Жители Баткена. Архив

Сариев: Баткендин өнүгүүсүнө көңүл бөлүнөт

40
(жаңыланган 10:20 26.06.2015)
Сариев коопсуздук жаатында Тажикстан менен сүйлөшүүлөр жүргүзүлгөндүгүн, Өзбекстан менен дагы өткөрүү пландаштырылып жаткандыгын билдирди.

БИШКЕК, 26-июнь — Sputnik. Өкмөт башчысы Темир Сариев Баткен облусуна болгон сапарында чек ара маселелерине токтолуп, элди кыйнаган көйгөйдү айланма жолдорду куруу, коопсуздугун сактоо аркылуу чечүү аракети жасалып жатканын билдирди.

Ал өкмөт өлкөдөгү жолдордун сапатына өзгөчө көңүл буруларын эскертип, аталган жолду реконструкциялоо иштерин өз мөөнөтүндө жана сапаттуу бүткөрүүнү тапшырдыи. Чек ара аймактардагы элдин коопсуздугун камсыздоо боюнча иштер аткарылып жатканын билдирди. 

"Тажикстан менен сүйлөшүүлөр жүргүзүлдү, ушундай эле багыттагы сүйлөшүүлөрдү Өзбекстан менен дагы өткөрүү пландаштырылууда. Талаш жерлер сүйлөшүүлөр аркылуу чечилиши тийиш", – деди Сариев. 

Ал Ош – Исфана – Баткен жолунун реконструкцияланышы жана Ак-Сай айыл аймагындагы Көк-Таш – Ак-Сай – Тамдык автожолунун курулушу менен таанышты. 

Транспорт жана байланыш министрлигинин маалыматы боюнча, жалпы баасы 91,4 млн. АКШ доллары турган Исфана – Баткен – Ош жолунун 220-232 чакырымдарын оңдоо иштери дээрлик бүткөн. Учурда 271-360 чакырым аралыгында иш жүрүп жатат. Долбоорду 2016-жылдын аягына чейин жыйынтыктоо каралууда.

"Ош – Исфана – Баткен жолунун курулушу Баткен облусу үчүн абдан маанилүү болуп саналат. Бир топ жылдар бою чектеш аймактардын, анын ичинде Баткен облусунун өнүгүүсүнө жетишерлик көңүл бөлүнбөй келген. Учурда мындай кемчиликтерди оңдоого колдон келген аракеттер жүрүп жатат", – деди ал.

Премьер-министр Ак-Сай айыл аймагындагы Көк-Таш – Ак-Сай – Тамдык автожолунун курулушун көрдү. Анын бүтүшү  менен Лейлек районуна, Сүлүктү шаарына, Баткен районунун Самаркандек, Ак-Татыр айылдык аймактарына Тажикстандын аймагын айланып өтүүчү көз карандысыз автоунаа каттамы ачыларын билдирди. 

Сариев узундугу 25 чакырым жолдун курулушуна бюджеттен кошумча каражат каралганын билдирип, жолду өз убагында бүткөрүү талабын койду.

40
Белгилер:
Баткен облусу, Көк-Таш, Ак-Сай, Тамдык, Темир Сариев, автотрасса
Тема боюнча
Баткенде экстремизм жана терроризм боюнча калк арасында түшүндүрүү иштери башталды
Баткен облусунун Исфана шаарынын мэрлигине Мухтар Анарботоев шайланды
Президент Садыр Жапаров. Архив

Бизнес өкүлдөрү Садыр Жапаровго кайрылды. Себеби

252
(жаңыланган 13:27 02.08.2021)
Ишкерлер өкмөт парламенттин каникулга кетип жатканынан пайдаланып, экономикага өзгөчө кырдаал киргизүү мыйзамын шашылыш түрдө өткөрдү деп эсептейт.

БИШКЕК, 2-авг. — Sputnik. Кыргызстандагы бизнес-коомчулук президент Садыр Жапаровго кайрылып, Жогорку Кеңеш үч окуудан жактырган экономикага өзгөчө кырдаал режимин киргизүү боюнча мыйзамга кол койбошун өтүнүп жатат. Бул тууралуу ишкерлер Sputnik Кыргызстан агенттигинде өткөн "Экономикага өзгөчө кырдаал абалын киргизүүнүн таасири кандай болушу мүмкүн" аталышындагы брифингде айтышты.

"Бизнес коомчулугу менен макулдашуу процесси болбой, мыйзам бир тараптуу негизде кабыл алынды. Министрлер кабинети парламенттин каникулга кетип жатканынан пайдаланып, мыйзамды шашылыш түрдө өткөрүп алды. Учурда биз президенттен бул документке кол койбой, кайра иштеп чыгууга жөнөтүүсүн суранабыз", — деди Рыноктор, соода ишканалары жана кызмат көрсөтүүлөр ассоциациясынын аткаруучу директору Артур Ташибеков.

КР президентинин алдындагы Коррупцияга каршы ишкердик кеңешинин адиси Айдарбек Мамбеткадыров бизнес өкүлүнүн пикирин колдой турганын билдирди. Анын айтымында, мыйзам долбоорунда кийин эки анжы пикир жарата турган түшүнүксүз жерлери бар. Мамбеткадыров кошумчалагандай, мыйзам долбоору кабыл алынардын мурда коррупцияга каршы экспертизадан өткөн эмес.

Эске салсак, министрлер кабинетинин төрагасынын орун басары, экономика жана финансы министри Акылбек Жапаров өлкө экономикасына өзгөчө кырдаал режимин киргизүүнү сунуштаган. Анын айтымында, мындай сунуш киргизүүгө дагы деле коркунуч жаратып турган пандемиянын экономикага тийгизген терс таасири себеп болгон. Министр түшүндүргөндөй, бул режим салыктардын ставкасын өзгөртүүгө жана өтө зарыл учурда бюджетти Жогорку Кеңештин макулдугу жок эле бөлүштүрүүгө шарт түзөт.

Депутаттар каникулга кетер алдында аны үч окуудан тең өткөрүп берген.

252
Белгилер:
Садыр Жапаров, ишкер, сунуш, кайрылуу, бизнес, Кыргызстан
Тема боюнча
Банктарда аралыктан идентификациядан өтүү системасы жеңилдейт. Долбоор
Жыл башынан бери импорттон алынган салыктын көлөмү 5,2 млрд. сомго көбөйдү
Буудайдын түшүмүн жыйноо. Архив

Өлкөдө буудай бир жыл ичинде дээрлик 40 пайызга кымбаттады

43
2020-жылдын акыркы айларынан бери Кыргызстанда азык-түлүктүн баасы кескин кымбаттады. Анын ичинде буудай дагы баасын көтөрүүдө.

БИШКЕК, 2-авг. — Sputnik. Республикада буудайдын баасы бир жылдын ичинде дээрлик 40 пайызга жогорулады. Бул тууралуу Улуттук статистика комитети кабарлады.

"Июль айынын аягына карата буудайдын баасы өлкө боюнча орточо эсеп менен 29,15 сомду түздү. Бул өткөн жылдын ушул учуруна салыштырмалуу 8,2 сомго же 39,3 пайызга өскөнүн далилдейт", — деп айтылат билдирүүдө.

Буудайдын чекене баасы орточо көрсөткүчтөн Бишкек (бир килограммы 31,46 сом), Токтогул (30,96 сом), Исфана (30,73 сом) жана Өзгөн (30 сом) шаарларында жогору болуп жатат. Ал эми арзан буудай Чаек айылында (бир килограммы 18 сом), Каракол (20,87 сом) жана Кара-Суу (23,59 сом) шаарларында сатылууда.

Бир ай ичиндеги бааны айта турган болсок, июлда буудай мурунку айга салыштырмалуу 3,4 сомго (13,1 пайыз) кымбаттаган.

43
Белгилер:
Кыргызстан, Буудай, баа, статистика
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео