашык биржанын орточо баасын эсептеген CoinMarketCap порталынын маалыматы боюнча, биткоин 16,36 пайызга — 47,6 миң долларга чейин арзандаган.

Буга чейин сатуунун жүрүшүндө биткоин 30-сентябрдан бери биринчи жолу 42 миң долларга чейин төмөндөгөн.

Арзандоонун эпкини Ethereum, Litecoin жана Monero сыяктуу популярдуу криптовалюталарга тийген. Ethereum 14,91 пайызга (3,89 миң доллар), Litecoin 24,96 пайызга (153,2 доллар) жана Monero 18,76 пайызга (195,9 доллар) түшкөн.

Криптовалютанын наркы 16 пайызга төмөндөп, 2,2 триллион доллар болуп калган. Ноябрдын башында бул көрсөткүч тарыхта биринчи жолу 3 триллион долларга жеткен.

103
Белгилер:
биткоин, курс, криптовалюта
Тема боюнча
Жасалма биткоин, финансы пирамидасы. Милиция шылуундарды кантип билсе болорун айтты
Биткоин, акция менен акча табуу. Финкөзөмөл шылуундардын тобу чыкканын эскертти
Тоого чыгып аткан туристтер. Архивдик сүрөт

Кегетидеги Көл-Төргө чыккан кореялык турист көз жумду

0
(жаңыланган 20:45 04.12.2021)
Чет өлкөлүк туристтин эс-учун жоготуп жыгылганы боюнча маалымат Өзгөчө кырдаалдар министрлигине түшкөн.

БИШКЕК, 4-дек. — Sputnik. Чүй районундагы Кегети капчыгайынын жогору жагында жайгашкан Көл-Төр көлүнө чыккан Түштүк Кореянын жараны каза болгонун ӨКМ билдирди.

Маалыматта чет элдик турист 70 жашта экени айтылат. Анын белгисиз себептерден улам эс-учун жоготуп жыгылганы тууралуу кабар ӨКМдин 112 кызматына саат 13.22лер чамасында түшкөн.

Жерине тартылган Токмок шаарынын төрт куткаруучусу сөөктү түшүрүп, ИИМ кызматкерлерине өткөрүп беришкен.

0
Белгилер:
Чүй облусу, Кегети капчыгайы, Көл-Төр, сөөк, ӨКМ, ИИМ, турист
Тема боюнча
Ысык-Көлдө 15 күн мурда жоголгон турист кыздын сөөгү табылды. Сүрөттөр