Акча алмаштыруу жайы. Архив

Эксперт: АКШ доллары дагы 2-3 сомго арзандашы ыктымал

147
(жаңыланган 15:04 13.05.2015)
Апрелде Америка доллары 63,8 сом болуп, бир ай ичинде ал 58,7 сомго чейин түштү.

БИШКЕК, 13-май — Sputnik. Кыргызстанда доллардын наркы түшүп бара жатат. Акыркы айда эле ал 7,6 пайызга арзандады деп билдирет Улуттук банк.

Өлкөнүн башкы банкы 8-майда интервенция жүргүздү, башкача айтканда, валюта рыногунан 8 миллион 450 миң доллар сатып алды. Ошондон соң АКШ долларынын абалы бир аз бекемдеп, жума күнү анын орточо баасы сатып алууда 58,5 сом болду. Ага чейин 17-апрелде Улуттук банк валюта рыногунан дагы 20,5 миллион доллар сатып алган болчу.

Республикада 1993-жылы тандап алынган акча алмаштыруунун ийкемдүү курсу күчкө ээ. Бул саясатка ылайык, акча алмаштыруу курсу суроо-талап менен сунуштардын негизинде калыптанат.

Экономика боюнча эксперт Нургүл Акимованын пикиринде, доллардын төмөндөшү жыл мезгилине байланыштуу жана ал жайдын аягына чейин уланат.

"Азыр жазгы талаа иштери катуу жүрүп жатат. Алар үчүн талап кылынган күйүүчү-майлоочу майлар болсо улуттук акча сатып алынат эмеспи. Ошон үчүн азыр долларга суроо-талап анча чоң эмес", — деди эксперт.

Акимова кошумчалагандай, доллардын баасы дагы 2-3 сомго төмөндөйт.

"Жакында туристтик мезгил башталат. Сырттан келген туристтер чет элдик валюталарды жергиликтүү акчага алмашыра баштайт. Бул факт сомдун бекемелишине жакшы таасир кылат", — деп бүтүм чыгарды эксперт.

Азыр америкалык доллардын наркынан март-апрель айларында болгон алып сатарлык үстөк баа жоюлганын белгиледи адис. Буга улуттук банк жүргүзгөн интервенциялар жана экономиканын учурдагы абалы көмөк болду.

147
Белгилер:
доллар, Улуттук банк, Нургүл Акимова
Тема боюнча
Эксперттер: доллардын курсу 55 сомго чейин төмөндөшү мүмкүн
Эксперт: доллардын курсу төмөндөшү убактылуу көрүнүш
Жогорку Кеңештин жыйыны. Архив

Жогорку Кеңеш 11,6 миллион сомго техника сатып алууну көздөп жатат

170
(жаңыланган 12:48 28.11.2020)
Тендердеги маалыматка караганда, Жогорку Кеңеш 143 ноутбук, 12 LED-монитор, 54 персоналдык компьютер жана 47 принтер сатып алууну пландоодо.

БИШКЕК, 28-ноя. — Sputnik. Жогорку Кеңеш жаңы ноутбуктарды жана жыйындар залына керектүү жабдууларды сатып алуу үчүн 11,6 миллион сомго тендер жарыялады. Бул маалыматты парламенттин маалымат кызматынын жетекчиси Индира Куралбекова тастыктады.

"5-6-октябрь күнкү окуяларда Жогорку Кеңештин имаратындагы бардык техника, жабдуулар талкаланган. Алып кеткендер дагы болгон. Жыйындар залында депутаттардын алдында турган ноутбуктар, түз эфирди камсыздоочу мониторлор, серверлер жок кылынган. Ошонун баарын кайрадан алуу үчүн тендер жарыяланып, мамлекеттик сатып алуулар порталына илинди", — деди Куралбекова.

Тендердеги маалыматка караганда, Жогорку Кеңеш 143 ноутбук, 12 LED-монитор, 54 персоналдык компьютер жана 47 принтер сатып алууну пландап жатат.

Эске салсак, быйылкы парламенттик шайлоонун жыйынтыгына нааразы болгондор 6-октябрга караган түнү "Ала-Тоо" аянтына митингге чыккан. Айрымдары Жогорку Кеңештин имаратына кирип, талкалап, бир топ зыянга учураткан.

170
Белгилер:
ноутбук, тендер, Жогорку Кеңеш, Кыргызстан
Тема боюнча
Орозбаев: Жогорку Кеңеш экинчи функциясын жакшы аткара албай келет
АКШ долларлары. Архив

Улуттук банк долларды ноябрда 10-жолу интервенциялады

56
Ушуну менен чет элдик валюта ноябрь айында 10-ирет сатылды. Интервенция биринчи жолу 12-ноябрда өткөрүлүп, башкы банк 26,8 миллион доллар саткан.

БИШКЕК, 28-ноя. — Sputnik. Кечээ, 27-ноябрда, Улуттук банк америкалык валютанын курсун турукташтыруу үчүн 1,1 миллион доллар сатты. Бул тууралуу мекеменин сайтында кабарланды.

Ушуну менен чет элдик валюта ноябрь айында онунчу ирет сатылды. Интервенция биринчи жолу 12-ноябрда өткөрүлүп, башкы банк 26,8 миллион доллар саткан.

Ушул жумада каржылык көзөмөлдөөчү орган 24-ноябрдан 27-ноябрга чейин төрт күн катары менен валюта сатты. Натыйжада айдын башынан бери 68 миллион 650 миң доллар сатылды. Соңку аракеттердин аркасы менен сатып алуу үч тыйынга жогорулады.

Эскерте кетсек, 11-ноябрда доллардын наркы 83,94 сомду (сатып алуу) жана 84,33 сомду (сатууну) түзүп, ошол жуманын аягында 84,9га (сатуу) жеткен. Азыр сатуу курсу ушул көрсөткүчтү кармап турат.

Улуттук банктын алтын-валюта запасы (эл аралык валюта запастары) сомдун курсун кармап турууга, ошондой эле валюта базарындагы өзгөрүүлөрдү турукташтырууга мүмкүндүк берет. Резервдин көлөмү дээрлик 3 миллиард сомду түзөт. Бул товарлардын жана кызмат көрсөтүүлөрдүн алдыдагы алты айлык импорту үчүн жетиштүү деп саналат.

56
Белгилер:
интервенция, доллар, Улуттук банк, Кыргызстан
Тема боюнча
2021-жылдын соңунда сомдун баасы кандай болот? ЕАБРдин божомолу
КР экономикасын 2021-жылы эмне күтүп турат? ЕАБРдин сценарийи
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

349
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

349
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда