Кумтөрдүн иши мыйзам чегинде көзөмөлгө алынат

© Sputnik / Руслан Кривобок / Медиабанкка өтүүАлтын изилдөө иштери. Архив
Алтын изилдөө иштери. Архив - Sputnik Кыргызстан
Жазылуу
Өз кезегинде мыйзам долбоору мөңгүлөрдө жүргүзүлүп жаткан иш мамлекеттик органдар тарабынан көзөмөлгө алынышына жол ачып, Кумтөр долбоорунун тынбай иштешине шарт түзөт.

БИШКЕК, 23-июнь — Sputnik. "КР Суу кодексине толуктоолорду киргизүү" жөнүндө мыйзам долбоору 20 жылдан бери иштетилип жаткан "Кумтөр" кенинин айлана-чөйрөгө тийгизген таасирин мыйзам чегинде көзөмөлдөө үчүн иштелип чыкканын өкмөттүн маалымат кызматы билдирет. 

Депутат: буга чейин колдонулган мөңгүлөр үчүн компенсация талап кылуу керек
Буга чейин "Ата Мекен" фракциясынын лидери Өмүрбек Текебаев "Кумтөр" кени жабык түрүндө иштеши керектигин, өкмөт тарабынан сунушталып жаткан мыйзам долбоору мамлекеттин кызыкчылыгына каршы келерин билдирген. Анын айтымында, "Центерра" мөңгүлөргө келтирилген зыянды төлөп бериши керек.

Өкмөт тараткан маалыматка ылайык, мыйзам долбоору аталган компаниянын ишин мындан ары мыйзамдын чегинде жөнгө салат. 

"Центерра Голд" ири долбоорду ишке ашырып жатат, андыктан аталган кенди иштетүү маселелери мыйзам чегинде чечилиши керек. Кумтөр долбоорунун токтоп калышы чоң зыян алып келиши мүмкүн", — деп айтылат билдирүүдө.

Өкмөт "Кумтөр" кенинин иши үзгүлтүккө учурабашы керек деп эсептейт. Учурда талкууланып жаткан мыйзам долбоор өз кезегинде мөңгүлөрдө жүргүзүлүп жаткан иш мамлекеттик органдар тарабынан көзөмөлгө алынышына жол ачып, Кумтөр долбоорунун тынбай иштешине шарт түзөт. Мындай талапты өз убагында өкмөт алдына Жогорку Кеңеш койгон.

"Эксперттердин айтымында, Кумтөрдүн айланасында кырдаал курч турат. Эгер тоо-кен планын иштетүү жана жылып келе жаткан муз массасын токтотуу боюнча макулдашылган аракеттер көрүлбөсө, геотехника жана экологиялык багытта терс кесепеттер жаралышы мүмкүн. Бул өкмөткө тиешелүү ченем-укуктук базаны даярдоого түрткү берди", — деп айтылат билдирүүдө.

Сунушталган мыйзам долбоор өлкө экономикасына салым кошуп келе жаткан жана ошол эле учурда иштери мөңгүлөргө байланышкан ишканаларды кенди иштетүүдөн жабыркаган мөңгү массасын башка жерге которууга милдеттендирет.

Жаңылыктар түрмөгү
0