Премьер-министр Темир Сариев. Архив

Премьер-министр Мамлекеттик мүлктү башкаруу фондунун ишин сынга алды

34
(жаңыланган 10:13 23.07.2015)
Сариев учурдагы көйгөй катары мамлекеттик активдер боюнча маселени жөнгө салуу жана натыйжалуу башкаруу, мамлекет карамагындагы мүлктөрдү кайра каттоодон өткөрүп, бул тармакта кадрларды даярдоону атады.

БИШКЕК, 23-июль — Sputnik. Мамлекеттин үлүшү бар акционердик коомдор менен мамлекеттик ишканаларды башкаруудан эч кандай майнап чыкпай жатканын премьер-министр Темир Сариев Мамлекеттик мүлктү башкаруу фондунун (ММБФ) директору Алмазбек Кадыркуловду кабыл алуу учурунда билдирди.

Мамлекеттик мүлктү башкаруунун натыйжалуу жолдору иштелип чыгышы керектигин белгилеген Сариев фонд менен мамлекеттик ишканалардын жетекчилигин ортосунда иш жөндшөтүрүлбөй, коллективдүү жоопкерсиздик өкүм сүрүп жатканын айтып өттү.

"Фонд мамлекеттин карамагындагы ресурстарды бөлүштүрүп, өлкө кармагандагы активдерди туура башкаруу жаатында иш алып барышы керек. Мамлекеттик үлүшү бар ишканалардын директорлор кеңеши жүргүзүлүп жаткан саясаттын маанисин түшүнүп, алардын негизги милдети мамлекетке киреше табуу экенин аңдап билиши зарыл. Бул жаатта сиз реформалардын чордонунда турушуңуз керек", — деди өкмөт башчы.

Сариев учурдагы көйгөй катары мамлекеттик активдер боюнча маселени жөнгө салуу жана натыйжалуу башкаруу, мамлекет карамагындагы мүлктөрдү кайра каттоодон өткөрүп, бул тармакта кадрларды даярдоону атады..

Жолугушуунун жүрүшүндө премьер-министр Кадыркуловго кыска мөөнөттө мамлекеттик мүлктү башкарууну жакшыртуу, мамлекеттик менчикте турган ишканалардын кирешесин көбөйтүү менен республикалык бюджеттин кирешесин жогорулатууну камсыз кылуу, 2015-1017-жылдарда менчиктештирүү программасына кирген мамлекеттин менчигиндеги объектилерди реализациялоо жараянын ишке ашыруу тапшырмасын берди.

34
Белгилер:
акционердик коом, ишкана, Алмазбек Кадыркулов, Темир Сариев, Кыргызстан
Тема боюнча
Диль: мамлекеттик мүлктү башкаруу фонду начар иштегендиктен, реформалоого муктаж
Мамлекеттик мүлк фонду Улуттук холдинг компаниясына айланат

Кыргызстандыктар жактырып айдаган унаалардын баасы. Инфографика

165
Sputnik Кыргызстан агенттиги даярдаган инфографикада өтүмдүү делген 15 автоунаанын баасы берилди.

Кыргызстандыктар арасында эң популярдуу унаалардын тизмеси:

  • Toyota Camry;
  • Daewoo Nexia;
  • Honda Fit;
  • Honda CR-V;
  • Mercedes-Benz E-класса;
  • Daewoo Matiz;
  • BMW, 5-серия;
  • Volkswagen Passat;
  • Honda Accord;
  • Honda Odyssey;
  • Lexus GX;
  • Hyundai Sonata;
  • Lada 2107;
  • Toyota Prius;
  • Toyota RAV4.

Баа мониторинги 20-ноябрда autobaza.kg, cars.kg жана mashina.kg сайттарына жарыяланган маалыматка таянып жасалды. Машиналардын баасы доллар менен көрсөтүлгөн (27-ноябрга карата доллардын баасын Улуттук банк 84,7 сом деп бекиткен).

165
Белгилер:
баа, унаа, популярдуулук, Кыргызстан
Тема боюнча
Кыргызстанга жалпы эреже менен машина алып кирүү канча турат. Калькулятор
Көз айнек жана сом купюралары. Архив

Ысык-Көл облустук өнүктүрүү фонду мамлекетке 13 млн. сом зыян келтиргени аныкталды

82
(жаңыланган 13:16 02.12.2020)
Башкы прокуратуранын маалыматына караганда, Ысык-Көл облустук өнүктүрүү фондунун башкаруу дирекциясы мыйзамсыз аракеттерди жасаган.

БИШКЕК, 2-дек. — Sputnik. Ысык-Көл облустук өнүктүрүү фондунун башкаруу дирекциясы мамлекетке 13 миллион сомдон ашуун зыян келтирген. Бул тууралуу Башкы прокуратурадан кабарлашты.

Ысык-Көл облустук прокуратурасы социалдык объектилерди курууга сарпталган акчанын максаттуу пайдаланылышы боюнча текшерүү жүргүзгөн.

Мааламатка караганда, аталган дирекция 2016-2019-жылдары З.С. аттуу жоопкерчилиги чектелген коому менен Жети-Өгүз районунун Светлая Поляна айылына спорт зал куруу үчүн келишим түзгөн. 2019-жылдын 4-мартында спорт зал пайдаланууга берилген.

"Бирок дирекциянын өкүлдөрү пайда көрүү үчүн кызматтык абалын кыянаттык менен пайдаланып З.С. ЖЧКсынын кызматкерлери менен сүйлөшүп алып айрым иштерди жогорулатылган баада жасаткан. Ошондой эле аткарылбаган иштер дагы сметага кирип калган. Анын кесепетинен мамлекетке 4 миллион 324 миң 200 сом зыян келтирилген", — деп айтылат маалыматта.

Ошондой эле 2014-2018-жылдар аралыгында Тоң районунун Тоң айылында бала бакча куруу үчүн дирекция менен жогоруда аталган ЖЧКнын ортосунда келишим түзүлүп, курулушу бүткөрүлдү делген бала бакча 2018-жылдын 29-майында пайдаланууга берилген.

"Мында дагы тараптар сүйлөшүп алып мамлекетти 4 миллион 378 миң 100 сом зыянга учураткан", — дешти Башкы прокуратурадан.

Мындан тышкары, 2015-2018-жылдар аралыгында Балыкчы шаарында бала бакча курууда дирекциянын кызмат адамдары менен ТИП коомунун кызматкерлеринин ушундай эле кылмыштуу аракеттеринен улам мамлекетке 4 миллион 338 миң 700 сом зыян келтирилгени айтылды.

Мамлекетке жалпы жонунан 13 миллион 041 миң сом өлчөмүндө зыян келтирилген.

Белгиленген фактылар Ыссык-Көл облустук прокуратурасы тарабынан Жазык кодексинин 320-беренеси ("Кызмат абалынан кыянаттык менен пайдалануу") менен КЖБРге катталып, сотко чейинки өндүрүш иши башталды.

82
Белгилер:
бюджет, коррупция, фонд, өнүктүрүү, Ысык-Көл облусу
Тема боюнча
Прокуратура 10 млн. сомдук жер тилкени мамлекетке кайтарды
Прокуратура: Бишкекте иштебеген мугалимдерге айлык төлөнгөн факты аныкталды

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды