Уюлдук телефон. Архив

Депутаттар MegaCom компаниясын менчиктештирилишин колдошту

66
(жаңыланган 11:44 24.06.2015)
MegaCom уюлдук компаниясын сатуу тууралуу маалымат июнь айынын башында өкмөт жыйынында айтылган.

БИШКЕК, 23-июнь — Sputnik. Экономика жана фискалдык саясат боюнча комитет "Альфа Телеком" ЖАКты менчиктештирүү зарылдыгын макул тапты. Муну менен депутаттар өкмөт сунуштаган 2015-2017-жылга карата мамлекеттик менчикти менчиктештирүү программасын колдоп беришти. 

MegaCom уюлдук компаниясын сатуу тууралуу маалымат июнь айынын башында өкмөт жыйынында айтылган. Муну  аталган компаниянын өнүгүүсүн мамлекет камсыз кыла албай тургандыгы менен түшүндүрүшкөн.

Өкмөттүн пикиринде, компанияны банкротко жеткиргенден көрө, аны азыр сатып, пайда көрүү оң. 

"Мен "Альфа Телекомдун" менчиктештирилишине каршымын. Көпчүлүк кимди —бирөө ийгиликтүү компаниядан жакшы киреше табууга умтулуп жатканын айтууда. Бул бир нече ирет кайталанбады беле: алгач компанияны сатууга болбойт дейбиз, андан кийин ал чыгашалуу болуп, эч кимге керексиз болуп калат. Мамлекет начар менеджер экенин далилдеди", — деди КСДП фракциясынан депутат Алла Измалкова.

"Альфа Телеком" ЖАКтын өкүлдөрү менчиктештирүүгө макул экенин билдиришти. Алардын айтымында, ушундай жол менен гана компания рыноктогу лидерлик ордун кайтара алат.

КР Экономика министри Олег Панкратов. Архив
© Пресс-служба президента КР / Султан Досалиев
"Альфа Телеком" ЖАК 2009-жылы түзүлүп, жалгыз ээси Алексей Елисеев болгон. Убактылуу өкмөт 2010-жылы компаниянын  49 пайыз акциясын лутташтырып, 51 пайызы Елисеевге караштуу Southfield Management Inc. и Vesatel Unitеd Limited компаниясынын менчигинде калган. Өткөн жылдын июль айында акциянын 51 пайызына салынган сот бөгөтү алынып, мамлекет акциянын 100 пайызына ээлик кылып калган.

Өткөн жылы компаниянын кирешеси 2 миллиард сомду түзгөн.

66
Белгилер:
өкмөт, менчиктештирүү, Альфа Телеком” ЖАК, MegaCom, Алла Измалкова, Кыргызстан
Тема:
"Альфа Телеком" (MegaCom) жабык акционердик коомун менчиктештирүү (30)
Тема боюнча
Чет элдиктер уюлдук байланыш компаниясынын 25 млн. сомдук трафигин уурдады деп шектелүүдө