Кумтөр кени. Архив

Аттокуров: Кумтөр маселесинде премьер чет элдиктер арасында өз жактоочуларын издөөдө

34
(жаңыланган 10:55 15.04.2015)
Премьер-министр Жоомарт Оторбаев КРдин кызыктчылыгын коргой турган, бирок республиканын жараны болуп эсептелбеген чоң тажрыйбага ээ таламдаштарды тапкысы келип жатат.

БИШКЕК, 15-апр. — Sputnik. Премьер-министр Жоомарт Оторбаевдин Centerra Gold Inc. компаниясынын директорлор кеңешине чет элдик жарандарды киргизүү демилгесин Кыргызстандын мамлекеттик башкарууну жаңылаштыруу боюнча кеңешчиси Азамат Аттокуров толук колдойт.

Мурдараак укук коргоочу Токтайым Үмөталиева Centerra Gold Inc. компаниясынын директорлор кеңешине Оторбаев өлкөнүн мурдагы президентинин уулу Максим Бакиев тараптагы чет элдик жарадандарды киргизүүгө шашып жатат деп жалпыга маалымат каражаттары үчүн билдирүү жасаган эле.

Sputnik кабарчысына берген маегинде Аттокуров аталган маселе боюнча Үмөталиева эч бир "авторитет эмес" деди.

Анын айтымында, Кыргызстан мажоритардык акционер болгондуктан, 11 адамдын үчү гана биз тараптан болот деген чектөө бар. 

"Ошондуктан Оторбаев КРдин кызыктчылыгын коргой турган, бирок республиканын жараны болуп эсептелбеген чоң тажрыйбага ээ таламдаштарды тапкысы келип жатат", — дейт эксперт.

Centerra Gold Inc. компаниясынын башкармалыгы стратегиялык жана операциялык башкаруу милдеттеринин баарын толук өз колуна алган, ошондуктан башкаруу процессинде Кыргызстандын катышуусу чектелип турат деген пикирин айтты ал.

Аттокуровдун маалыматына ылайык, Оторбаев директорлор кеңеши менеджментке "баш ийбестен", анык стартегиялык башкаруу органы болгудай кылып абалды өзгөрткүсү келип жатат.

Мурдараак парламенттин отурумунда Оторбаев "Кумтөр" кен жайын иштетүүнүн жаңы планын эске алганда Кыргызстан менен Centerra Gold Inc. биргелешкен ишкана түзүшү өлкө үчүн пайдасыз деп билдирген. Премьер КР үчүн Centerra Gold Inc. компаниясынын директорлор кеңешин жана башкармалыгын алмаштыруу пайдалуу болот деген оюн айткан. 

Кумтөр алтындын кору боюнча дүйнөдө үчүнчү орунду ээлеген кен жайы болуп эсептелет. Аны Канаданын "Камеко" компаниясы 1994-жылы иштете баштаган. Алгач долбоордо кирешенин 70 пайызы Кыргызстанга жана 30 пайзы "Камеко" жетекчилигине тиет деп болжолгон. Макулдашуулар ратификацияланган соң 2003-жылы "Камеко" Centerra Gold Inc. болуп кайра түзүлүп, ал республиканын чегинен сырткары бир нече кен жайын иштете тургандыгын жарыялаган. Ошентип, компаниянын масштабы өсүп, ага жараша КРдин долбоордогу акциялары 70тен 33 пайызга түшүп кеткен.

Жогорку Кеңештин мурдагы депутаты, Кумтөр маселеси менен алектенген Кубанычбек Исабеков Centerra Gold Inc. компаниясынын Кумтөрдөн башка бардык иштептип жаткан кен жайлары жалган экендигин мурдатан бир нече жолу билдирген эле.

34
Белгилер:
кен, Камеко, Centerra Gold Inc, Кумтөр, Жоомарт Оторбаев, Азамат Аттокуров, Максим Бакиев, Токтайым Үмөталиева, Кубанычбек Исабеков
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Май куючуу жай. Архив

Нефтетрейдерлер: мартта күйүүчү майдын баасы 6-7 сомго кымбаттайт

19
(жаңыланган 15:21 04.03.2021)
Нефтетрейдерлер ассоциациясынын аткаруучу директору күйүүчү-майлоочу каражаттарга болгон баанын өсүшүнө үч себепти атады.

БИШКЕК, 4-мар. — Sputnik. Кыргызстанда күйүүчү майдын баасы 6-7 сомго кымбаттайт. Бул тууралуу Нефтетрейдерлер ассоциациясынын аткаруучу директору Канатбек Эшатов Sputnik Кыргызстан агенттигине билдирди.

Ал жыл башынан бери россиялык өндүрүштөн чыккан бензиндин дүң баасы 300 доллардан 500 долларга кымбаттаганын эске салды. Мындан сырткары, мунай баасы дагы 31 пайызга өскөн. Ал эми сом КМШ өлкөлөрүндөгү валюталардын ичинен көбүрөөк арзандаган.

"Март айында баалар өсөт. Жеке компаниялар чыгым тартыш үчүн иштебейт. Алардын маржасы минималдуу. Мартта баалар сөзсүз өсөт. Божомолубуз боюнча 6-7 сомго кымбаттайт", — деди Эшатов.

Буга чейин аталган ассоциация 1-январдан 1-мартка чейин россиялык өндүрүштөн чыккан бензиндин тоннасы 300 доллардан 500 долларга чейин өскөнүн айтышкан. Кымбаттоо 67 пайызды түзүп, орточо эсеп менен алганда күйүүчү майдын литрине 14 сомдон туура келген. Дизель майдын тоннасы 360 доллардан 470ке чыккан. Пайыздык көрсөткүч менен эсептей келгенде 31 болгон. Бул литрине сегиз сом дегенди билдирет.

Анткен менен республикадагы АЗСтердеги бензиндин литрине болгон баа 13,8 пайызга же 4,9 сомго гана көтөрүлгөн.

19
Белгилер:
баа, мунай, өндүрүш, Россия, бензин, Кыргызстан
Тема боюнча
Бензин 5 сомго кымбаттап кетти. Нефть ташуучулар себебин түшүндүрдү
Бишкектеги автомектептердин тизмеги. Шарты жана баалары
Жүк ташуучу унаа. Архив

Баткенде аткезчиликке бөгөт коюу үчүн мобилдүү топтор иштеп жатат

147
(жаңыланган 17:47 03.03.2021)
Мобилдик топ май куюучу жайлардын ээлерине мыйзам чегинде иш алып баруу боюнча түшүндүрүү иштерин жүргүзүүдө.

БИШКЕК, 3-мар. — Sputnik. Баткен облусунун чек аралаш аймактарында мобилдүү топтор иштеп, аткезчиликке каршы күрөш күчөтүлдү. Бул тууралуу өкмөттүн Баткен облусундагы өкүлүнүн маалымат кызматы билдирди.

УКМК, чек ара, салык, милиция, бажы, экономикалык кылмыштуулукка каршы күрөшүү кызматынын, ӨКМдин облустук башкармалыгы жана аймактык экологиялык жана техникалык коопсуздук боюнча башкармалыгынын адистеринен түзүлгөн мобилдүү топтор аткезчилик тобокелчилиги жогору болгон аймактарда атайын мониторинг жүргүзүүдө.

"Кечээ, 2-мартта, мобилдүү топ Лейлек районунун чек арадагы Жаңы-Жер айыл аймагынын Арка айылында, кыргыз-тажик чек арасынан өткөн Исфара — Худжанд жолунун боюнда жайгашкан (аталган жол Кыргызстандын аймагы аркылуу да өтөт) Кыргызстанга тийиштүү май куюучу жайларга (АЗС) кароо жүргүзүштү", — деп айтылат маалыматта.

Мобилдик топ май куюучу жайлардын ээлерине мыйзам чегинде иш алып баруу боюнча түшүндүрүү иштерин жүргүзүп, иштебей турган жайлардын ээлерине мыйзамсыз иш-аракеттерден алыс болууну эскертишкен.

Белгилеп кетсек, эл арасында иштебей турган май куюучу жайлар кошуна мамлекеттерге аткезчилик жол менен күйүүчү май саткан учурлар жөнүндө такталбаган маалыматтар айтылып келет.

Аймактык салык кызматынын маалыматына ылайык, Исфара — Худжанд жолунун боюнда эле Кыргызстанга тийиштүү 26 май куюучу жай жайгашкан. Анын ичинен бүгүнкү күндө салык кызматы тарабынан мунай заттарды берүүнүн автоматташтырылган электрондук системасына (АСУ) туташкан 17 АЗС иштеп жатат.

Ал эми калган 9 АЗС АСУ системасына туташпагандыктан салык кызматы тарабынан жабылган.

Лейлек районунда жалпы 73 май куюучу жай катталган. Учурда анын 42си АСУ системасына туташтырылып, иштеп жатат. 25 салык кызматы тарабынан жабылып, дагы алтоо ишке жараксыз экендиги аныкталган.

Белгилей кетсек, 1-мартта өкмөттүн облустагы ыйгарым укуктуу өкүлү Өмүрбек Суваналиев облустун күч түзүмдөрү менен кеңешме өткөргөн. Анда аткезчиликке каршы күрөштү күчөтүү боюнча тапшырмаларды коюп, мыйзамсыз иш-аракеттерге токтоосуз чара көрүү талабын айткан.

Ошондой эле ыйгарым укуктуу өкүлдүн аткезчиликке каршы күрөшүү боюнча мониторинг жүргүзүү тууралуу атайын буйругу чыкты.

147
Белгилер:
мобилдик топ, аткезчилик, чек ара, Баткен
Тема боюнча
Баткен: 2020-жылы аткезчиликтен казынага 10 миллион сомдон ашык каражат түштү