ЕАЭБ жөнүндө толук маалыматты кыргызстандыктар Салык кызматынын веб-сайтынан ала алышат

Жазылуу
Мамлекеттик салык кызматынын сайтында алты тематикалык бөлүмдөн турган атайын блок иштей баштады.

БИШКЕК, 13-авг. — Sputnik. Мамлекеттик салык кызматынын сайтында салык төлөөчүлөр үчүн ЕАЭБ жөнүндө атайын блок иштей баштагынын мекеменин маалымат кызматы билдирди.

ЕЭК: Кыргызстан Евразиялык экономикалык биримдиктин толук мүчөсү болду - Sputnik Кыргызстан
ЕЭК: Кыргызстан Евразиялык экономикалык биримдиктин толук мүчөсү болду
Кыргызстандын ЕАЭБге толук кирүүсү жөнүндө келишим ратификациялангандан кийин кыргыз-казак чек арасындагы бажы көзөмөлү алынды. Кыргызстан биримдиктин толук мүчөсү болду.

Салык кызматынан билдиришкендей, www.sti.gov.kg сайтында алты тематикалык бөлүмдөн турган атайын блок ачылды. Ал жактан салык төлөөчүлөр ЕАЭБ боюнча толук маалыматтарды ала алышат.

"Евразиялык экономикалык комиссия" бөлүмүндө ЕАЭБдин жөнгө салуучу органынын иштери боюнча толук маалымат алып, такай жаңыланып турчу жаңылыктар менен тааныша алышат.

"Нормативдик база" бөлүмүндө ЕАЭБдин алкагында иштеп жаткан бардык ченемк-укуктук негиздер боюнча маалыматтар камтылган.

Салык төлөөчүлөр үчүн ыңгайлуу шарттар түзүлөт
"Салык отчеттуулугу" бөлүмүнөн документтердин үлгүсү менен таанышууга болот. 

Талап кылынган документтерди кантип толтуруу керектиги жагынан бул өтө ыңгайлуу жана пайдалуу нерсе. Анан калса, алар электрондук түрдө аймактык салык органдарына жиберилет.

Ошондой эле "Электрондук брошюралар", "Көп берилген суроолор" жана "Видеоматериалдар" бөлүмдөрүнөн салык төлөөчүлөр кызыккан суроолоруна жооп ала алат.

Жаңылыктар түрмөгү
0