Сом жана доллар купюралары. Архив

Улуттук банк сомдун курсун долларга карата 2,4 пайызга төмөндөттү

138
(жаңыланган 17:49 24.08.2015)
Ишемби күнү Бишкектин акча алмаштыруу жайларында сом долларга карата өстү: америкалык валюта 64 сомдон алынып, 64,7 сомдон сатылууда. Жума күнү бир доллар 65-67 сомго бааланган.

БИШКЕК, 22-авг. — Sputnik. Кыргызстандын Улуттук банкы сомдук расмий курсун 2,4 пайызга төмөндөткөнүн расмий сайтына жарыялады. 

Казакстандын улуттук валютасы — теңгенин долларга карата эркин баасына өтүүсү боюнча чечиминен кийин сомдун да доллар менен еврого карата наркы төмөндөп кеткен. Жеке акча алмаштыруу жайларында эки сутканын ичинде сомдун курсу беш пайызга кыскарган. Улуттук банктын төрагасы Толкунбек Абдыгулов сомдун курсу кызыл кулактыктан улам төмөндөп жатканын, мекеме кескин секириктерге жол бербей турганын билдирген.

Банктар аралык рыноктогу сооданын жыйынтыгы менен жума күнү кечинде Улуттук банк сомдун долларга карата расмий курсу 2,42 пайызга же 62,14төн 63,65 сомго чейин төмөндөткөн.

Ишемби күнү Бишкектин акча алмаштыруу жайларында сом долларга карата өстү: америкалык валюта 64 сомдон алынып, 64,7 сомдон сатылууда. Жума күнү бир доллар 65-67 сомго бааланган.

Жай айларында сомдун долларга карата курсу республика үчүн пайдалуу деп эсептелинет. Бул туристтердин Ысык-Көлгө келишине байланыштуу. Сезон учурунда бул жерге миллионго жакын туристтер эс алууга келип, калкынын саны алты миллионго жакындаган Кыргызстандын экономикасы үчүн чет элдик валютанын агымын камсыздайт.

138
Белгилер:
теңге, доллар, сом, курс, Улуттук банк, Кыргызстан
Тема боюнча
Казакстандын премьери: тенгенин курсу эркин өзгөрүп туруучу тартипке өттүк
УБ: валюта рыногундагы өзгөрүүлөргө Кыргызстан туруштук бере алат
Акча алмаштыруу жайлары: долларды коммерциялык банктар ого бетер көтөрүп жиберди
Пикирлер