Ошто курулуш компаниясы иш көлөмүн жасалма көбөйтүп, казынага жарым миллион сом зыян келтирген

© Sputnik / Александр Кряжев / Медиабанкка өтүүЖумушчу ремонт иштери менен алектенип аткан кези. Архив
Жумушчу ремонт иштери менен алектенип аткан кези. Архив - Sputnik Кыргызстан
Жазылуу
Курулуш иштерин "Акматкурулуш" компаниясы жүргүзгөн. Тендердин жыйынтыгы менен ҮМБнын филиалын жана коммуникациясын оңдоо үчүн бир миллион 393 миң сомдук жумуш аткарылмак.

БИШКЕК, 11-сен. — Sputnik. Ош шаардык №2 үй-бүлөлүк медициналык борборунун (ҮМБ) имаратын капиталдык ремонттон өткөрүүдө аткарылган курулуш иштеринин жасалма көбөйтүлүшүнөн мамлекетке 556,5 миң сом зыян келтирилгенин УКМК билдирет.

Жети-Өгүз РЭС жасалма документ менен мамлекетке 2 млн. сом зыян келтирген
Маалыматка ылайык, курулуш иштерин "Акматкурулуш" компаниясы жүргүзгөн. Тендердин жыйынтыгы менен ҮМБнын филиалын жана коммуникациясын оңдоо үчүн бир миллион 393 миң сомдук жумуш аткарылмак. 

Текшерүүнүн натыйжасында чакырылган эксперттер курулуш компаниясы тарабынан аткарылган жумуштун көлөмү көбөйтүлгөнү аныкталган. 

Аталган факт боюнча кылмыш жаза кодексинин 171-беренесинин (Ишенип берилген мүлктү ыйгарып алуу же төлөмөр болуу) негизинде кылмыш иши козголду.

Учурда тергөө иштери жүрүп жатат. 

Жаңылыктар түрмөгү
0