Темир Сариев министр экономики Кыргызской Республики

Сариев менен Лаврова кыргыз-орус фондунун директорлор кеңешине кирди

45
(жаңыланган 09:20 12.03.2015)
Кыргыз өкмөтү аларды дайындоо жөнүндө 6-мартта буйрукка кол койду.

БИШКЕК, 12-мар — Sputnik. Экономика министри Темир Сариев менен Каржы министри Ольга Лаврова кыргыз-орус өнүгүү фондунун директорлор кеңешине Кыргызстандын атынан бекитилгенин өкмөттүн маалымат кызматы билдирди.

Буйрукка 6-мартта кол коюлган.

Февраль айынын башында кыргыз-орус өнүгүү фондун Нурсулу Ахметова жетекетеген. Андан сырткары башкармалыктын дагы башка мүчөлөрү аныкталды. Башкармалыкка "РСК Банктын" жетекчисинин мурдагы орун басары Алмаз Айбалаев жана KICB банкынын башкармалыгынын мүчөсү Бакыт Курманбеков кирди.

Директорлор кеңешине Россия тараптан үч өкүл жана Кыргызстандан эки өкүл кирет. Ал эми кеңештин башкармалыгында Кыргызстандан үч, Россия тараптан эки өкүл болот.

45
Белгилер:
Ольга Лаврова, Темир Сариев, Нурсулу Ахметова, Алмаз Айбалаев, Бакыт Курманбеков, Кыргыз-орус инвестициялык фонду
Тема боюнча
Нурсулу Ахметова Кыргыз-Орус өнүктүрүү фондунун башкармалыгын жетектеди
Шайлоого келген аял. Архивдик сүрөт

Парламенттик шайлоону өткөрүүгө канча каражат кетери белгилүү болду

40
(жаңыланган 18:10 17.09.2021)
Кыргызстанда парламенттик шайлоо үстүбүздөгү жылдын 28-ноябрына белгиленген. Бул ирет аралаш система менен өтөт.

БИШКЕК, 17-сен. — Sputnik. Жогорку Кеңешинин депутаттарын шайлоону даярдоого жана өткөрүүгө кете турган чыгымдардын жалпы суммасы 592 миллион 531 миң сомду түздү. Бул тууралуу Борбордук шайлоо комиссиясы билдирди.

Анын ичинен БШКнын жеке өзүнүн чыгымдары 235 миллион 035,0 миң сом. Мында шайлоо комиссиялары үчүн зарыл болгон борборлоштурулган сатып алууларды ишке ашыруу үчүн каражат камтылган.

Округдук шайлоо комиссияларына 339 миллион 496 миң сом бөлүнөт. Ал эми чет өлкөдөгү шайлоо комиссияларына 18 миллион сом каралган.

Кыргызстанда парламенттик шайлоо 28-ноябрга белгиленген. Бул ирет аралаш система менен өтөт. 75 партия жарышка катышуу ниетин билдирген. Учурда бир мандаттуу округдардан чыккан талапкерлердин арызы кабыл алынууда.

40
Белгилер:
парламенттик шайлоо, акча, чыгым
Тема:
Жогорку Кеңешке жаңы тартип менен болчу шайлоо
Тема боюнча
БШК бул шайлоодо талапкерлерди кандай тобокелчилик күтөрүн айтты
Шайлдабекова: былтыр бийлик менен акчанын тиреши шайлоону талкалаган
Председатель КНР Си Цзиньпин слушает премьер-министра Японии Синдзо Абэ во время встречи в Большом Народном зале в Пекине. 23 декабря 2019 года

Си Цзиньпин: Кытай ШКУ өлкөлөрүнө жакырчылыктан чыгуу жолдорун көрсөтүүгө даяр

46
(жаңыланган 16:14 17.09.2021)
Ушул жылдын 25-февралында Си Цзиньпин кытай эли толугу менен жакырчылыкты жеңгенин жар салган. Эми Кытай бул тажрыйбаны башкалар менен бөлүшүүнү көздөп жатат.

БИШКЕК, 17-сен. — Sputnik. Кытай Шанхай кызматташтык уюмуна мүчө мамлекеттердин жарандарына жакырчылык менен күрөшүү боюнча билим алуу үчүн 1 000 квота берет. Бул тууралуу өлкө башчысы Си Цзиньпин Душанбе шаарында өтүп жаткан ШКУ саммитинде айтканын РИА Новости жазды.

"Алдыдагы үч жыл ичинде Кытай ШКУга мүчө мамлекеттерге 1 000 квота берүүгө даяр. Ага илинген балдар жакырчылыктан чыгуунун жолун издеген кесиптер боюнча билим алат", — деп айтылат кабарда.

Ушул жылдын 25-февралында Си Цзиньпин кытай эли толугу менен жакырчылыкты жеңгенин жар салган. Акыркы сегиз жыл ичинде коңшу өлкөдө 100 миллиондой адам итке минген абалдан чыгарылган. Мунун аркасы менен Кытай БУУнун жашоону жакшыртуу программасына ылайык алдыга коюлган максатка жеткен.

ШКУ — 2021-жылы түзүлгөн эл аралык уюм. Ага Кытай, Россия, Казакстан, Тажикстан, Кыргызстан жана Өзбекстан кирет.

46
Белгилер:
Кытай, ШКУ, жакырчылык, квота, билим берүү
Тема боюнча
ЖМК: Си Цзиньпин Байдендин жолугушуу тууралуу сунушун кабыл албай койду
Байден: Си Цзиньпин Кытай Америкага 15 жылда ээлик кыларына ишенүүдө
Си Цзиньпин кесиптеши Садыр Жапаровду Кытайга чакырды

Алия Шагиеванын атасына арнаган эмгектери. Аянттагы акциянын видеосу

0
"Ала-Тоо" аянтында "Ветер перемен" аталышындагы акция өттү. Аны мурдагы президенттин кызы Алия Шагиева уюштурду.

Акция саясий репрессияга каршы багытталып, Алмазбек Атамбаевдин 65 жылдыгына арналды. Шагиева көргөзмөгө бир нече картиналарын жана тематикалык инсталляцияларды алып чыкты. Жасаган эмгектерин Айкөл Манастын эстелигинин алдына койгон.

Иш-чарага Атамбаевдин үй-бүлөсү жана үзөңгүлөштөрү катышты.

Атамбаев эки жылдан бери абакта отурат. Ден соолугу начарлаганына байланыштуу учурда №47 колонияда кармалууда.

0
Белгилер:
Алия Шагиева, акция, көргөзмө, Алмазбек Атамбаев
Тема:
Алмазбек Атамбаевдин кармалышы
Тема боюнча
Алия Шагиева атасы Алмаз Атамбаевге арнап аянтта акция уюштурду. Сүрөт
Акыйкатчы Токон Мамытов абакта жаткан Алмазбек Атамбаев менен жолукту