Жыл башынан бери сомдун курсу долларга карата 10,3%га төмөндөгөн

© Sputnik / Табылды КадырбековНациональная валюта и долларовая купюра. Архивное фото
Национальная валюта и долларовая купюра. Архивное фото - Sputnik Кыргызстан
Жазылуу
Улуттук банк сомдун курсун кармап туруу үчүн валюта рыногуна 16 жолу интервенцияга чыккан.

БИШКЕК, 25-авг. — Sputnik. Жыл башынан бери сом 10,3 пайызга арзандаганын Улуттук банктын төрагасы Толкунбек Абдыгулов маалымат жыйынында билдирди.

Анын айтымында, мекеме сомдун курсун кармап туруу үчүн валюта рыногуна 16 жолу интервенцияга чыккан.

"Анын ичинде 11 жолу 179,1 миллион долларды сатуу үчүн жана беш жолу 44 миллион долларды сатып алуу үчүн рынокко чыккан. Мындан улам таза сатуу 135,1 миллион долларды түздү", — деди ал.

Абдыгулов Улуттук банк акча сатып өз запасын түгөтүүдө деген кептин жалган экенин кошумчалады.

"Сатып эле тим болбостон, сатып алып да жатабыз", — деди төрага.

Улуттук банктын жетекчиси сомдун курсу кескин өзгөрүүлөрүнө банктын туруштук бере турган резерви жетиштүү экенин белгиледи. 

"Учурда рынокто абал туруктуу. Тынчсызданууга эч кандай себеп жок", — деди Абдыгулов.

19-августта Кыргызстанда доллардын эсеп курсу 61,3 сом көрсөткүчүндө катталган. Шейшемби күнү Улуттук банк бекиткен курсу 64, 9 сом болду. Доллардын кымбатташына теңгенин төмөндөшү себеп болду. Ал эми жыл башында доллар 58,1 сом чегинде турган.

Сомго карата доллардын, рублдин жана теңгенин курсу кандайча өзгөргөнүн Sputnik даярдаган инфографикадан көрүңүз>>

Жаңылыктар түрмөгү
0