Залепо: бир айда Centerra акцияларын кармоочуларынын төрттөн бири алмашты

© Sputnik / Владимир Пирогов / Медиабанкка өтүүЗалепо: бир айда Centerra акцияларын кармоочуларынын төрттөн бири алмашты
Залепо: бир айда Centerra акцияларын кармоочуларынын төрттөн бири алмашты - Sputnik Кыргызстан
Жазылуу
Centerra Gold Inc. акцияларын майда кармоочуларынын активдүүлүгү алардын алмашуусуна алып келүүдө. Бир ай ичинде акционерлердин тизмесинде аттардын төрттөн бири алмашты.

БИШКЕК, 16апр. — Sputnik. Centerra Gold Inc. акционерлерин эң активдүү деп көз карандысыз эксперт Андрей Залепо Бишкекте өткөн Жеке инвесторлор клубунун отурумунда сүйлөгөн сөзүндө атады. 

КРдин белгилүү экономисттери 15-апрелде Кумтөр кен жайында бышып жетилген көйгөйлөрдү талкуулоо үчүн чогулушкан. Мурдараак премьер-министр Жоомарт Оторбаев Centerra Gold Inc. директорлор кеңешине чет элдик жарандарды көз карандысыз башкаруучулар катары тартуу ниетин билдиргени коомдо талаш-тартыштарды жараткан эле.

Залепо тегерек столго келерден мурун Centerra Gold Inc. сайтына киргендигин айтты. Акционерлердин толук эмес тизмесин таап, ал баалуу кагаздарды кармоочулардын олуттуу бөлүгү алмашкандыгын белгиледи. 

"Ушул эл тизменин бир ай мурункусун карап көрсөк, анын жок эле дегенде төрттөн бири башка болот", — деп бөлүштү эксперт.

Анын айтымында, батыштын биржалык фондалары үчүн күнүгө соода-сатык, алмашуулар кадыресе көрүнүш. Ал эми Centerra Gold Inc. акционерлеринин көпчүлүгү орто эсеп менен 0,5 пайыз баалуу кагаздардын кармап турат.

Аттокуров: Кумтөр маселесинде премьер чет элдиктер арасында өз жактоочуларын издөөдө
Отурумга катышкан экономист Эрик Таранчиев өз кезегинде Кыргызстан ээлик кылуучу 33 пайыз акция "чынында көп" экендигин белгиледи.

Centerra Gold Inc. компаниясынын 33 пайыз акциясынын көзөмөлдүк пакетине КРдин Мамлекеттик мүлктү башкаруу фонду кармап турат.

Кумтөр алтындын кору боюнча дүйнөдө үчүнчү орунду ээлеген кен жайы болуп эсептелет. Аны Канаданын "Камеко" компаниясы 1994-жылы иштете баштаган. Алгач долбоордо кирешенин 70 пайызы Кыргызстанга жана 30 пайзы "Камеко" жетекчилигине тиет деп болжолгон. Макулдашуулар ратификацияланган соң 2003-жылы "Камеко" Centerra Gold Inc. болуп кайра түзүлүп, ал республиканын чегинен сырткары бир нече кен жайын иштете тургандыгын жарыялаган. Ошентип, компаниянын масштабы өсүп, ага жараша КРдин долбоордогу акциялары 70тен 33 пайызга түшүп кеткен.

Жогорку Кеңештин мурдагы депутаты, Кумтөр маселеси менен алектенген Кубанычбек Исабеков Centerra Gold Inc. компаниясынын Кумтөрдөн башка бардык иштептип жаткан кен жайлары жалган экендигин мурдатан бир нече жолу билдирген эле. 

Жаңылыктар түрмөгү
0