Базар баасы. Архив

КР экспорттоло турган продукциянын баасын Европа биримдигине ылайыктайт

111
(жаңыланган 16:43 14.04.2015)
КРде экспорттук продукцияны чыгаруучулар Евразиялык экономикалык биримдиктин гана эмес, ЕБдин да рыногун багындыруу ниетинде. Жана өндүрүмдөргө ылайыктуу бааны калыптандырып, атаандаштарды чететте алышса, муну ишке ашыруу толук мүмкүн.

БИШКЕК, 14-апр. — Sputnik. Кыргызстан экспортко чыгаруучу товарлардын баасы атаандаштык кыла алгыдай баада болуп, бирок ошол эле учурда өндүрүүчүлөргө зыян келтирбеши керек деп билдирди Sputnik менен болгон маегинде КРдин Экономика министрлигинин соода саясаты башкармалыгынын жетекчиси Таалайбек Бекташев.

Кыргызстан Евразиялык экономикалык биримдикке кошулуусунун алкагында айыл чарба жана башка өндүрүмдөрдү чыгаруучулар ЕАЭБ өлкөлөрүнө товарлардын экспортун көбөйткөнү жатышат. Мында жашылча-жемиштерге, кургатылган мөмө-жемиштерге, жаңгак, сүт азыктарына ж.б. басым жасалмакчы. Өткөн жылы ЕАЭБ өлкөлөрүнө импорттун көлөмү 493 миллион долларды түздү.

Бекташевдин айтымында, жергиликтүү ишкерлер экспорттук товарлардын бааларын анын өздүк наркына таянуу менен түзүүгө аргасыз. Ал эми өздүк нарк болсо товарды өндүрүүгө кеткен чыгымдар менен жумушчулардын эмгек акысына кеткен төлөмдөргө жараша түзүлөт. 

"Чынын айтыш керек, КРде эмгек акысы Өзбекстан менен Тажикстанга караганда жогору турат. Ошондуктан алардын товары биздикине караганда бир топ арзан", — деди адис.

Мамлекет өндүрүүчүгө өз товарын канчага балашы керектигин көрсөтүп буйрук кыла албайт деп кошумчалады ал. Өлкөнүн экспорттук мүмкүнчүлүгүн жакшыртуу үчүн жакында эле үч жылдык экспортту өнүктүрүү планы кабыл алынгандыгын белгиледи Бекташев. 

Аталган документ өзүнүн конкреттүү сунуштарын киргизген ишкерлердин жана чет элдик адистердин жардамы менен бир нече жылда иштелип чыкты.

"Биздин өнүгүшүбүзгө эмнелер тоскоол болуп жаткандыгын талкуулап, өнүктүрүүгө өзгөчө басым жасаш керек болгон өзүбүз үчүн артыкчылык маанидеги секторлорду аныктап алдык. Аларга жашылча-жемиштерди өндүрүү, эт жана сүт өнөр жайы, текстиль бөтөлкөлөнгөн суу жана туризм кирет", — деди Бекташев.

Мындан тышкары, четтен жардам талап кылынуучу кайчылаш секторлор да аныкталган. Башкача айтканда, мамлекет продукциянын сапатын жакшыртуу, аны сертификациялоо, соода жана бажы процедураларын жеңилдетүү боюнча жардам берүүгө милдеттенет. Ошондой эле экспорттук багыттагы продукцияны чыгарууну насыялоонун абалын да жакшыртуу зарыл. 

"Өндүрүүчүлөр экспорттук мүмкүнчүлүктөрдү кеңейтүү ниетинде, бирок быйыл аба ырайы каргашалык кылып, көп сандагы айдоолорду үшүк алып кетти. Мүмкүн экспорт 2014-жылдын деңгээлинде сакталат. Бир аз кийинчерээк министрлик кайра эсептөөлөрдү жүргүзгөнү жатат", — дейт Экономика министрлигинин өкүлү.

Өткөн жылы эле Кыргызстан экспорттон 1,88 миллиард доллар киреше таап, анын 493 миллиону Евразиялык экономикалык биримдиктин өлкөлөрүнө туура келет.

КР өзүнүн экспорттук мүмкүнчүлүктөрүн ЕБ мамлекеттеринде да кеңейтүү ниетинде, себеби жергиликтүү өндүрүмдөрдүн сапаты бир топ жакшырат деп кошумчалады Бекташев.

"Биз ЕБнын жалпы преференциялар системасына арыз бердик. 2014-жылы Европа биримдиги өнүгүп келе жаткан өлкөлөр үчүн преференцияларды киргизген, ошон үчүн бизде Европа менен Түркияга товарлардын жети миңдей түрүн мамлекеттик салык төлөмүсүз алып кирүү мүмкүнчүлүгү пайда болгон. Мындай укукка ЕАЭБ өлкөлөрүнөн Кыргызстан менен Армения гана ээ", — деп билдирди башкармалыктын жетекчиси.

Ал тизмеге жемиш, кургатылган жемиш, төө буурчак, текстиль, булгаты буюмдары, тамеки ж.б. кирет. 

Экономика министрлигинин өкүлү Европанын аймагын он жыл бою товарларды мамлекеттик салык төлөмүсүз алып кирүү укугун алууга биздин олуттуу мүмүкүнчүлүгүбүз бар экендигин белгиледи. Европарламент арызды эки айда карап чыгат.

111
Белгилер:
Таалайбек Бекташев, Евразиялык экономикалык биримдик, Экономика жана коммерция министрлиги, айыл чарба, экспорт
Тема:
Кыргызстан Бажы биримдигине кирүүгө ниеттенүүдө (53)
Тышкы иштер, тышкы соода жана инвестициялар министри Руслан Казакбаев

Министр Казакбаев Иранды өлкө экономикасына инвестиция жасоого чакырды

23
(жаңыланган 10:35 28.10.2021)
Министр Ирандын элчиси менен туристтик байланыштарды өнүктүрүү, авиарейстерди көбөйтүү жана кийинки жылы бир катар иш-чараларды өткөрүүнү сүйлөштү.

БИШКЕК, 28-окт. — Sputnik. Тышкы иштер, тышкы соода жана инвестициялар министри Руслан Казакбаевге Ирандын элчиси Саид Харразини өлкөнүн ТИМинин атынан расмий чакыруу тапшырды. Бул тууралуу министрликтен кабарлады.

Жолугушууда тараптар кыргыз-иран мамилелерин жана кызматташуунун артыкчылыктуу багыттарын кеп кылышкан. Анда Бишкекте Ирандын соода үйүн жана Бандар-Аббас деңиз портунун транзиттик мүмкүнчүлүктөрүн пайдалануу менен Иран — Түркмөнстан — Өзбекстан — Кыргызстан жаңы темир жол коридорун ачууну талкуулашканы айтылды.

Туристтик байланыштарды өнүктүрүү, авиарейстерди көбөйтүү жана иран тараптын Кыргызстандын гидроэнергетикалык долбоорлорун ишке ашырууга катышуусун да сүйлөшүшкөн.

"Мындан сырткары, министр эки өлкөнүн ортосундагы дипломатиялык мамилелердин 30 жылдыгынын алдында, тагыраагы, 2022-жылы Кыргызстан менен Иранда бир катар биргелешкен юбилейлик иш-чараларды өткөрүүнү сунуштады. Эки тарап расмий сапарларга чыгып, Бишкекте кыргыз-иран өкмөттөр аралык комиссиясын 13-жыйынын өткөрүшөт", — деп жазылган маалыматта.

Министр Казакбаев Ирандын компанияларын Кыргызстандын экономикасынын артыкчылыктуу тармактарына, анын ичинде Ысык-Көлдүн туризм инфраструктурасын өнүктүрүүгө инвестиция салууга чакырган.

Жолугушуунун соңунда тараптар Афганистандагы кырдаал боюнча пикир алмашып, өлкөдө туруктуулукту жана коопсуздукту камсыздоого багытталган аракеттерди улантууга даяр экенин билдиришкен.

23
Белгилер:
Кыргызстан, Иран, Руслан Казакбаев, министр, элчи, жолугушуу, экономика, инвестициялар
Тема боюнча
Парламент Салык кодексинин жаңы редакциясын биринчи окууда жактырды
Кыргызстанга россиялык компаниялардын бизнес-миссиясы келет
Сом монеталары. Архив

Парламент Салык кодексинин жаңы редакциясын биринчи окууда жактырды

158
(жаңыланган 16:21 27.10.2021)
Документте Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталган.

БИШКЕК, 27-окт. — Sputnik. Жогорку Кеңештин депутаттары Салык кодексинин жаңы редакциясынын долбоорун биринчи окууда жактырды.

Салык боюнча жаңы документти биринчи окуудан өткөрүүгө 80 депутат макулдук берип, каршы чыккандар болгон жок.

Жыйында экономика жана коммерция министри Данияр Амангельдиев баяндама жасап, мыйзам долбоору салык мыйзамдарын заманбап экономикалык шарттарга айкалыштырууга, салыктык жол-жоболорду санариптештирүүгө, ишкердикти жүргүзүүдө бирдей шарт түзүүгө жана көмүскө экономиканы кыскартууга багытталганын белгиледи.

Муну менен катар Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталууда. Ал эми тигүү, зергерчилик, авиациялык, электробус тармактарында салыктык жеңилдиктер каралган.

158
Белгилер:
салык кодекси, парламент, жактыруу, долбоор
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси
Колунда телефону бар маскачан кыз. Архив

Дарыгер: Бишкектеги унаа сүзүп кеткендердин 80%ы телефон карап бараткандар

0
(жаңыланган 10:52 28.10.2021)
Дарыгер айдоочулардын да, жөө адамдардын да колунан телефон түшпөй калганын белгилеген. Өлкөдө күнүнө жол кырсыгынан эки адам көз жумары айтылды.

БИШКЕК, 28-окт. — Sputnik. Бишкекте автоунаа сүзүп кетип жабыркаган же каза болгон жөө адамдардын 80 пайызы телефон карап баратып кырсыкка кабылат. Бул тууралуу Травматологиялык жана ортопедиялык илим изилдөө борборунун Тез жардам кызматы бөлүмүнүн травматологу Бекназар Жунусов Sputnik Кыргызстан агенттигинин маалымат борборунда өткөн тегерек столдо билдирген.

Посмотреть эту публикацию в Instagram

Публикация от Sputnik Кыргызстан (@sputnik.kg)

"Биздин эң көйгөйлүү маселе бул — мобилдик телефон, кулакчындар. 70-80 пайызы телефон менен кулакчынга алаксып жол кырсыгына кабылууда. Бала жолдон өтүп баратканда биринчи автоунаа токтойт. Айдоочу караса баланын колунда телефон, анан кулакчын. Ошол маалда экинчи автоунаа келет дагы аны сүзүп кетет", — деди Жунусов.

Дарыгер ошол эле учурда айдоочулардын көбү дагы автоунаа башкарып бара жатып телефон колдонорун белгилеген.

"Буга чейин инспекторлор айып салчу, азыр андай жок. Айдоочу телефонду каалагандай колдонот. Баарын өзүбүз жасап жатабыз. Бүт баарынын колунан телефон түшпөйт. Басып баратса деле, автоунаада болсо да, жолдон өтөрдө деле колдорунда смартфон", — деген ал.

Тегерек столдо күнүнө Кыргызстанда эки адам жол кырсыгынан каза болору айтылган.

 

0
Белгилер:
Кыргызстан, жол кырсык, телефон, дарыгер