Эксперт: доллардын курсу төмөндөшү убактылуу көрүнүш

Жазылуу
Бишкек шаарынын Москва жана Совет көчөлөрүнүн кесилишиндеги акча алмаштыруу жайлары бир АКШ долларын 59 сомдон сатып алып, 60,5 сомдон сатууда.

БИШКЕК, 17-апр. — Sputnik. Доллардын курсу төмөндөшү убактылуу көрүнүш экенин Улуттук банктын жетекчисинин мурдагы орун басары Сүйөркул Абдыбалы тегин Sputnik сайтынын кабарчысына билдирди.

Бишкек шаарындагы акча алмаштыруу жайларында доллардын курсу тездик менен түшүүдө. Учурда бир АКШ долларын акча алмаштыруу жайлары 59 сомдон сатып алып, 60,5 сомдон сатып жатат.

"Америка долларынын наркынын ылдыйлашы орус рублинин күчтөнүшүнө байланыштуу. Рублдин арты менен биздин сом да күчтөнүп жатат", — деди ал.

Эксперт доллардын арзандап жатышы убактылуу көрүнүш экенин кошумчалады. Улуттук банк доллардын курсун бүгүн расмий түрдө 63,59 сом деп белгиледи.

Жыл башынан бери сомдун долларга болгон катышы 7,98 пайызга арзандаган.

Жаңылыктар түрмөгү
0