МСК: төрт интернет-провайдер компаниясы 74 млн. сом салык төлөгөн эмес

Жазылуу
Мекеме калган материалдар боюнча үч компаниянын доо арыздары Бишкек шаарынын район аралык сотунда каралып, бул талаш-тартыш боюнча акыркы чечим кабыл алына электигин билдирет.

БИШКЕК, 22-июль — Sputnik. Салык кызматы текшерүүнүн жыйынтыгы менен төрт интернет-провайдер компанияларына кошумча 74 миллион сом салык төлөмүн эсептегенин аталган мекеме билдирет.

Улуттук валюта. Архив - Sputnik Кыргызстан
Миллион сомдон ашык салыкты жашырып койгон ишкер жана ишкана аныкталды
Маалыматка ылайык, байланыш операторлорунун ассоциациясы Мамлекеттик салык кызматы (МСК) эл аралык келишимдердин жоболорун бузуу менен Кыргызстандын байланыш операторлоруна бир жолку салыктарды мыйзамсыз салууда деп билдирип, кызматтын чечимин жараксыз деп табуу үчүн сотко кайрылган. 

Мындан улам МКС түшүндүрмө берип, 2013-2014-жылдарда төрт интернет-провайдерлик компанияга салыктык текшерүү жүргүзгөнүн маалымдайт. Натыйжада 73 миллион 950 миң сом салык кошумча эсептелген, анын ичинде резидент эместердин кирешесине карата салык жана киреше салыгы бар.

"Текшерүү Салык кодексинин ченемдеринин жана "Кош салык салуудан, ошондой эле киреше жана капитал салыктарын төлөөдөн баш тартуунун алдын-алуу жөнүндө" Кыргызстан менен Казахстандын ортосундагы макулдашуунун, ошондой эле КР Өкмөтүнүн тийиштүү токтомдорунун негизинде жүргүзүлгөн", — деп айтылат билдирүүдө. 

Азыркы учурда "IP NET" ишканасынын иши Жогорку соттун кароосунда турат, бул иш боюнча угуу 23-июлда болот. Мекеме калган материалдар боюнча үч компаниянын доо арыздары Бишкек шаарынын район аралык сотунда каралып, бул талаш-тартыш боюнча акыркы чечим кабыл алына электигин билдирет.

МСК өзү жүргүзгөн иштерди мыйзам ченемдүү деп эсептерин баса белгилейт.

Жаңылыктар түрмөгү
0