Зилалиев: кен казууга укук берүүчү сынак ачык-айкын өтөт

© Sputnik / Руслан Кривобок / Медиабанкка өтүүКен казуучу жүк автоунаалар. Архив
Кен казуучу жүк автоунаалар. Архив - Sputnik Кыргызстан
Жазылуу
Мыйзамга ылайык, сынак эки этап менен өтүп, жеңүүчүсү ноябрдын биринчи жарымында белгилүү болот. Мындан тышкары, жеңүүчү аныктоо шарттары талкууга алынды. Терек-Сайда алтын чыгаруучу фабрика куруу башкы талаптардын бири болуп саналат.

БИШКЕК, 23-сен. — Sputnik. Мамлекеттик геология агенттигинин башчысы Дүйшөнбек Зилалиев Чаткал жана Ала-Бука райондоруна болгон иш сапарынын алкагында Иштамберди кениндеги алтын чыгаруучу фабриканын курулушу менен таанышканын аталган мекеме билдирди.

Маалыматка ылайык, чогулуш учурунда Зилалиев курулуштун макулдашылган календардык планын жана фабриканы ишке киргизүү мөөнөтүн үзгүлтүккө учуратпоо керектигин белгиледи.

"Агенттиктин кызматкерлери Терек-Сай айыл өкмөтүнүн жана Чаткал районунун тургундары менен жолугуп, кенди иштетүү укугу үчүн жарыяланган сынактын тартиби жана графиги айтылды", — деп маалымдалат билдирүүдө.

Алтын кендерин казуу иштери. Архив - Sputnik Кыргызстан
Өкмөт Жалал-Абаддагы алтын кендерин иштетүү боюнча сынак жарыялады
Мыйзамга ылайык, сынак эки этап менен өтүп, жеңүүчүсү ноябрдын биринчи жарымында белгилүү болот. Мындан тышкары, жеңүүчү аныктоо шарттары талкууга алынды. Терек-Сайда алтын чыгаруучу фабрика куруу башкы талаптардын бири болуп саналат.

Зилалиев чогулгандарга өткөрүлө турган сынактын бардык процедуралары ачык-айкын болуп, маалымат каражаттарында чагылдырыла турганын баса белгиледи.

Жаңылыктар түрмөгү
0