Акча алмаштыруу пункттары. Архив

Эксперт: Банк кодекси каржы системасын жаңы деңгээлге алып чыгат

53
(жаңыланган 13:54 16.06.2015)
Нургүл Акимова учурдагы банк мыйзамдарынын ченемдери көп жагынан эскирип, дүйнөлүк практикадан артта калгандыктан, кайра кароолорго муктаж деп эсептейт.

БИШКЕК, 16-июнь — Sputnik. Кыргызстандын Банк кодексин кабыл алуу жарандар менен банктардын ортосундагы (керектөөчү – банк кызматы) мамилелер жагынан каржы-насыялык иш алып баруучу жана банктын ишине байланышкан мекемелерди тартипке келтирүүгө мүмкүндүк берет деп билдирди Sputnik кабарчысына экономикалык маселелер боюнча эксперт Нургүл Акимова.

Парламентте Банк кодексин (КР БК) киргизүү боюнча угуулар жүрүп жатат. Аталган документ Улуттук банктын жана коммерциялык банктардын иш-аракеттерине негиз болуучу бардык мыйзамдарды өз ара шайкеш келтирүүгө көмөк болот.

Акимованын айтымында, азыр банк ишмердигине тиешелүү мыйзамдар көп жагынан эскирип, алдыңкы эл аралык тажрыйбага туура келбейт жана банк тармагындагы укуктук мамилелерге катышуучулардын заманбап суроо-талаптарына жооп бербейт, ошондуктан ар тараптан жана концептуалдуу түрдө кайра кароого муктаж.

"Банк кодексин кабыл алуу зарылчылыгы бышып жетти. Бул объективдүү көрүнүш. Өлкөдө банкка акча салгандардын арасында нааразы болгондор көп, ченемдериндеги көпчүлүк карама-каршылыктар жана жарандарга карата адилетсиздик мыйзамдардагы кемчиликтерден улам келип чыгууда", — деп белгиледи эксперт.

Акимова кодекстин деңгээлинде ченемдерди кабыл алуу бийликке болгон ишенимди көтөрүп, банк системасына карата терс мамилени төмөндөтөт. Ал документ көмүскө экономика менен катар келе жаткан алдамчылыкты азайтууга өбөлгө боло алат деген пикирде. 

"Акыры, Банк кодексинин кабыл алынышы менен жарандардын адилетсиздикке кабылып жатабыз деген пикири азаят", — деп белгиледи ал.

Акимова кодексти түзүүдө Улуттук банк жекече учурларды аныктоого өзгөчө көңүл бурушу зор мааниге ээ деген ойдо. Себеби документ арбитраждык сот иштерин жүргүзүүнүн негизин түзөт. Ар бир ченемдин мазмуну өлкөдө ишкердик активдүүлүгү өнүгүшүн же колдоп, же кармап тургудай болот.

Бирок экономика боюнча эксперттердин пикиринде, кодекстин азыркы долбоорунда анча олуттуу эмес мүчүлүштүктөр бар. 

"Банк кодекси кабыл алынгандан кийин коммерциялык банктар чегерүүчү үстөк пайыздарга көзөмөл жүргүзүү сапаты жакшырат. Көрсөтүлүп жаткан кызматтарга байкоо салып, сапатын текшерип туруу чоң мааниге ээ, себеби жарандар коммерциялык банктардын кызматы үчүн аз акча төлөгөн жери жок", — деп баса белгиледи Акимова.

Эксперт кодексте өлкөнүн бюджети боюнча милдеттер айкын ажыратылып берилгенин баса айтты. Ал Банк секторун көзөмөлдөөчү институт катары КРдин Улуттук Банкынын көз карандысыздыгы сакталганын кошумчалады.

Ошентип, Банк кодексин кабыл алуу өлкөнүн экономикасын шайкеш келтирүү жана жаңы өнүгүү деңгээлине даярдоо болуп эсептелет. Коомдук процесстер жөнгө салынуучу ченемдерге жараша өрчүү касиетине ээ деп жыйынтыктады эксперт.

Банк кодексинин долбоорунда учурдагы банк мыйзамдарын эл аралык алдыңкы тажрыйбаны эске алуу менен концептуалдуу түрдө кайра каралган. Документ банктар менен банк ишмердиги жөнүндө КРдин мыйзам негиздерин системалуу түрдө аныктап, банк мыйзамдарынын курамындагы ченем-укуктук актылардын айкын иерархиясын жана алардын КРдин жарандык мыйзамдарга шайкеш келишин аныкташы керек.

53
Белгилер:
банк кодекси, коммерциялык банк, Улуттук банк, Нургүл Акимова
Жогорку Кеңештин жыйыны. Архив

Жогорку Кеңеш 11,6 миллион сомго техника сатып алууну көздөп жатат

170
(жаңыланган 12:48 28.11.2020)
Тендердеги маалыматка караганда, Жогорку Кеңеш 143 ноутбук, 12 LED-монитор, 54 персоналдык компьютер жана 47 принтер сатып алууну пландоодо.

БИШКЕК, 28-ноя. — Sputnik. Жогорку Кеңеш жаңы ноутбуктарды жана жыйындар залына керектүү жабдууларды сатып алуу үчүн 11,6 миллион сомго тендер жарыялады. Бул маалыматты парламенттин маалымат кызматынын жетекчиси Индира Куралбекова тастыктады.

"5-6-октябрь күнкү окуяларда Жогорку Кеңештин имаратындагы бардык техника, жабдуулар талкаланган. Алып кеткендер дагы болгон. Жыйындар залында депутаттардын алдында турган ноутбуктар, түз эфирди камсыздоочу мониторлор, серверлер жок кылынган. Ошонун баарын кайрадан алуу үчүн тендер жарыяланып, мамлекеттик сатып алуулар порталына илинди", — деди Куралбекова.

Тендердеги маалыматка караганда, Жогорку Кеңеш 143 ноутбук, 12 LED-монитор, 54 персоналдык компьютер жана 47 принтер сатып алууну пландап жатат.

Эске салсак, быйылкы парламенттик шайлоонун жыйынтыгына нааразы болгондор 6-октябрга караган түнү "Ала-Тоо" аянтына митингге чыккан. Айрымдары Жогорку Кеңештин имаратына кирип, талкалап, бир топ зыянга учураткан.

170
Белгилер:
ноутбук, тендер, Жогорку Кеңеш, Кыргызстан
Тема боюнча
Орозбаев: Жогорку Кеңеш экинчи функциясын жакшы аткара албай келет
АКШ долларлары. Архив

Улуттук банк долларды ноябрда 10-жолу интервенциялады

56
Ушуну менен чет элдик валюта ноябрь айында 10-ирет сатылды. Интервенция биринчи жолу 12-ноябрда өткөрүлүп, башкы банк 26,8 миллион доллар саткан.

БИШКЕК, 28-ноя. — Sputnik. Кечээ, 27-ноябрда, Улуттук банк америкалык валютанын курсун турукташтыруу үчүн 1,1 миллион доллар сатты. Бул тууралуу мекеменин сайтында кабарланды.

Ушуну менен чет элдик валюта ноябрь айында онунчу ирет сатылды. Интервенция биринчи жолу 12-ноябрда өткөрүлүп, башкы банк 26,8 миллион доллар саткан.

Ушул жумада каржылык көзөмөлдөөчү орган 24-ноябрдан 27-ноябрга чейин төрт күн катары менен валюта сатты. Натыйжада айдын башынан бери 68 миллион 650 миң доллар сатылды. Соңку аракеттердин аркасы менен сатып алуу үч тыйынга жогорулады.

Эскерте кетсек, 11-ноябрда доллардын наркы 83,94 сомду (сатып алуу) жана 84,33 сомду (сатууну) түзүп, ошол жуманын аягында 84,9га (сатуу) жеткен. Азыр сатуу курсу ушул көрсөткүчтү кармап турат.

Улуттук банктын алтын-валюта запасы (эл аралык валюта запастары) сомдун курсун кармап турууга, ошондой эле валюта базарындагы өзгөрүүлөрдү турукташтырууга мүмкүндүк берет. Резервдин көлөмү дээрлик 3 миллиард сомду түзөт. Бул товарлардын жана кызмат көрсөтүүлөрдүн алдыдагы алты айлык импорту үчүн жетиштүү деп саналат.

56
Белгилер:
интервенция, доллар, Улуттук банк, Кыргызстан
Тема боюнча
2021-жылдын соңунда сомдун баасы кандай болот? ЕАБРдин божомолу
КР экономикасын 2021-жылы эмне күтүп турат? ЕАБРдин сценарийи
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

361
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

361
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда