Эт базар. Архив

Кыргызстан ЕАЭБ үчүн эт өндүрүүнү көбөйтөт

68
(жаңыланган 16:37 18.03.2015)
Кыргызстан ЕАЭБ өлкөлөрүнө жылына 30 — 50 миң тонна эт экспорттой алат. Андан тышкары, республика жашыл-жемиш, бакча өсүмдүктөрүн жана кургатылган жер-жемиштерди экспорттоо мүмкүнчүлүгүн кеңейтүү ниетинде.

БИШКЕК, 17-мар — Sputnik. Кыргызстан айыл чарба жагынан өзүнүн экспорттук мүмкүнчүлүктөрүн, айрыкча жашылча-жемиштерди жана этти сыртка алып чыгууну көбөйтүү ниетинде деп билдирди Sputnik кабарчысына айыл чарба жана мелиорация министри Таалайбек Айдаралиев.

Анын айтымында, өлкө 2014-жылы ЕАЭБ мамлекеттерине 30 миң тоннадан ашык өсүмдүк түрүндөгү айыл чарба өндүрүмүн саткан.

"Биз экспорттун көлөмүн биринчи кезекте эт-сүт азыктарынын эсебинен көбөйтөлү деп жатабыз. Бул биз май айында ЕАЭБга толук киргенден кийин болот. Бүгүнкү күндө биз жылына 30 — 50 миң тонна продукция сунуштай алабыз. Керек болсо, эттин көлөмүн жогорулатууга алыбыз жетет. Ошондой эле КР жашылчаны сатууну да көбөйткөнү турат. Евразиялык экономикалык биримдиктин аймагына сатууга боло турган өндүрүмдөрдүн тизмеси азыр кеңейүүдө", — деди Айдаралиев.

Министр республиканын айыл чарба продукциялары атаандаштыкка жакшы туруштук бере алат деген пикирде. Биринчи кезекте ал өзүнүн экологиялык тазалыгы жана баасынын салыштырмалуу арзандыгы менен бааланат.

"Казакстан, Россия, Беларуссия өлкөлөрүндө аба ырайынын өзгөчөлүгүнө байланыштуу өзүлөрүн камсыз кыла албай турган айрым жашылча-жемиштердин Кыргызстанда өсүшү бизге артыкчылык берип турат. Буга кургатылган жемиштер, жашылчалардын түрлөрү, сарымчак, пияз, дарбыз-коон, ачуу жана таттуу калемпир кирет", — деп белгиледи Айдаралиев.

Өлкөнүн дыйкандары жашылча, жер-жемиштердин аянттарын кеңейтип, экспорттоо үчүн кургатылган продукцияны даярдоону көбөйткөнү жаткандыгын билдирди.

"Биз дан өсүмдүктөрүн айдоо аянтын кыскартып, өзүбүздүн азык-түлүк коопсуздугубузду камсыз кылгыдай деңгээлде гана калтырууну пландап жатабыз. Анын ордуна жашылча жана бакча өсүмдүктөрүнүн жери кеңейтилмекчи. Мында бадыраң, помидор, таттуу жана ачуу калемпир, кант кызылчасы сыяктуу жашылчалардан сырткары бедени айдоо да көбөйтүлөт", — деп баса белгиледи Айыл чарба министри. 

Айдаралиев жергиликтүү калк республика азык-түлүксүз калат деп кабатыр болбошу керек деп кошумчалады. Көпчүлүк өндүрүүчүлөр биринчи кезекте жергиликтүү рынокко багытталган.

"Анын үстүнө чет мамлекетке кете турган продукция башынан эле жергиликтүү рынокко арналган эмес. Бул жолдо ташып жүрүүгө чыдамдуу жашылча-жемиштер. Ага бакча өсүмдүктөрүнүн, помидор, бадыраң, пияз жана калепмпир сыяктуу жашылчалардын белгилүү бир сорттору кирет", — деп түшүндүрдү министр.

Ал кант кызылачасына байланшкан абал тынчсыздандырып жатканын айтып, аны сатуу жагында кыйынчылыктар бар экендигин моюнга алды. 

"Кыргызстан азыр өзүн кант менен 20 пайызга гана камсыз кылып, калганын сырттан алып келип жатат. Учурда өкмөт кант өндүрүү, сатуу жана кайра иштетүү маселеси менен алектене турган "Кыргызпродсах" корпорациясын түзүүнү тапшырды. Биз кант өнөр жайын өнүктүрүү программасын иштеп чыгуунун үстүндө иштеп жатабыз. Министрлер кабинетинин кийинки пландарында Чүй областынын чыгыш бөлүгүндө кантты кайра иштетүүчү завод ачуу турат. Баса, кант кызылчасын сатып алуу баасын биз эмес, өндүрүүчүлөр белгилейт. Биз эки тарапка тең ыңгайлуу варианттарды табуу үчүн алар менен сүйлөшүүлөрдү жүргүзөбүз", — деп белгиледи Айдаралиев.

Ошондой эле ал министрлик үрөн-уруктардын сапаты боюнча олуттуу иш алып бара тургандыгын билдирди. Азыркы учурда областтарда үрөн чарбаларында "Үрөндөр жөнүндө" мыйзамга туура келүү жагынан текшерүү жүрүп жатат. Анын жыйынтыгы боюнча сапаттуу үрөн-урук сакталган чарбалар гана өз иштерин алып барат. 150дөн ашуун совхоз кыскартылышы ыктымал.

68
Белгилер:
айыл чарба продукциясы, экспорт, Евразиялык экономикалык биримдик, Таалайбек Айдаралиев
Тема боюнча
Фермерлер ЕАЭБ үчүн мөмө-жемиштерди арбын өстүрүшү керек

Майды аз ичкен өтүмдүү автоунаалардын баасы. Инфографика

178
(жаңыланган 19:51 05.12.2020)
Sputnik Кыргызстан унаа базарларындагы бааларды карап чыгып, майды аз ичкен жеңил автокөлүктөрдүн орточо наркын эсептеди.

Агенттик autobaza.kg, cars.kg, turbo.kg жана mashina.kg ресурстарына таянды. Бул жактагы баалар бири-биринен дээрлик айырмаланбайт. Окурманга ыңгайлуу болсун үчүн ар бир автонун Улуттук банктын 4-декабрдагы курсу менен белгиленген баасын киргиздик.

Эл көп алган 10 автоунаа төмөнкүдөй болду:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Mazda Demio;
  • Volkswagen Golf;
  • Chevrolet Spark;
  • Honda Civic;
  • Toyota Prius.

Тизмедеги эң арзан машина Lada 2107 болду. 2001-жылы чыгарылган үлгүсү 1 179 доллар деп бааланууда. Экинчи орунда Daewoo Matiz турат, колдон 1 754 долларга сатып алууга болот. Эң кымбаты — Toyota Prius. 2010-жылы чыгарылганы 9 670 доллар турса, ал эми 2014-жылкысы 11 147 доллардан сатылууда.

178
Белгилер:
май, Кыргызстан, базар, баа, автоунаа
Тема боюнча
Бишкектеги батирлер канча турат? Ноябрь айындагы баалар
Тышкы иштер министри Руслан Казакбаев. Архивдик сүрөт

Кыргызстан референдум өткөрүүгө БУУдан техникалык жардам сурады

120
(жаңыланган 12:56 05.12.2020)
Жолугушуунун негизги темасы өлкөдөгү конституциялык реформа жана БУУнун Кыргызстанга көмөктөшүүсү болгон.

БИШКЕК, 5-дек. — Sputnik. Тышкы иштер министри Руслан Казакбаев БУУнун Кыргызстандагы туруктуу координатору Озонниа Ожиелону кабыл алды. Бул тууралуу ведомствонун маалымат кызматы билдирди.

Жолугушуунун негизги темасы өлкөдөгү конституциялык реформа жана БУУнун Кыргызстанга көмөктөшүүсү тууралуу болгону айтылат.

"Министр жакынкы айларда башкаруу формасын тандоо, Конституцияны кабыл алуу, президенттик жана парламенттик шайлоолорду өткөрүү пландалып жатканын айтты. Буга байланыштуу ал БУУнун туруктуу өкүлүнө аталган маанилүү жалпы элдик иш-чараларды өткөрүүгө техникалык жардам көрсөтүү өтүнүчү менен кайрылды", — деп айтылат маалыматта.

Ал эми Ожиело Баш мыйзамдын жаңы редакциясын иштеп чыгуу эгемендүү мамлекеттин укугу экенин айтып, ошону менен бирге адамдардын эркиндиги жана укуктарын сактоого маани берүү керектигин белгилеген.

Ошондой эле ал Бириккен Улуттар Уюму Кыргызстанга конституциялык реформанын алкагында документтерди иштеп чыгуунун сапаттуулугун арттырууга көмөктөшүүгө даяр экенин билдирген.

120
Белгилер:
референдум, жардам, Кыргызстан, БУУ, Руслан Казакбаев
Тема:
Кыргызстандагы президенттик шайлоо – 2021
Тема боюнча
Министр Казакбаев АКШ элчиси менен сүйлөштү. Ортодо эмне кеп болду
Кыргызстан чет өлкөлүк донорлордон дагы 429 млн. доллар күтүп жатат
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен